Jarystyń kórigi endi qyzady
Sársenbi, 13 maýsym 2012 7:17
Polsha men Ýkraınada ótip jatqan Eýropa chempıonatynyń alǵashqy aınalymy dúısenbi kúni aıaqtaldy.
Osy kúni 1 týrdyń sońǵy oıyndary Kıev pen Donesk qalalarynda D tobyndaǵy Fransııa men Anglııa, Ýkraına men Shvesııa quramalarynyń arasynda ótti. Bul oıyndarda alań ıeleri shvedterdi 2:1 esebimen jeńse, alǵashqy oıyn 1:1 esebimen teń aıaqtaldy.
Sársenbi, 13 maýsym 2012 7:17
Polsha men Ýkraınada ótip jatqan Eýropa chempıonatynyń alǵashqy aınalymy dúısenbi kúni aıaqtaldy.
Osy kúni 1 týrdyń sońǵy oıyndary Kıev pen Donesk qalalarynda D tobyndaǵy Fransııa men Anglııa, Ýkraına men Shvesııa quramalarynyń arasynda ótti. Bul oıyndarda alań ıeleri shvedterdi 2:1 esebimen jeńse, alǵashqy oıyn 1:1 esebimen teń aıaqtaldy.
Jalpy, osy quramalardy burynnan bir-birimen ejelgi qarsylas bolyp alǵan komandalar deı almaımyz. Fransııa men Anglııa osyǵan deıin 30 ret kezdesse, Eýro týrnıri sııaqty jaýapty syndarda kóp kezdese qoımaǵan. Sol sııaqty Ýkraına men Shvesııa quramalary da osy kezge deıin 3 ret qana kezdesý ótkizse, sonyń bireýinde Ýkraına, ekinshisinde shvedter jeńse, úshinshi kezdesýde qarsylastar teń eseppen tarqasqan eken. Solaı desek te osy eldiń quramalary Eýro-2012 týrnırindegi alǵashqy kezdesýlerinde bir-birin burynnan biletin komandalar sııaqty oınady. Muny áýeli, komandalardyń qarsylastaryn jaqsy zerttep, Eýro týrnıri sııaqty jaýapty syndarǵa tyńǵylyqty daıyndyqpen kelgenderimen baılanystyrýǵa bolady.
Fransııa-Anglııa quramalarynyń kezdesýinde Fransııa jaǵynan Frank Rıberı, Samır Nasrı, Karım Benzema, aǵylshyndardan Djon Terrı, Stıven Djerard jaqsy oıyn órnegin kórsetti. Fransııa quramasyn aýyz eki tilmen «úsh jolaqtylar» dep ataıdy. Osy «úsh jolaqtylar» bir ret 1998 jyly álem chempıony bolsa, 1984 jáne 2000 jyldary eki ret Eýropa chempıony ataǵyn jeńip alǵan komanda. Kezinde Jıýst Fonten, Raımon Kopa, Mıshel Platını, Zıneddın Zıdan, Terrı Anrı, Dıde Deshamp syndy jasyl alańda jasyndaı jarqyldaǵan aıaqdop sheberleriniń jolyn qazir Eýro týrnırinde Frank Rıberı, Karım Benzema, Samır Nasrıler jalǵastyrýda. Bir qyzyǵy, osy úsheýi 2000 jyly Eýropa chempıony bolǵan Zıneddın Zıdan, Nıkolıa Anelka sııaqty Islam dinin qabyldaǵan oıynshylar. Fransııa quramasy osy úsh «noıannyń» kómegimen bıylǵy chempıonatta júldeli oryndar úshin talasýǵa bar kúshin salýda. Al Anglııa quramasy bıylǵy básekege Premer-lıgada oınaıtyn biraz oıynshylaryn ákele almady. Mysaly, Frank Lempard jaraqatyna baılanysty kele almasa, «Chelsıdiń» taǵy bir oıynshysy Garrı Keıhıll, «Manchester ıýnaıtedtiń» qorǵaýshysy Rıo Ferdınand, Djek Ýılsher jarysqa qatyspaıtyn boldy. Solaı desek te, olar da kelesi aınalymǵa shyǵyp, kezinde Anglııanyń atyn álemge shyǵarǵan Charlton, Mýr, Shılton, Lıneker, Ýoddl sııaqty oıynshylardyń jolyn qaıtalaýǵa úmittenip otyr.
D tobyndaǵy Ýkraına men Shvesııa quramalary da kelesi kezeńge ótýden úmitti. Zlatan Ibragımovıchtiń soqqan dobynan keıin 1:0 esebimen jeńilip jatqan ýkraınalyqtardyń qarsylastar qaqpasyna eki birdeı dop soǵatynyn eshkim oılamaǵan edi. Bul Ýkraınanyń sport shejiresinde óz alańynda namysqa tyrysyp, eń jaqsy oıyn kórsetken, minez kórsetken oıyny boldy.
Keshe keshke A tobyndaǵy kezekti oıyndar ótti. Áýeli Grekııa men Chehııa quramalary kezdesse, odan keıin Varshavanyń Ulttyq stadıonynyń alańyna Polsha men Reseı komandalary shyqty. Alǵashqy oıynda 2:1 esebimen chehtar qarsylastaryn jeńdi. Al polıaktar men reseılikter arasyndaǵy kezdesý Astana ýaqytymen kesh bitkendikten, onyń nátıjesin kelesi joly habarlaýdy jón kórip otyrmyz.
Bul kezdesýlerdiń tartysty ótetini qazirden belgili bolyp otyr. Reseı A tobynda 3 upaımen birinshi orynda tursa, Polshanyń alań ıeleri retinde qalaı bolsa da osy oıynda jeńiske jetip, kelesi aınalymǵa shyǵýǵa amal-áreket jasaıtyny sózsiz. Onyń ústine Eýro týrnıri bastalmaı jatyp, «Orystar, alǵa!» dep urandatqan bir top reseılikterdiń Polsha ushaqtarynyń stıýardtaryn tepkige alǵany bar. Osy soraqy qylyq ınternette jarııalanyp, búkil álemge tarap ketti.
Dastan KENJALIN,
«Egemen Qazaqstan».
