«Altyn belbeý» ıesi anyqtaldy
Juma, 1 maýsym 2012 7:34
Qostanaıdaǵy sport saraıynda Elbasy Nursultan Nazarbaevtyń júldesi úshin qazaq kúresinen «Altyn belbeý» oblystyq týrnıri ótti. Bul týrnır elimizdegi jaýyryny jerge tımeıtin kúshti balýandardyirikteý jáne ulttyq sporttyń osy túrin dáripteý, sóıtip, keleshekte onyńolımpııalyq oıyndar qataryna engizilýine yqpal etýdi maqsat tutty.
Juma, 1 maýsym 2012 7:34
Qostanaıdaǵy sport saraıynda Elbasy Nursultan Nazarbaevtyń júldesi úshin qazaq kúresinen «Altyn belbeý» oblystyq týrnıri ótti. Bul týrnır elimizdegi jaýyryny jerge tımeıtin kúshti balýandardyirikteý jáne ulttyq sporttyń osy túrin dáripteý, sóıtip, keleshekte onyńolımpııalyq oıyndar qataryna engizilýine yqpal etýdi maqsat tutty.
Qazaq kúresinen eki kún boıy qyzǵan jarys jasyna qaraı úsh topta, ıaǵnı jasóspirimder, jastar, birneshe salmaq kategorııasynda eresekter arasynda ótti. Oǵan oblystan barlyǵy 200-diń syrtynda balýan qatysyp, baǵyn synady. Olardyń arasynda sambodan Máskeý qalasynda ótken Harlamatev atyndaǵy halyqaralyq týrnır jeńimpazy, halyqaralyq deńgeıdegi sport sheberi Murat Keńtonov, qazaq kúresinen Azııanyń absolıýttik jeńimpazy, halyqaralyq deńgeıdegi sport sheberi Ramıl Sharıgın, qazaq kúresinen Eýropa chempıonatynyń júldegeri, qazaq kúresinen Azııanyń absolıýtti jeńimpazy, halyqaralyq deńgeıdegi sport sheberi Gerber Maksım jáne Qazaqstan Respýblıkasynyń chempıony, sport sheberi Erlan Omarov jáne taǵy basqalar boldy.
Absalıýtti birinshilikte Murat Keńtonov «túıe balýan» atandy. Oǵan oblys ákimi Nuraly Sádýaqasov týrnırdiń «altyn belbeýin» taǵyp, 5000 AQSh dollary kóleminde aqshalaı syılyq tapsyrdy. Balýanǵa «Qostanaı qyrany» ataǵy berildi. Muratty jankúıerleri «alyp» dep ataıtyn. Al ekinshi oryndy jeńip alǵan A.Baıtursynov atyndaǵy ýnıversıtettiń stýdenti, sportshylar men jankúıerleri arasynda «aq aıý» degen atpen belgili Maksım Gerber de qomaqty aqshalaı syılyqqa, ıaǵnı 3000 AQSh dollaryna ıe boldy. Endi qos balýan jaz maýsymynyń sońyna qaraı Astanada ótetin jalpyrespýblıkalyq fınalǵa qatysatyn bolady. Týrnırdiń oblystyq satysynda «altyn belbeý» taqqan balýandar, endi boz kilemniń ústinde bilek ustasyp, «Qazaqstan barysy» kim bolatynyn ózderi anyqtaıtyn bolady.
Názıra JÁRIMBETOVA,
«Egemen Qazaqstan».
Qostanaı.
