Sanǵa emes, sapaǵa júginemiz
Sársenbi, 23 mamyr 2012 6:55
Gvatemalanyń Antıgýa qalasynda aýyratletıkadan 20 jasqa deıingi jasóspirimderarasyndaǵy álem chempıonaty aıaqtaldy. Osyjarysta nebári tórt salmaq dárejesiboıynsha kúsh synasqan Qazaqstan quramasy ekialtyn, eki qola júlde alyp, komandalyqesepte úshinshi oryndy ıelendi.
Sársenbi, 23 mamyr 2012 6:55
Gvatemalanyń Antıgýa qalasynda aýyratletıkadan 20 jasqa deıingi jasóspirimderarasyndaǵy álem chempıonaty aıaqtaldy. Osyjarysta nebári tórt salmaq dárejesiboıynsha kúsh synasqan Qazaqstan quramasy ekialtyn, eki qola júlde alyp, komandalyqesepte úshinshi oryndy ıelendi.
Osy oraıda Aýyr atletıka federasııasy basshylarynyń sanǵa emes, sapaǵa júgirgenin, álem chempıonatyna úlken úmitpen tórt sportshymyzdy qatystyrsa, ziltemirshiler óz kezeginde el senimin aqtaı bilgenin aıtýǵa tıistimiz. Atap aıtar bolsaq, buǵan deıin habarlanǵanyndaı, qyzdar arasynda 69 kılo salmaq dárejesi boıynsha kúsh synasqan Jazıra Japparqul álem chempıony atandy. Sóıtip, bul qyzymyzdyń esimi qazaq arasynan shyqqan tuńǵysh álem chempıony retinde sport shejiresine jazyldy. Jalpy, Jazıra buǵan deıin de jankúıerlerin qýantyp, osydan eki jyl buryn Sıngapýrde ótken jasópirimder Olımpıadasynda da altynnan alqa taqqan bolatyn.
63 kg. salmaqta Karına Gorıcheva qola medalge ıe boldy. Julqyp kóterý jattyǵýy boıynsha ol tek Dıana Ahmetovadan qalyp qoıdy. Serpe kóterýdiń nátıjesinde Reseı sportshysymen qosa, qytaılyq Dınlıng Longty alǵa jiberdi. Byltyr bul qyzymyz álem chempıonatynda kúmis medaldi ıelengen bolatyn.
Erler básekesinde otandastarymyzdyń arasynan alǵashqy bolyp 94 kg. salmaqtaǵy Jasulan Qydyrbaev kúsh synasty. Azııa chempıony degen ataǵy bar jigitimiz 363 (165+198) kılolyq ziltemirdi baǵyndyryp, qola medaldi ıelendi. Ol byltyr erler arasynda ótken álem chempıonatynda qola júldeger atanǵan Saıd Muhamedpýr Qarqarash pen reseılik Egor Klımovqa ese jiberdi. Negizi bul salmaq dárejesin Qazaqstan aýyr atletıkasyna qut ákeletinin jankúıerler jaqsy biledi. Máselen, Ilıa Ilın Beıjiń Olımpıadasynda top jaryp, úsh ret álem chempıony atandy. Vladımır Sedov bolsa, 2009 jylǵy álem chempıonatynda eshkimge des bermedi. Almas О́teshev Azııa chempıonatynda eki ret júldegerler qatarynan kórindi. Qazir osy úsheýiniń arasyndaǵy básekelestik kúni búginge deıin jalǵasýda. Qazaqstan ulttyq qurama komandasy bapkerleriniń ózderi osy úsheýiniń arasynan kimdi Londonǵa aparamyz dep bas qatyrýda eken. Endi, mine aldaǵy kezde olardyń qataryna Jasulan Qydyrbaevtyń qosylatyny sózsiz.
105 kg. salmaqtaǵy ziltemirshiler arasynda Ibragım Bersanov álem chempıony atandy. Byltyrǵy álemdik dodada jeńis tuǵyryna sál ǵana jete almaı qalǵan ol bul joly sheberliktiń shynaıy úlgisin kórsetti. Qossaıystyń qorytyndysy boıynsha 391 (180+ 211) kılo salmaqty baǵyndyrǵan Ibragımmen eshkim teńese alǵan joq. Oǵan tipten, kúmis pen qola medaldi ıelengen latvııalyq Artýrs Plesnıeks pen ırandyq Saıd Saıardyń ózi jerlesimizge jarytyp qarsylyq kórsete almady.
Qoryta aıtqanda, komandalyq esepte 2 altyn men 2 qolany enshilegen Qazaqstan quramasy úshinshi oryndy ıelendi. Kósh basyndaǵy Qytaıdyń qorjynynda 6 altyn, 4 kúmis jáne 1 qola medal bolsa, Reseı 4 altyn, 3 kúmis jáne 1 qolany ıelenip, ekinshi orynǵa shyqty. Degenmen, bizdiń basty qarsylastarymyzdyń álem chempıonatyna tolyq qurammen kelgenin, al bizdiń komanda sapynda nebári tórt sportshymen qatysqanyn aıta ketý kerek. Osynyń ózinde qyz-jigitterimiz álemniń alpaýyt elderine laıyqty qarsylyq kórsete bildi.
Al ziltemirshilerdiń ózderi barynsha qoldaý kórsetip otyrǵan Sport jáne dene tárbıesi isteri jónindegi agenttigi men bas demeýshi – «Samuryq-Qazyna» ulttyq ál-aýqat qoryna rızashylyqtaryn bildiretinderin aıtýda.
Dastan KENJALIN,
«Egemen Qazaqstan».
