«Azııa balalary»: Jeti altyn júlde

Sársenbi, 11 shilde 2012 7:18

Osy kúnderi Saha RespýblıkasynyńIаkýtsk, Mırnyı jáne Nerıýngrıqalalarynda «Azııa balalary» attyV halyqaralyq sporttyq oıyndarótýde. Oǵan 27 elden kelgen 2000sportshy baq synasýda. Qazaqstannanbarǵan 80 jas sportshy jarysbaǵdarlamasyndaǵy 20 oıyn túriniń 15-ine qatysýda.Oıyndar 15 shildege deıin jalǵasady.

Sársenbi, 11 shilde 2012 7:18

Osy kúnderi Saha RespýblıkasynyńIаkýtsk, Mırnyı jáne Nerıýngrıqalalarynda «Azııa balalary» attyV halyqaralyq sporttyq oıyndarótýde. Oǵan 27 elden kelgen 2000sportshy baq synasýda. Qazaqstannanbarǵan 80 jas sportshy jarysbaǵdarlamasyndaǵy 20 oıyn túriniń 15-ine qatysýda.Oıyndar 15 shildege deıin jalǵasady.

Qazaqstan delegasııasy 140 jolaýshymen 4 shilde kúni tańda Almaty-Abakan-Iаkýtsk charterlik saparymen ushyp keldi. Qazaq­standyqtardy qalyptasqan dás­túr boıynsha án-bı, nan-tuzben jáne qymyzben qarsy aldy.

Saha Respýblıkasynda 500-den asa qazaq dıasporasy turady eken, olar ulttyq dástúrdi usta­nady. Qymyzdy da daıyndaǵan osy qandastarymyz bolsa kerek. Qazaq dıasporasy árqashan bizdiń sportshylardy qoldaýda belsen­dilik tanytady. Osy tórt jyl­dyqtaǵy oıyndardan da olar tysqary qalǵan emes.

Saıystyń birinshi kúnin sambo kúresi bastady. Bul bastaý elimizden barǵan delegasııa úshin tańǵalarlyq  jańalyqqa toly boldy: 3 samboshynyń úsheýi de fınalǵa joldama aldy. Qýanysh ıeleri – 42 kg. salmaq­taǵy Suńǵat Jubatqan, 48 kg. salmaqtaǵy Parasat Jumabaı jáne 56 kg. salmaq dárejesi boıynsha Serikbaı Nyǵmet.

Qazaqstan quramasy jan­kúıerleri «Qazaqstan! Qazaq­stan!» degen uranmen zaldy gý­letti. Bizdikiler osy senimdi aq­taı aldy. Birinshi bolyp Suńǵat Jubatqan alańǵa shyqty. Onyń qarsylasy Qorǵan qalasynyń (Reseı) ókili Savelıı Plehanov. Ol da osal emes. Degenmen, jeńis otandasymyzǵa buıyrdy. Sál ǵana basymdyqpen beldesýdi Suń­ǵat Jubatqan jeńdi. Ol – Qazaqstan Respýblıkasynan bar­ǵan V «Azııa balalary» HSO-nyń alǵashqy jeńimpazy.

Kelesi bolyp saıys alańyna bet alǵan 48 kg. salmaq dáreje­sindegi qazaqstandyq Parasat Jumabaı Altaı óńirinen kelgen Amyr Chadınmen kúsh synasty. Alaıda, sáttilik Reseı sportshy­synyń jaǵynda boldy. Úshinshi bolyp «Jeńiske 50 jyl» sport saraıynyń jarys alańyna sal­maqtary 56 kılodan aspaıtyn samboshylar shyqty. Osy oıynda jerlesimiz Serikbaı Nyǵmetke Reseı Federasııasynyń Sverdlov oblysynan kelgen Evgenıı Novoselovpen básekege túsý buıy­rypty. Desek te, bizdiń Serik­baı aýyrtpa tásilmen esh qıyndyqsyz qarsylasyn jeńip, altyndy moınyna ildi. Jalpy, oıynda sambo boıynsha 11 komanda baq synasty.

Sonymen, oıynnyń alǵashqy kúninde-aq bizdiń quramanyń en­shisine 2 altyn, 1 kúmis medal buıyrdy. Qazaqstandyq delegasııa úshin bul qutty bastama! 2008 jyly ótken jarysta bizdiń qurama jalpykomandalyq ekinshi oryn alǵan bolatyn.

Al arǵy kúni erkin kúresten Nurjan Seıitjanov chempıon atan­dy. Nurjan fınalda ıran balýanyn tizerletti. Sonymen qatar, qyzdar kúresinde Marına Sedneva kúmis medalǵa ıe  boldy.

Bıyl Oıyndardyń baǵdarla­ma­syna tuńǵysh ret engen paýerlıftıng sportynan pavlo­darlyq  Igor Borıngın kúmis júldeni ıelendi. Kórkem gım­nas­tıkadan kópsaıys qorytyn­dysy boıynsha Álııa Ásemova qola júldeger atandy. Budan basqa sportshylarymyz taǵy tórt altyn, bir kúmis, tórt qola júlde ıelendi.

Jalpy, komandalyq esepte Qa­zaqstannyń balǵyn sportshylary jarys qojaıyndary Saha Respýb­lıkasyna ǵana jol berip, ekinshi orynda tur. Qazaqstan quramasy­nyń qorjynynda 7 altyn, 4 kúmis jáne 6 qola medal bar.

Osy jerde aıtatyn nárse, 2009 jyly osy synda altyn júlde alǵan qazaqstandyq taekvondoshy Nursultan Mamaev bıyl London Olımpıadasynda óner kórsetedi. Demek, «Azııa bala­laryn» balǵyn sportshylardy jeńiske jeteleıtin týrnır deýge bolady.

Tehnıkalyq qorytyndy jó­ninde myna saıttar boıynsha aqparat ala alasyzdar: www.gamesasia.ru jáne www.yakutsk2012.ru

Dastan KENJALIN,

«Egemen Qazaqstan».