Azııa chempıonaty Astanada ótedi
Beısenbi, 26 sáýir 2012 6:35
DÚBIR
Olımpıadaǵa 92 kún qaldy
Ońtústik Koreıanyń Pýentaek qalasynda aýyr atletıkadan ótip jatqan Azııa chempıonaty elimiz úshin jaqsy jańalyqpen bastaldy.
Chempıonat qarasańynda ótken Halyqaralyq aýyr atletıka federasııasynyń kongresinde Qazaqstan 2013 jyly erler men áıelder arasyndaǵy Azııa chempıonatyn ótkizý quqyǵyna ıe boldy.
Beısenbi, 26 sáýir 2012 6:35
DÚBIR
Olımpıadaǵa 92 kún qaldy
Ońtústik Koreıanyń Pýentaek qalasynda aýyr atletıkadan ótip jatqan Azııa chempıonaty elimiz úshin jaqsy jańalyqpen bastaldy.
Chempıonat qarasańynda ótken Halyqaralyq aýyr atletıka federasııasynyń kongresinde Qazaqstan 2013 jyly erler men áıelder arasyndaǵy Azııa chempıonatyn ótkizý quqyǵyna ıe boldy.
Mundaı qurmettiń elimizge kórsetilip otyrǵany beker emes. О́ıtkeni, bizdiń elimizdiń aýyr atletıkadaǵy dástúri keshegi Keńes Odaǵy kezinen bastaý alǵany belgili. Kongress barysynda osynyń bári eskerilip, HAF Qazaqstanǵa taǵy 2014 jylǵy lısenzııalyq álem chempıonatyn ótkizý quqyǵyn da berdi. Bul báseke Astana qalasynda ótetin bolyp sheshildi. Bul – endi tórt jyldan keıin Brazılııanyń Rıo-de-Janeıro qalasynda jalaýy jelbireıtin álemdik dodaǵa qatysýdy armandaǵan árbir ziltemirshi qazaq topyraǵyna kelip, baq synasady degen sóz. Sol kezde Astana tórinde asyǵy alshysynan túsken órender Olımpıadaǵa joldama alady.
Joǵarydaǵy jıyn barysynda Halyqaralyq aýyr atletıka federasıasynyń prezıdenti Tomash Aıannyń ózi Qazaqstannyń kandıdatýrasyn birden qoldady. Qazaqstan Aýyr atletıka federasııasynyń habarlaýynsha, Toman Aıan elimizge qatysty mynadaı baǵasyn beripti: «Men Qazaqstanǵa birneshe ret saparmen baryp, olar uıymdastyrǵan halyqaralyq jarystardyń birazyn óz kózimmen kórdim. Bul jaǵynan esh min aıta almaımyn. Barlyq sharýa asa joǵary deńgeıde júzege asyrylýda. Tipten, eń qarapaıym degen istiń ózine atalmysh memlekettiń azamattary asqan jaýapkershilikpen qaraıdy. Osy baǵyttaǵy jumystardyń durys júrgizilip, otandyq aýyr atletıkany órkendetý jolynda respýblıkalyq federasııa basshysy Qaırat Turlyhanovtyń kóp eńbek sińirip júrgenin basa aıtqym keledi».
– Bul tek bizdiń ǵana eńbegimiz dep aıtýdan aýlaqpyn, – deıdi Qaırat Turlyhanov. – Eń bastysy, Memleket basshysy N.Nazarbaevtyń ózi qaı kezde de sport salasyna erekshe qamqorlyq kórsetip keledi. Sonymen qatar, Deneshynyqtyrý jáne sport isteri agenttigi men bas demeýshimiz – «Samuryq-Qazyna» ulttyq ál-aýqat qory da árkez qamqor qolyn sozýda. Al, bizder bolsaq, óz kezegimizde senim údesinen shyǵý úshin barynsha eńbek etip júrmiz. Bizder úshin qazirgi basty maqsat – endi úsh aıdan soń Londonda alaýy tutanatyn Olımpııa oıyndarynda Qazaqstannyń sporttyq dańqyn arttyrý. Osy maqsatqa jetý jolynda otandyq aýyr atletter esh aıanyp júrgen joq.
Sóıtip, 2013 jyly Astanada sary qurlyqtyń saıypqyrandary bas qosatyn bolsa, 2014 jyly tórtkúl dúnıeniń teńdessizderi Alash topyraǵyn betke alady. Qos jarystyń da tartysty ótetinine esh kúmánimiz joq.
Al Pýentaek qalasynda ótip jatqan Azııa chempıonatynyń alǵashqy nátıjelerine kelsek, bizdiń qos sportshymyz – Galına Mamotova (48 kılo) men Gúlsara Tólegenova (52 kılo) «V» tobynda óner kórsetip, ekeýi de ekinshi oryndy ıelendi.
Bul synǵa Azııanyń kóptegen elderi ózderiniń aýyr ziltemirden seskenbeı, basynan erkin asyra alatyn sportshylarymen keldi. Al Qytaı, Iran jáne Qazaqstan sııaqty aýyr atletıkadan myqty elder bul básekege ekinshi quramyn ákelip otyr. Azııadaǵy dál qazirgi jaǵdaıdy aıtatyn bolsaq, ózge elderge Iran quramasymen ıyq teńestirip teń óner kórsetý múmkin bolmaı otyrǵanyn aıtý kerek.
Sondyqtan bolar, Qazaqstan Aýyr atletıka federasııasynyń habarlaýynsha, kóptegen elder ózderiniń negizgi kúshin Olımpıadaǵa saqtaýdy jón kórip otyr eken. Al elimiz komandasy Azııa chempıonatynda myna qurammen óner kórsetýde. Bul jerde qurama komanda Aleksandra Aborneva (+75 kılo) men Igor Vashanovqa (94 kılo) zor úmit artyp otyrǵanyn aıtýǵa bolady. Basqa sportshylarǵa kelsek, olardyń basym kópshiligi jastar. Onyń ishinde byltyr Perýde jasóspirimder arasynda ótken álem chempıonatynda qola medal ıelengen Ádilbek Balqaev (69 kılo), Anastasııa Shvabaýer (69 kılo) men Nursultan Rahatov (77 kılo) bar. Sondaı-aq, osy synǵa sońǵy kezderi mamandardyń kózine túsip, ulttyq qurama sapyna qosylyp júrgen Erbol Meıirmanov (85 kılo), Stanıslav Kopytov (105 kılo) pen Dmıtrıı Kaplın (105 kılodan joǵary) de qatysýda. Pýentaek tórinde Erbolat Jolamanov (62 kg), Aleksandr Kım (69 kg), Medet Júndibaev (77 kg), Ermek О́mirtaı (85 kg), Galına Mamontova (48 kg), Gúlsara Tólegenova (53 kg), Sáýle Sádýaqasova (63 kg), Faına Sybanbaeva (63 kg) jáne Gúlnaz Naýryzova (75 kg) óner kórsetýde.
JASYL ALAŃǴA ShYǴADY
Osy aptada Londonnyń «Ýemblı» stadıonynda jerebe tastalyp, Olımpıadada synǵa túsetin ulttyq quramalar topqa bólindi.
Olımpıadadaǵy fýtboldan jarys myna 16 komandanyń arasynda ótedi.
«A» toby: Ulybrıtanııa, Senegal, BAÁ, Ýrýgvaı;
«V» toby: Ońtústik Koreıa, Meksıka, Gabon, Shveısarııa;
«S» toby: Brazılııa, Egıpet, Belorýssııa, Jańa Zelandııa;
«D» toby: Japonııa, Ispanııa, Gondýras, Marokko.
Oıyndar 26 shilde kúni bastalady.
Eskerte ketetin nárse, bıylǵy Olımpıadada Anglııa, Shotlandııa, Soltústik Irlandııa jáne Ýels quramalary birigip, Ulybrıtanııa degen atpen jarysqa qatysady.
Sınhrondy júzý
QOS LISENZIIа QORJYNDA
Osy kúnderi Ulybrıtanııanyń astanasynda alaýy tutanatyn Olımpııa oıyndaryna joldamalar álemniń ár túkpirinde sarapqa salynyp, ony ıelengen sportshylardyń esimderi belgili bolýda.
Jaqynda London qalasynda sınhrondy júzýden ótken olımpıadalyq synaqtyq jarysta bizdiń eldiń eki birdeı ókili – Anna Kýlkına men Áıgerim Jeksenbıneva Olımpıada joldamasyn jeńip aldy. Bul jarys qyzdarymyz úshin naǵyz synaq alańyna aınaldy. Eger olar 16-shy orynnan tómen satydan kórinse, tórtjyldyqtyń basty dodasyna bara almaıtyn edi. Alaıda aqqýdaı qos arýymyz 14-shi orynǵa taban tirep, Olımpıada lısenzııasyna ıe boldy.
Bul jarysta ádettegideı, reseılikter men Ispanııa jáne Ýkraına juptary júldeli oryndardy ıelendi. Bas júldeni Reseı qyzdary jeńip alsa, Ispanııa ókilderi kúmis, al Ýkraına qyzdary qola medalge qol jetkizdi.
Kúres
BELDESETIN BALÝANDAR
27-29 sáýir kúnderi Qytaıdyń Taıvan aralynda erkin, grek-rım jáne áıelder kúresinen ótetin lısenzııalyq týrnırge Qazaqstan atynan qatysatyn balýandardyń esimderi jarııalandy.
Onda erkin kúresten kilemge 84 kılo salmaqtaǵy Ermek Baıdýashev shyǵady. Qazir bizdiń quramada onyń salmaǵynda joldama bolmaı tur. Al Astanada ótken Azııa irikteý týrnırinde Semen Semenov jartylaı fınalda jeńilip qalǵan bolatyn. Endigi úmit Azııa oıyndary men Azııa chempıonatynyń júldegeri Baıdýashevte.
Grek-rım kúresinen 56 kılodaǵy Ashat Qudaıbergenov pen 96 kılo salmaqtaǵy Jasulan Sydyqovqa senim artylyp otyr. Ashattyń Astanada ótken týrnırde jartylaı fınalda álemniń bes dúrkin chempıony reseılik Hamıt Sýrııannan utylǵanyn bilemiz. Al Jasulannyń salmaǵynda Marǵulan Ásembekov kilemge shyǵyp, ol da jartylaı fınalda jeńilip qalǵan bolatyn.
Áıelder kúresinde 55 kılodaǵy Aıym Ábildınanyń ornyna Aıjan Smaǵulova beldesedi. Aıym da Astanada ótken týrnırde jeńilis tapqan edi. Endi A.Smaǵulova sol olqylyqtyń ornyn toltyrady dep senemiz. Ol – bıyl Koreıanyń Gýmı qalasynda ótken Azııa chempıonatynyń qola júldegeri. Osy joly jeńse, Olımpıadaǵa alǵash ret barady.
Semserlesý
JETPIS JETINShI JOLDAMA
Jaqynda elimizge Kúnshyǵys elinen qýanyshty habar kelip jetti.
Japonııanyń Iаkogomo qalasynda semserlesýden ótip jatqan Azııa chempıonatynda bizdiń sportshymyz Iýlııa Jıvısa bas júldeni jeńip alyp, London Olımpıadasynyń joldamasyna ıe boldy. Ol fınalda qytaılyq Sıng Ing Aýdy 15:12 esebimen utqan. Sóıtip, Qazaqstan sportshylarynyń Olımpıadaǵa joldamasyn 77-ge jetkizgen Iý.Jıvısa lısenzııany ıelenip qana qoımaı, Azııa chempıony atandy.
Buǵan deıin semserlesýden Elmır Álimjanov pen Dmıtrıı Aleksanın joldama alǵan bolatyn. Endi, mine olardyń qataryn Iý.Jıvısa tolyqtyryp otyr.
Tennıs
BÁRI MAÝSYMDA ShEShILEDI
London Olımpıadasyna Qazaqstannyń atynan tórt tennısshi qatysýy múmkin.
Bul kúnderi halyqaralyq arenada laıyqty óner kórsetip júrgen Galına Voskoboeva, Mıhaıl Kýkýshkınniń joldama alýǵa múmkindigi kóp ekeni aıtylýda. Sondaı-aq, Iаroslava Shvedovanyń da Olımpıadaǵa kúsh synasýǵa múmkindigi bar delinýde. Al Ksenııa Pervaktyń lısenzııa alýyna Reseı ruqsat berýi kerek eken.
Qalaı desek te Londonǵa baratyn tennısshilerdiń tizimi maýsym aıynda ǵana belgili bolady. Osy kezde Halyqaralyq tennıs qaýymdastyǵy Olımpıadaǵa qatysatyn 104 er jáne 104 áıel tennısshiniń esimin jarııalaıdy.
Dastan KENJALIN.
