«Men shákirtime senemin» – deıdi boksshy Ivan Dychkonyń jattyqtyrýshysy Vladımır ShAIER
Sársenbi, 18 shilde 2012 7:32
Londonda ótetin Olımpıadaǵa saýsaqpen sanarlyqtaı kún qaldy. Bul álemdegi sport áýesqoılarynyń ǵana saǵyna kútetin sharasy emes, ár eldiń namysy qaıralar tus. Dúnıeni dúbirletken jarysqa Qostanaı oblysynan jelaıaq Marına Maslenko men boksshy Ivan Dychko qatysady. Biz jol júrer aldynda I. Dychkonyń jattyqtyrýshysy Vladımır ShAIERMEN shákirti týraly az-kem áńgimelesken edik.
Sársenbi, 18 shilde 2012 7:32
Londonda ótetin Olımpıadaǵa saýsaqpen sanarlyqtaı kún qaldy. Bul álemdegi sport áýesqoılarynyń ǵana saǵyna kútetin sharasy emes, ár eldiń namysy qaıralar tus. Dúnıeni dúbirletken jarysqa Qostanaı oblysynan jelaıaq Marına Maslenko men boksshy Ivan Dychko qatysady. Biz jol júrer aldynda I. Dychkonyń jattyqtyrýshysy Vladımır ShAIERMEN shákirti týraly az-kem áńgimelesken edik.
– Vladımır Ivanovıch, LondonOlımpıadasyna júrer aldynda IvanDychko «Nur Otan» partııasyna múshelikkeótip, bıletin aldy. Boksshy bul qadamynqalaı baǵalaıdy?
– Bul bir jaǵynan jaýapkershilik. «Nur Otan» halyqtyq-demokratııalyq partııasy – elimizdegi jetekshi partııa. Elbasymyz – osy partııanyń kóshbasshysy. «Nur Otannyń» bıletin alý oǵan patrıottyq serpin beretini anyq. Ekinshiden, sportshylar kóbinese yrymshyl jandar ǵoı. «Nur Otan» partııasy qurylǵaly halyqtyń iltıpatyna, senimine bólenip keledi. Sondyqtan, boksshy da alqaly topqa partııanyń bıletimen barýdy jaqsylyqqa balaǵany ras.
– Dychkony halyqaralyq dárejedegi sportshy deńgeıine kótergenqandaı jarys edi?
– 2009 jyly Meksıkada ótken jasóspirimder arasyndaǵy álem chempıonaty. Ol osy chempıonattyń fınalısi boldy. Odan keıin eresekter arasynda Qazaqstannyń úsh dúrkin chempıony atandy. Prezıdent Kýbogyn eki ret aldy. О́tken jyly Qytaıda ótken Azııa oıyndarynda da fınalǵa shyqty. Al bıyl Bakýde ótken álem birinshiligi oǵan Olımpıadaǵa joldama alyp berdi. Dychko osy birinshilikte qola medal ıelendi.
– Ivan Dychko – elimizdiń quramasy sapyndaǵy asa aýyr salmaqtaǵyboksshy. Salmaǵy qansha?
– Salmaǵy qazir 105 kılogramm. Al alǵash rıngke 68 kılogramm salmaqpen shyqqan edi. Áýelde aryq kórinetin.
– Jattyqtyrýshy men shákirt qalaı kezdesip edi?
– Jattyqtyrýshy men sportshynyń til tabysýy óz aldyna, olar talantty bolsa, biriniń biri baǵy deı ber. Meniń Vanıany tabýym qyzyq boldy. Men ony Rýdnyı qalasyndaǵy bir aýladan ustap alǵanmyn. Qalada sport klýbtaryna barmaıtyn, úıirmelerdiń de esiginen qaramaıtyn, sabaqtan bos ýaqytyn aýlada oıynmen ótkizetin balalar bolady. Vanıa aýlada oıynnan qoly tımeıtin sondaı balanyń biri eken. Birde ony aýlada oınap júrgen balalardyń arasynan baıqap qaldym. Boıy qatarlastarynan tym uzyn kórindi, ımıgen aryq, shıkil sary bala. Kóńilime onyń dene bitimi unady. Shaqyryp alyp, qandaı sporttyń túrimen aınalysyp júrgenin suradym. Sport klýbtarynyń, sport zaldarynyń esigin ashpaǵan. Men odan «boksqa qatysqyń kele me?» dep suradym. Uıań bala basyn ızep, kelisimin berdi. Sol kúnnen bastap jattyǵýdan bir kún qalyp kórgen emes. Sportzalǵa kelgen soń boıyn ólshesem, 2 metr 5 santımetr. On bes jasynan bastap ekeýmiz birgemiz.
– Shákirtińizdiń minezi qandaı? Jattyqtyrýshy men shákirt arasynda pikiralshaqtyǵy bolyp qalmaı ma?
– Birinshiden, Vanıa meniń nemeremmen qatar. Ata men nemereniń arasynda meıirim basym bolmaı ma? Ony dál jaqsy jasynda qolyma túsirdim dep oılaımyn. Ekeýmiz jaqsy til tabystyq. Sondaı eńbekqor, shydamdy, minezi óte ustamdy. Onyń dene tulǵasyna ǵana emes, minezine qarap-aq eshkim 21 jas bermeıdi, óziniń jasynan úlken kórinedi. Soǵan laıyq aqyl-parasaty da eresek. Jattyǵý jumystaryna jaýapkershilikpen qaraıdy. Jalpy, Vanıa jaýapkershilikti syılaıtyn azamat jigit.
– Búginde onyń ata-anasy da sport jankúıerine aınalǵan bolar?
– Rasynda solaı. Ivannyń ákesi Rýdnyı qalasynda avtoslesar bolyp isteıdi. Anasy – psıholog. Ulyna jaqsy tárbıe bergen ónegeli otbasy.
– Olımpıadaǵa daıyndyqtaryńyzǵa kóńilińiz tola ma? Ishteı qaýpińiz basym ba, álde senimińiz ornyqty ma?
– Daıyndyǵymyz jaman bolǵan joq. Kúnine tórt saǵattaı jattyqty. Ter tógildi. Degenmen, kóńildiń alaburtatyny ras. Eger Olımpıada rınginde jaraqat alyp nemese sýdıalardyń ádiletsizdigine kezdesip qalmasa, shákirtimniń jalpy daıyndyǵyna senemin. Aýyryp qalǵannan da qudaı saqtasyn deımin. Qansha degenmen, aýa raıyna úırený kerek. Oblystaǵy bas jattyqtyrýshy Sapabek Muqyshev te oǵan kóp sabaq, keńester berdi. Bar armanymyz – kók týdy jamylatyn sátke jetý! Tek meniń ǵana emes, búkil qazaqstandyqtardyń kútip júrgeni osy! Namysty qoldan bermeýge tyrysamyz.
Áńgimelesken Názıra JÁRIMBETOVA,
«Egemen Qazaqstan».
Qostanaı oblysy,
Rýdnyı qalasy.
