Olımpıadashylarǵa bar jaǵdaı jasaldy

Senbi, 30 maýsym 2012 7:24

Qazir álemniń nazarynda – London. Tórt jylda bir aınalyp keletin úlken sporttyń alamanynda úzeńgilesterinen qara úzip márege alǵash jetýge úmitker memleketter sońǵy daıyndyqtaryn pysyqtaýda. Osy álemdik topqa Qazaqstan 100-den asa úkilegen úmitin qosyp jatsa, sonyń 13-i Ońtústiktiń úlesinde.

Senbi, 30 maýsym 2012 7:24

Qazir álemniń nazarynda – London. Tórt jylda bir aınalyp keletin úlken sporttyń alamanynda úzeńgilesterinen qara úzip márege alǵash jetýge úmitker memleketter sońǵy daıyndyqtaryn pysyqtaýda. Osy álemdik topqa Qazaqstan 100-den asa úkilegen úmitin qosyp jatsa, sonyń 13-i Ońtústiktiń úlesinde.

Úsh mıllıonǵa jýyq halqy bar ońtústik óńiri Olımpıada oı­yndarynda nesibesiz bolyp kórgen joq. Qudaı buıyrtsa, qa­zaq baıraǵyn tumandy Albıon aspanynda jelbiretýge múmkin­digi jetetin sportshylarymyz bar. Mynaý qandaı dep syrttaı ton pishpesek te, memleketimizdiń namysyn qorǵaıtyn tájirıbeli sańlaqtarymyz jeterlik. Búginde olarǵa alańsyz daıyndalý úshin barsha jaǵdaıdy týǵyzyp jatyrmyz. Natalıa Ivonınskaıa basta­ǵan jeńil atletterimiz daıyn­dyq­tyń sońǵy kezegin ótkizip jatyr.

Júlde alýǵa senim artyp otyrǵan sport túri – taekvando. Olımpıada oıyndaryna Qazaq­stan quramasy 3 joldama alsa, onyń ekeýi ońtústik órenderine tıesili. Búginde Nursultan Mamaev pen Ferýza Ergeshova syndy taekvandoshylarymyz Ońtús­tik Koreıada oqý-jattyǵý jıynyna qatysyp jatyr. Taekvando federasııasynyń prezıdenti, ult­­jandy azamat Shamsat Isa­bekovtiń aıtýy boıynsha, osy Olımpıadada jerlesterimiz olja salýǵa ábden daıyn.

Baıdarka jáne kanoe esý she­beri Evgenıı Alekseev Belorýssııa jáne Chehııa memleketterinde sheberligin shyńdaýda. Stendke oq atýdan Angelına Mıshýk el namysyn qorǵaıdy. Ol Reseı jáne Italııa memleketterinde saıys­tar­ǵa qatysyp, daıyndyǵyn py­syqtaýda. Velosporttan Aleksandr Dıachenkoǵa senim artamyz. Al sporttyq gımnastıkadan Mól­­­dir Ázimbaı synǵa túsedi. Nellı Kımniń izbasary bolyp tabylatyn jas sportshy Reseı­degi dúbirli básekege qatysyp qaıtty. Bokstan Astana qalasyn­da ótken lısenzııalyq jarysta 49 kılo salmaq dárejesinde Birjan Jaqypov top jaryp, olımpıadaǵa joldama aldy.

 Erkin kúresten de eki joldama bar. Onyń birin Astanadaǵy dúbirli dodada Elena Shalygına jeńip aldy. 67 kılo salmaq dá­rejesinde baq synaıtyn jerlesi­mizdiń Olımpıadada júlde alatyn múmkindigi zor. Búginde Elena Ystyqkólde sheberligin shyń­daýda jáne taıaý kúnderi Chehııa­daǵy halyqaralyq jarysqa qa­ty­sady dep josparlanǵan.

Erler arasynda tanymal er­kin kúres sheberi Ermek Baıdýashev Taıvandaǵy saıysta jolda­maǵa qol jetkizdi. 84 kılo salmaq dárejesinde boz kilemge shyǵatyn Ermek Londonda baryn salsa, júlde alýǵa shamasy jetedi. Dzıý­dodan 48 kılo salmaq dáre­jesinde Aleksandra Podrıadova da Olım­pıadaǵa qatysady. Talantty sport­shymyz bir-eki ha­lyqaralyq jarysqa qatysyp, tórtjyldyq­tyń shildedegi basty básekesine saqadaı-saı bolatynyna senim­di­miz. Aýyr atletıkadan áıelder ara­synda Nadejda Nogaı jara­qa­tyna baılanysty Olımpıadadan shet qaldy. Ese­sine, erler arasynda 56 kılo salmaq dárejesinde Chonteı Arlı Taldyqorǵandaǵy el birinshi­ligin­de top jaryp, jol­da­ma­ǵa ıe boldy. Bul ziltemir kóte­rý she­beriniń de júlde alýǵa múm­kin­digi bar. Atalǵan sportshylar­dyń bári London Olımpıadasyna qy­zý daıyndyq ústinde. Basqarma tarapynan olardyń saıysqa ala­ń­syz daıyndalýyna barlyq jaǵdaı jasalǵan. Buıyrsa, oblys bapker­leri men jankúıer­leriniń senimi aqtalyp, saıyp­qyran­darymyz Olımpıada oıyndarynan oljaly oralady degen oıdamyz. Sonymen qatar, Uly­brı­tanııa astanasynda jazǵy pa­raolımpıadalyq oıyndar ótedi. Oǵan oblysymyzdan A.Soboleva men A.Mıhaılova syn­dy sýda jú­zý sheberleri qa­tysady dep kútilýde.

Aǵymdaǵy jyldyń bes aıynda oblys sportshylary Qazaq­stan birinshilikterinen 72 altyn, 85 kúmis, 92 qola medal jeńip aldy. Jasóspirimderimiz de, jastarymyz da, eresekterimiz de ózderine júktelgen mindetti to­lyq sezinip, jaqsy kórsetkish­ter­ge qol jetkiz­di. Jyl basynan be­ri jer­­­les­­­te­rimiz Azııa birinshi­lik­terinen 7 altyn, 4 kúmis jáne 7 qola medal oljalady. Atap aıtar bolsaq, er­kin kúresten E. Shalygına men I.Ermuhambet Azııa chempıony atansa, grek-rım kúresinen Ashat Saltybaev top jardy. Al paýerlıftıngten K. Han, Ý. Ermetov jáne D. Tura­hanov syndy sportshylar altyn medal jeńip aldy. Oq atý sportynan E. Lýnına Dohadaǵy Azııa birinshiliginde top jardy. Jáne mundaı jaǵymdy jańalyq­tardy ár sport túrinen mysalǵa kelti­rýge bolady.

Jyl basynan beri Ońtústik órenderi álem birinshilikterine de qatysyp, el qorjynyna bir­ne­she júlde saldy. Mamyr aıynda aýyr atletıkadan 23 jasqa de­ıingi jastar arasynda Gvatemalada ót­ken álem birinshiliginde Jazıra Japparqul birinshi oryndy jeńip aldy. 69 kılo salmaq dáre­jesinde álem chempıony atanǵan Jazıra tórt jyldan keıin Brazılııada ótetin Olımpıada oıyn­da­ryn­da­ǵy basty úmitterimizdiń biri.

Oblysta týrızm, dene shy­nyq­­tyrý jáne sport basqarma­syna baǵynyshty 1 Olımpıada rezervin daıarlaý ortalyǵy, 2 joǵary sport sheberligi mektebi jáne B.Sattarhanov atyndaǵy daryndy balalardyń sport-ınter­naty bar. Sondaı-aq, 14 maman­dandyrylǵan sport mektepteri men 6 kommýnaldyq qazynalyq kásiporyny jemisti jumys at­qarýda. Aty atalǵan sport mek­tepteri men mekemelerdiń bárine tıisti mindetter júktelgen. Bas­ty maqsat – álem birinshiligi men olımpıada júldegerlerin daıarlaý, salamatty ómir saltyn nasıhattap, buqaralyq sportty damytý. Ol úshin qajetti sport ke­shenderi men oıyn alańshalaryn kóbeıte túsken jón. Sońǵy bir-eki jyl kóleminde bul baǵytta júıeli jumys atqaryldy. Oblys ákimi Asqar Myrzahmetovtiń tapsyrmasymen jáne tikeleı qol­daýymen óńirimizde kóptegen sport nysandary salynyp, bú­gin­de olardyń sany 4649-ǵa jet­ti. Onyń ishinde eń negizgileri bolyp tabylatyn 21 stadıon, 1 sport saraıy, 9 sport kesheni, 3 oqý-jattyǵý ortalyǵy, 20 sport kesheni jáne 22 júzý basseıni halyqqa qyzmet kórsetýde. 748 sport zaly men 6 sport maneji de salamatty ómir saltyn ustanam deýshilerge óz qyzmetin usynady. Eldiń suranysyna sáıkes sport nysandary áli de kóbeıedi degen senim bar. Bul baǵytta da jumys atqarylýda.

Qazaqstan Olımpıada oıyndarynda negizinen altyndy boks, kúres jáne aýyr atletter jarysynan terip júr. Biraq, bul sport túrlerinde myqtaǵanda ondaǵan altyn ǵana sarapqa salynady. Al altyndy eń kóp beretin sport túrleri – “sport padıshasy” atanǵan jeńil atletıka men sýǵa júzý sporty. Ekeýin qos­qanda, altyn bastaǵan júz jıyn­tyq medal básekege túsedi. Alysqa barmaı-aq, sońǵy Beıjiń Olımpıadasyn eske alsaq, amerıka­lyq sýǵa júzgish Maıkl Felpstiń ózi eline ártúrli qashyqtar bo­ıynsha 8 altyn syılady. Iаmaı­ka­­lyq jelaıaq Ýseın Bolt, zaýla­ǵan­da jelden júırik qara marjan 3 altyn jeńip aldy.

Al bizdiń memlekettik meje­miz – úsh altyn. Jeńil atletteri­miz ben sýǵa júzýshilerimiz jabyq sport keshenderi joq bolǵan­dyq­tan shetelge shyǵýǵa májbúr. Eli­mizdiń qyrýar qarjysy syrtqa ınvestısııa bolyp quıylyp jatyr. Osynyń bárin oblys ákimine aıttyq. Asqar Myrzahmetov zamanaýı úlgidegi jeńil atletıka maneji men jabyq basseın keshenderin salýǵa qarajat ból­gizdi. Búginde jeńil atletıka ma­neji – sporttyń kóptegen túrle­rinen halyqaralyq jarystardy ótkizetin ortalyqqa aınalsa, ha­lyqaralyq standarttarǵa ne­giz­delip salynǵan sý sporty ke­she­ninde bir kezekte 97 adam sheber­ligin shyńdaı alady. Segiz júzý joly bar basseınniń ól­shemi 50h22 metr. Búginde sý sportymen aınalysatyn 200-den astam jasóspirimder osy keshende jat­tyǵyp jatyr. Munda tájirıbeli azamattar jumys jasaıdy.

 Ońtústik Qazaqstan oblysy – tabıǵaty jaıly, qysy qysqa, kók­ónisi mol, berekeli aımaq. Je­ńil atletıka jáne sýǵa júzý spor­ty quramalarynyń bas bap­kerleri: “Endi shetelge sandalmaıtyn bol­dyq”, dep qýanyp júr.

Bolashaqta sporttyń osy tú­ri­nen elimizdiń álemge áıgili bolmasyna kim kepil. Munyń bári Elbasymyzdyń, Úkime­ti­mizdiń, ob­­lys ákimdiginiń arqa­synda múm­kin boldy. Qazirgi úlken meje London bolǵanymen, kelesi olım­pıadalyq oıyn­dar­dyń a­lǵy­­­shar­ty Ońtústikte qa­la­nyp jatyr.

Bolat QYRYQBAEV,

Ońtústik Qazaqstan oblystyq sport,

dene­shynyq­­tyrý jáne týrızm basqarmasynyń bastyǵy.

ShYMKENT.