«Astana» árqashan alǵa umtylady

Sársenbi, 2 mamyr 2012 7:28

Jeksenbi kúni Túrkııanyń Alanııa qalasynda 48-shi qurlyqaralyq prezıdenttik veloshabandozdar bá­se­kesi aıaqtaldy. Túrkııa týryna álemdegi eń myq­ty 25 komanda qatysty. Onyń ishinde jarys jolyna Fransııa, Belgııa úsh komandadan, Reseı, AQSh, Ispanııa jáne Túrkııa eki komandadan shyǵar­dy. Jalpy qashyqtyǵy 1300 shaqyrymdy quraı­tyn aıtýly báseke 29 sáýir kúni Ystambulda márege jetti. Bul jarysta Aleksandr Vınokýrov,

Sársenbi, 2 mamyr 2012 7:28

Jeksenbi kúni Túrkııanyń Alanııa qalasynda 48-shi qurlyqaralyq prezıdenttik veloshabandozdar bá­se­kesi aıaqtaldy. Túrkııa týryna álemdegi eń myq­ty 25 komanda qatysty. Onyń ishinde jarys jolyna Fransııa, Belgııa úsh komandadan, Reseı, AQSh, Ispanııa jáne Túrkııa eki komandadan shyǵar­dy. Jalpy qashyqtyǵy 1300 shaqyrymdy quraı­tyn aıtýly báseke 29 sáýir kúni Ystambulda márege jetti. Bul jarysta Aleksandr Vınokýrov, Asan Bazaev, Evgenıı Nepomnıashıı, Dmıtrıı Grýzdev, Valentın Iglınskıı, Andreı Zeıs, Aleksandr Dıachenko men Iаkopo Gýarnıerı baq synasty. Jeke synda túrkııalyq komanda sapyndaǵy bolga­rııa­lyq Ivaılo Garbovskı jeńiske jetse, astanalyq Aleksandr Dıachenko 2-shi orynǵa ıe boldy. Ol jeńimpazdan bar-joǵy 1,33 mınót utylyp qaldy. Jal­py­komandalyq esepte «Astana» 1-shi oryn aldy.

Jaqynda bizge komanda kóshbasshysy, tanymal qazaq­standyq veloshabandoz Aleksandr VINOKÝROVPEN suh­bat­­tasýdyń sáti túsken edi.

– «Amstel Gold» velobáıgesindegi jeńisterińiz qutty bolsyn!Maýsymdaǵy alǵashqy jeńis qoı, jigitterdiń máreden kórinetinine senimdiboldyńyz ba, álde bul tosyn syı boldy ma?

– Tosyn syı dep aıtýǵa kelmeıtin shy­ǵar. Komanda jarys jolyna aldyna úlken maqsat qoıyp shyqqan bolatyn. Onyń ústine Enrıke Gasparotto «Amstel Goldta» jeńiske úmitti­lerdiń biri boldy. Sondyqtan oǵan úlken senim artyldy. Velosport – lotereıa. Utym­dy sátti tıimdi paıdalanyp, kópten kútken jeńisimizge qol jetkizdik.

– Jarysty teledıdardan tamasha­la­ǵan bolarsyz?

– Joq, ókinishke qaraı, jolda boldym. Sondyqtan jigitterdiń jarysyn úzip-úzip kórýge týra keldi. Al jeńiske jetkenimizdi komandamyzdyń sporttyq dırektory Aleksandr Shefer sol sátte uıaly telefonyma habarlasyp, súıinshi surady.

– Márege jaqyn qalǵanda Maksım Iglınskıı jeńiske jetedi degen senim uıalaǵan, biraq sońǵy sátte júrisi baıaýlap qalǵandaı bolyp edi…

– Maksımdi maýsym basynan jeńiske yntalandyryp kelemiz. Birge jattyǵamyz. Me­nimen kórshi turady. Baby da kelisip tur. Valverdı, Jılber syndy qarsylastarǵa tisi batatyndaı shamasy bar. Biraq joly bolmaı-aq qoıdy. Al jalpy komanda týrasynda aıtar bolsam, jaqsy óner kórsetti. Únemi peloton aldynda boldy. Bap shaba ma, baq shaba ma dep jatady ǵoı. Bul joly da jattyǵýlarda aıanbaı ter tókkenimizdiń nátı­jesi kórinip-aq turdy. Baǵymyz da jandy. Amstelge osaldar kelmeıdi. Ony ózde­rińiz de baıqap júrgen bolarsyzdar. Búgingi jeńi­simiz shabandozdardyń ózine degen senimin arttyratyny sózsiz. Jarys bas­talýǵa úsh saǵat qal­ǵanda Qazaqstan Velosport fede­rasııasynyń prezıdenti Qaırat Kelimbe­tov­pen sóılestim. Maýsym basynan bir qýantpa­dyńdar ǵoı degen turǵydaǵy sózine jaqyn arada jeńis mindetti túrde keledi dep sendir­gen edim. Shamaly ýaqyt­tan keıin qýanyshty habar aldyq.

– Qazaq jankúıerleriniń eń aldymen, óz sportshylarymyzǵa búıregi buryp turady ǵoı. Komanda sapynda izińizdi basqan qazaq­stan­dyq shabandozdar týraly ne aıtar edi­ńiz? Klassıkalyq jarystar aıaqtalýǵa ja­qyn, alda iri grand týrlar bar degendeı…

– Árıne, Gasparottonyń ornyna Iglınskıı tuǵyrdan qol bulǵap tursa, nur ústine nur bolar edi. Ondyqqa ilinse, komandaǵa da, óz qorjynyna da upaı salýǵa múmkindigi bar. Jigitterden aıanyp jatqan eshkimdi kórmedim, Malaızııada Dıachenko, Iglınskıı men Grýzdev jeńiske talasyp kórdi. Maksım Iglınskıı «Montepaskı Strada Bıankı» dodasynda máre syzyǵyn ekinshi bolyp kesken. Kan­chelaraǵa ese jiberdi. Bul nátıje Maks úshin úlken jetistik. Biraq jeńistiń orny bólek. Mýravev peloton basynda kórinip júr. Bazaev, Grýzdev barynsha kóshbasshyǵa eńbek etedi. Jeńiske jetý úshin tájirıbe molynan bolýy kerek. Osy jaǵy aqsap tur ǵoı deımin. Qoldan kelgen kómegimdi aıap jatqa­nym joq. Jattyǵý kezinde bolsyn, jarysta bolsyn, tipti demalys ýaqytynda basymyz qosyla qalsa, aqyl-keńesimdi aıtyp otyramyn. Bolashaq­qa senimmen qaraýǵa negiz bar.

– Al aldaǵy mártebesi joǵary kóp­kúndikterde jerlesterimizden ne kútemiz? Álde olarǵa komanda kóshbasshylaryna jumys isteý mindeti júktelgen be?

– Árıne, Djıro, Týr de Frans, Výelta syndy jarystarda komanda aldyna bir maqsat qoıylady. Barlyǵy sol maqsatqa qol sozý úshin ter tógedi. Djıroda Dıachenko men Zeıs komanda quramynda. Komanda kapıtany Roman Kroısıgerdiń janynan ta­by­­lýǵa daıyn tur­ǵan senimdi sańlaqtar. Olar áli jas, tájirıbe jınaý qajet. Onsyz bolmaıdy. Men de kezin­de Iаn Ýlrıhtiń gregorıi atanyp júrdim, sol je­ńis­ke jetsin dep shó­mish­tep ter tóktim. Biraq sol eńbegim tekke ketken joq. Qorjy­nym mol tájirıbemen to­lyq­ty. Árıne, sáti túsip, jekelegen syndarda pelotonnan alǵa uzap jatsa, sońǵy sha­qy­rymdarda jeńiske talasyp jatsa qýanamyz. Biraq basty mindet – komanda jeńisi.

– Jankúıerler arasynda komanda quramyna kóńili tolmaıtyndar arakidik boı kórsetip qalady. Komandanyń uzaq ýaqyt jeńiske jete almaı júrgenine osy jáıt sebepker emes pe?

– Árıne, qansha adam bolsa sonsha pikir bolady. Árkim óz ornyn bilýi tıis. О́z isine jaýapty adamdar bar. Ár jerden anany alý kerek, mynany alý kerek dep shýlap jatsa, arty ne bolmaq? Men «Barys» komandasyna myqty oıynshyny alyńdar dep usynys jasamaımyn ǵoı. Bolmasa olardyń muz aıdynynda qalaı oınaý kerek ekenin aıtyp jat­qanym joq. Kelisim-shart máselesinde ózin­dik erek­she­­likter bar ekenin de umytpańyz­dar. Kanchelarany, bolmasa aǵaıyndy Shlek­terdi «Asta­naǵa» tartyńdar deý tek aıtýǵa ǵana ońaı. Bos, kelisim-sharty joq­tar­men kelissóz júr­gi­zesiń. Taǵy bir mańyz­dy jáıt, bul sura­ǵy­ńyz­ǵa men jaýap berýge tıis emes shyǵar­myn. Se­bebi, 2012 jylǵy maýsymǵa komanda quramyn jınaqtaýǵa men aralasqanym joq. Men basqa áriptesterim syndy komanda shabandozymyn.

Degenmen, búgingi qurammen de jeńiske jetýge bolady. Iá, ataqty kóshbasshy­myz­dyń joq ekeni ras, qatardaǵylar orta deń­geıden joǵary shabandozdar. Sonyń ózinde de biz olardan jeńis talap etemiz. Keshe Enrıka Gasparotto qýantty, erteń Asan Bazaev, bolmasa Valentın Iglınskıı Túrkııa týrynda namys­ty qoldan bermes. Kantador jeńis­ke jetip jatqanda nege Qazaqstan týy kóte­rilmeıdi dep syn aıtqandar boldy. Endi nege jeńim­paz­dar qatarynan kórin­beı­di deıdi. Sheteldik­terge aqsha shashýdyń ne qajeti bar, qazaq­standyqtar ǵana «Astanada» velosıped tepsin degender de joq emes. Djırodan keıin koman­danyń shama-sharqyn baǵalaýǵa bolar. Eger maǵan qatysty syn aıtylar bolsa, men oǵan jaýap berýge daıynmyn, al komandaǵa qatys­ty bolsa, kelisim-shartqa qol qoıyp, shabandozdarmen kelisim júrgizgender jaýap bersin.

– Qazaqstandyq shabandozdar arasynan sizdiń izińizdi basar, iri dodalarda senim artar sportshynyń bolmaǵany qalaı? Halyqaralyq velosıpedshiler odaǵynyń jarııalaǵan ulttyq reıtıng tizimine Qazaqstan múldem ilinbegen.

– Ekinshi Vınokýrov týmaǵan shyǵar. Ju­mys jasap jatyrmyz. Jigitterdiń bar­ly­ǵy derlik tyrysyp baǵýda. Biraq barly­ǵynyń da jeńiske jetýi múmkin emes. Týr de Fransta bir pelotonnyń ózinde bes-alty ǵana shabandozdyń márege birinshi kelýge qaýqary jetedi. Dál búgingi kúnge iri dodalarda jeńiske jetedi-aý degen qazaqstandyq joq. Biraq bir aptalyq týrlardy baǵyn­dy­rý­ǵa bolady. Bıik taýǵa shyǵýǵa mashyq­tan­ǵan Aleksandr Dıachenko, Andreı Zeıs bar. Tárbıe­lep, jetildire túsý kerek. Peter Sagan syndy týma talanttar júz jylda bir keledi. Bar bolǵany 22-23 jastaǵy slova­kııalyq sport­shy­nyń qorjyny jeńiske toly. Eldegi sport mektepterine kóńil bólý kerek. Jas balalardy ershikke erte otyr­ǵyz­baı, múmkin aldymen fızıkalyq jaǵy­nan jetildirip alý kerek pe eken? Bilim berý, jattyqtyrý baǵdar­lamalaryna ózgeris engizgen de durys bolar. Sebebi, jerles­terimniń birazy jastaıynan belgili bir deńgeıge deıin ǵana kúsh jumsaýǵa daǵdy­lan­ǵan. Odan ári asýǵa shamasy joq.

– Áńgime barysynda áriptesterime aqyl-keńes berýden qashpaımyn dedińiz. Sizdeı tájirıbesi mol veloshabandozdyń komandadaǵy orny bólek ekeni túsinikti. Komandanyń ishki-syrtqy sharýalaryna aralasasyz ba?

– Men shabandozbyn, biraq komanda me­ned­jeri Djýzeppe Martınellıge keńes be­re­tinim ras. Sońǵy sheshimdi Martınellı ózi qabyl­daıdy. Al komandaǵa jattyǵýlar barysynda, peloton ishinde bolsyn aqylym­dy aıtyp, jeńiske jigerlendirip otyramyn. Kóbisi áli jas, ózdiginen sheshim qabyldap, alǵa umty­lýǵa batyldary jetpeı jatady. О́tkende Lank­gavı týrynda Valentın Iglın­skııdiń jeńiske jetýge tolyq múmkin­digi boldy. Beseýi alǵa umtylǵan, olardyń dit­te­geni jalpy esepte kósh bastaý ǵana, al dál sol sátte olar qýǵan 10 sekóntten bizdiń ke­zeńdik jarys­ta jeńiske jetkenimiz mańyzdy edi. Radıo­nyń bolmaǵany da kesirin tıgizdi.

О́tken jylǵy olqylyqty qaıtalamaý maq­satynda 2013 jyly Astana jeıdesin kıer shabandozdarmen sóılesip júrmin. 5-6 saǵat­qa sozylǵan jattyǵýlardan soń, kompıýter aldyna otyryp is qaǵazdarǵa aralasý, keli­sim­der men jınalystar ótkizý óte qıyn. Arasynda telefon tutqasyna damyl bolmaıdy. Eki jumysty birdeı alyp júrý aýyr sharýa. Biraq meniń bul maýsymdaǵy basty maqsatym – sporttyq ǵumyryma ádemi núkte qoıý. Jeńiske jetip, jankúıer­lerimdi qýantsam deımin.

– Ispanııanyń Kalpe qalasynda ót­­ken oqý-jattyǵý jıynynda Djıro men Týr de Fransqa barý-barmaýym Malaızııa týrynan keıin anyqtalady dep edińiz. Grand týr­­­­larǵa qatysty sheshim qabyldadyńyz ba?

– «Djıroǵa» barmaımyn. Oǵan áli daıyn emespin. Al Týr de Fransqa qatysty bir sheshimge kelgenim joq. Árıne, jalpy esepte, kezeńdik jarystarda márege birinshi kelsem degen oıym da joq emes. Olımpııa oıyndaryn da oılap qoıamyn. Biraq qur týrıst bolyp qaıtý meniń minezime jat. Túrkııada babymdy taǵy bir synaqqa almaqshymyn. Mamyr aıynyń sońyna qaraı naqty jaýap aıtýǵa bolar. Týr de Fransqa qatysyp jatsam, jeńis úshin aıanyp qalmasym anyq.

– Al Olımpıadaǵa baratyn shaban­dozdyń esimi qashan belgili bolady? Eki joldamaǵa kim ıelik etýi múmkin?

– О́tkende ulttyq qurama bas bapkeri Vladımır Remygamen kezdestim. Qazir tizim­de alty sportshy bar. О́kinishke qaraı, bul tizim áli de qysqartýdy qajet etedi. Eki ǵana joldamaǵa ıemiz. Ázirge tizimde Aleksandr Dıachenko, Dmıtrıı Grýzdev, Maksım Iglınskıı, Asan Bazaev, Andreı Kashechkın jáne men barmyn.

Áńgimelesken Dına YSQAQOVA, jýrnalıst, arnaıy «Egemen Qazaqstan» úshin.

R.S. Belgııada ótken «Lej – Baston – Lej» birkúndiginde Maksım Iglınskıı máre syzyǵyn birinshi kesip, sporttyq ǵumyryndaǵy alǵashqy iri jeńisine jetti. Tuǵyrdyń úshinshi satysyna taǵy bir astanalyq Enrıke Gasparotto kóterildi. Túrkııa týrynda el namysyn qorǵaǵan Aleksandr Vınokýrovpen telefon arqyly habarlasyp, Maksımniń jeńisine óz oıyn bildirýin suraǵan edik. «Jarystyń sońǵy 50 shaqyrymyn ǵana tamashalaı aldym. Qýanyshymda shek joq. Meniń 2010 jylǵy jetistigimnen de asyp tústi jigitter! Maksım birinshi, Gasparotto úshinshi keldi. Jeńis tuǵyrynda eki birdeı «Astana» ókili turdy. «Astanaǵa» senim artqan, sońǵy sátsizdikterge túsinistikpen qaraǵan jankúıerlerimizge myń da bir alǵys. Sizderdiń qoldaýlaryńyz bizge jiger berdi! Astanaǵa senińizder, biz alar asýlar áli alda!» dep aǵynan jaryldy A.Vınokýrov.

«Lej – Baston – Lej» jarysynan soń Halyqaralyq velosıpedshiler odaǵy reıtıngin jańalady. «Astana» velokomandasy 408 upaımen segizinshi orynnan tórtinshige kóterilse, veloshabandozdar arasynda Enrıke Gasparotto 11-shi, Maksım Iglınskıı 17-shi orynǵa shyqty. Úzdikter tiziminiń 1-shi satysynda belgııalyq Tom Bonen tur. Al ulttyq reıtıngte Qazaqstan 13-shi orynǵa taban tiredi.