Bir jumbaqty sheshýdiń úsh joly

Juma, 15 maýsym 2012 6:49

Cársenbi kúni V tobynda ótken ekinshi týrdyń oıyndary Germanııanyń shırek fınalǵa shyqqanyn aıǵaqtap berdi. Alaıda, osy kúni Danııany tize búktirgen Portýgalııa toptaǵy jaǵdaıdy odan beter kúrdelendirip jiberdi. Endi kelesi joldamanyń ıesi sońǵy týrda bir jumbaqty sheshýdiń úsh joly arqyly anyqtalǵaly tur. Bul maqsatty mandattan úsh quramanyń da úmiti bar.

Juma, 15 maýsym 2012 6:49

Cársenbi kúni V tobynda ótken ekinshi týrdyń oıyndary Germanııanyń shırek fınalǵa shyqqanyn aıǵaqtap berdi. Alaıda, osy kúni Danııany tize búktirgen Portýgalııa toptaǵy jaǵdaıdy odan beter kúrdelendirip jiberdi. Endi kelesi joldamanyń ıesi sońǵy týrda bir jumbaqty sheshýdiń úsh joly arqyly anyqtalǵaly tur. Bul maqsatty mandattan úsh quramanyń da úmiti bar.

Danııa-Portýgalııa – 2:3. Shaı­­qastyń basy emosııanyń kóteriń­ki qalpymen este qaldy. Portýgalııa quramasy birden qar­sylas­tar qaq­pasyna qaýyrt jo­ryqty bastady. Kóp uzamaı Danııa fýtbolshylary olardy óz alań­dary jaǵynan yǵystyryp shyǵa­ryp qana qoıa salmaı, baǵyn qarsy baǵyttan izdeýge de kirisip ketti.

Portýgaldar qos qap­talǵa kó­birek salmaq saldy. Mun­­da sýy­ryl­ǵan semserdeı udaıy alǵa umtylǵan Krıshtıaný Ronal­dýǵa Lýısh Nanı jáne qaptaldaǵy eki qorǵaýshy kómek­ke kelýmen boldy. Bul joryqtar kóbine aıyp alańy­na qaraı áýeletip dop jiberýmen aıaqtalyp jatty. Olardy qaqpa mańynda Sımon Kıaer men Danıel Agger ońaı qaǵyp alyp turdy. Osy jıyrma mınýt dattardyń azdaǵan basym­dy­ǵymen, tutastaı alǵan­da, tepe-teńdikke jaqyn teke­ti­reste ótti. Budan ári danııalyq­tar úshin ja­ǵymsyzdaý oqıǵalar oıysty. Aldymen Nıkı Zımlıng jaraqat alyp, alańnan ketti. Ony almas­tyrǵan tájirı­beli Iаkob Poýlsen birden oıyn­ǵa kirigip ketpedi. Osyny paı­dalanǵan «eý­ro­pa­lyq brazılder» tez arada tizgindi ózderi ustady. Buryshta­madan berilgen dopty Pepe basymen qaqpanyń sol jaq buryshyna týra jóneltti.

Portýgalııanyń kezekti golyna sebep bolǵan shabýyldy sol qanat­taǵy qorǵaý­shy Fabıý Koentraý órbitti. Onyń aıaǵy­nan ushqan dop Joao Pereırý arqy­ly qaqpa mańyna jetti. Ony ilip alǵan Nanı jaqyn baǵanǵa qaraı asyrdy. Sol jerde Sımon Kıaerden buryn qımyldaǵan Elder Poshtıga dopty mańdaıshanyń astyna silkip tastaı saldy. Osylaısha ba­symdyq eki dopqa ulasty. Biraq dattar jeńi­liske moıyn­su­nýǵa asy­ǵa qoımady. Sol tabandy­lyq olar­ǵa úziliske deıin bir dop­tyń qarym­tasyn qaı­tarýǵa dem berdi. О́z ko­mandasynyń sol shabýylyn bas­ta­ǵan Dennıs Rommedal alys baǵan­ǵa qaraı dop jóneltti. Al qaqpashy men qorǵaý­shynyń bir-birine kel­tirgen keder­gisin jaqsy paıdalan­ǵan Mıkael Kron-Delı dopty qaqpaǵa kólbeı atty. Odan ary jalǵyz turǵan Nıklas Bendtner ashyq qaqpaǵa dopty súńgite saldy.

Shaıqastyń sheshýshi sáti fınal­dyq ysqyryq estilýge on mınýt qalǵan shamada oryn aldy. Aldymen Joao Moýtınıý keremet paspen Krıshtıaný Ronaldýdy qar­sy­lastar qaqpashysymen betpe-bet shyǵardy. Alaıda, portýgaldar komandasynyń kapıtany Stefan Andersenmen birge-bir kelip tu­ryp, taǵy da dármen­sizdik kórsetti. Onyń urǵan doby qaqpanyń janynan zý ete tústi. Sodan soń «sen soqpasań, saǵan soǵady» degen ejelgi fýtbol qaǵıdasy júzege asyp ketti. Danııa oıynshysy Lars Iаkobsen oń qanattan kelip, alys baǵan mańy­na dop jóneltti. Ony joǵary sekirip qaǵyp alǵan Nıklas Bendtner jaqyn burysh­qa dál túsirdi.

Sonyń artynsha portýgaldar yshqyna alǵa tartty. Osy jerde urys alańyna jańa shyqqan shabýylshy Sılvestre Varelanyń joly bola qoıdy. Ol aıyp alańy­nyń aldynda alǵan dobyn bir yr­ǵap jónelte almaı, ekinshi qomdan­ǵanda soqqy jasap, aqyry golǵa aınaldyra bildi. Biraq bul dopqa jaýap qaıtaratyn shama men ýaqyt Danııa quramasynda qalǵan joq edi.

Gollandııa-Germanııa – 1:2. Talaı synnan súrinbeı ótip kele jatqan «nemis máshınesi» ny­sana­ǵa alǵan baǵytynan jańyl­maı júrýdi jalǵastyryp keledi. Ol ázirge eki týrda eki ret jeńiske jetip, birde-bir upaı shyǵyn shyǵarmaǵan jalǵyz qurama bolyp otyr. Bir kezderi aǵylshynnyń ataqty fýtbolshysy Garı Lıneker: «Alańda 22 fýtbolshy oınaıdy, aralarynda nemister jeńiske jetedi», degen edi. Sol aıtqany taǵy da týra keldi. Shegine jetkenshe dáldikti ustanatyn nemister bul oıynda da ózderine kerek nár­seni ǵana istedi. Buǵan kerisinshe, Gollandııa quramasy shashylyp qal­ǵandaı áser etti. Aıtatyny joq, Bert van Marveıktiń sarbazdary ótken joly jibergen kemshi­likterin taǵy da qaıtalady. Onyń komandasy taǵy da óte aýyr qı­myldady, qorǵanys shebi arqyrap ashyq jatty. Mundaı berekesiz­dikti nemister Marıo Gomestiń eki golymen ádemi jazalap berdi.

Sonymen, V tobyndaǵy bir túıin áli sheshilgen joq.

Keshe túnde S tobynda Italııa-Horvatııa, Ispanııa-Irlandııa quramalary kezdesti. Alǵashqy oıyn 1:1 esebimen aıaqtaldy.

Serik PIRNAZAR,

«Egemen Qazaqstan».

_____________________

Oılar, pikirler, kózqarastar

Iаkýb Poýlsen, Danııa quramasynyń jartylaı qorǵaýshysy: – Portýgalııa komandasynda qorǵa­nys sıpatyndaǵy myqty oıynshylar kóp eken. Keshegi oıyn nátıjesin solar jasady. Portýgaldar standartty jaǵ­daı­dan urýda da qaýipti kórindi. Sosyn bizge soqqan eki goly jekelegen oıyn­shylardyń sheberligi arqasynda júzege asty. Bul komandany Krıshtıaný Ronaldýsyz kózge elestetý múmkin emes dep júrgenderdiń sózi jańsaq. Komanda onsyz da oınaı alatynyn osy kezdesýde anyq kórsetti.

Klas-Iаn Hýntelar, Gollandııa quramasynyń shabýylshysy: – Biz birinshi taımda saýdasyz utyl­dyq. Biraq buǵan eshkim qýanǵan joq. О́ıtkeni, jurt bizden nemistermen teń dárejede oınaýdy kútti. Ekinshi taımda jaǵdaıdy túzep alýǵa biraz áreket jasap baqtyq. Alaıda, 0:2 bolyp utylyp turyp, ózińdi óziń jeńýiń óte qıyn eken. Áıtkenmen, áli joǵalǵan eshteńe joq. Portýgaldarmen oıynda eki dop aıyrmasymen jeńsek, kelesi joldama bizdiki bolady.

_____________________

Match  mınıatıýralary

* Sársenbide V tobynda ekinshi týrdyń eki oıyny oınaldy. Olarda 8 gol soǵyldy. Bular­dyń 5-ýi birinshi, 3-ýi ekinshi taımdarda salyndy.

* Bul eki matchty stadıondarda 69 590 kórermen kórdi. Osy jerde ótken jolǵy Grekııa-Chehııa, Polsha-Reseı quramalary oıyndaryn tamashalaǵan jankúıerler sanyn naqtylaı túskimiz keledi: Sol kúni Vroslavta – 41 105, Varshavada 55 920 adam otyrdy. Jalpy, chempıonat bastalǵaly stadıondar 522 869 adamnyń basyn qosty.

* Chempıonat basynan beri oınalǵan 12 oıynda qaqpalarǵa 33 dop tústi. Bul ár oıynda orta eseppen 2,72 gol soǵylyp turǵanyn aıǵaqtaıdy.

* О́tken eki oıynda taǵy eki oıynshy dýbl jasady. Olar – danııalyq Nıklas Bendtner men germanııalyq Marıo Gomes.

* Chempıonattyń mergender kóshin 3 golmen bastap kele jatqan Reseı quramasynyń shabýylshysy Alan Dzagoevtyń qataryna germanııalyq Marıo Gomes kelip qosyldy. Sol sııaqty cheh Vaslav Pılarj, ýkraın Andreı Shevchenko, horvat Marıo Mandjýkovıch eki doptan soǵyp tur.

* О́tken eki oıynda 7 oıynshy eskertý aldy. Solardyń ishinde germanııalyq Jerom Boa­­teng osymen ekinshi ret jazalanyp otyr. Jalpy, birinshilik bastalǵaly oıynshylarǵa 42 ret «sary qaǵaz» kórsetildi.

* Úzdik oıynshy ataǵyna Nıklas Bendtner (Danııa) men Marıo Gomes (Germanııa) ıe boldy.

___________________

Derekter men dáıekter

* Chehııa quramasy Chehsyz jáne Rosıskı­siz jabyq rejimde jattyǵady. Bulardyń ekeýi de aldyńǵy oıynda azdap jaraqat­tanyp qalǵan bolyp shyqty. Qazir sińirin sozyp alǵan Tomash Rosıskı dárigerlerdiń qaraýyna kóshse, Petr Cheh jeke baǵdarlama boıynsha jattyǵa bastapty.

* ÝEFA Nıklas Bendtnerge qatysty másele qaraýy múmkin. Federasııa nazary Danııa quramasynyń shabýylshysyna Portýga­lııa­men oıynnan keıin jeıdesin joǵary kóterip, shortyn azdap túsirgeni úshin túsken eken.

*Dennıs Rommedal Germanııaǵa qarsy oıynǵa shyǵa almaıdy. Danııa qura­masynyń shabýyldaýshy havbegi, Assosiated Press agenttiginiń habarlaýynsha, keshegi oıyn barysynda sińirin sozyp alǵan sııaqty. Onyń matchtyń 60-mınýtynda alańnan ketýine sol sebep bolypty.