Úkimet • 22 Sáýir, 2019

Birqatar ekijaqty kezdesýler ótkizdi

302 retkórsetildi

Parlament Senatynyń Tóraǵasy Darıǵa Nazarbaeva Sankt-Peterbýrgtegi Tavrııa saraıynda birqatar ekijaqty kezdesýler ótkizdi, dep habarlady Parlament Senatynyń baspasóz qyzmeti.

Ázerbaıjan Mıllı Medj­lı­si­­niń Tór­aǵasy Oktaı Sabıroǵly Asadovpen áńgime bary­syn­da Kaspıı konvensııasyn ratı­­fı­kasııalaýdyń mańyzdylyǵy atap ótildi. D.Nazarbaevanyń pikirinshe, ol Kas­pıı mańy elderi arasyndaǵy saıası jáne ekono­mıkalyq yntymaqtastyqty odan ári da­mytýǵa qýatty ser­pin beredi, sondaı-aq Kas­pıı aımaǵyndaǵy turaqtylyq pen qaýip­siz­dikti nyǵaıtýǵa qyzmet etetin bolady. Júzdesý­shiler talqylanatyn másele­lerge qatysty kózqarastarynyń or­taq­­tyǵyn atap ótip, ózara is-qı­myldyń barlyq salalaryndaǵy yntymaqtastyqty jalǵastyrýdy usyndy.

Qyrǵyz Respýblıkasy Jogorký Keneshi­niń Tóraǵasy Dastan Jumabekovpen kezdesý barysynda taraptar parla­ment­aralyq baılanystar ma­ńyzdy bóligi bolyp tabylatyn ekijaqty qarym-qatynastardy odan ári tereńdetýdi jaqtaı­tyn­daryn aıtty. Shekara mańy yntymaqtastyǵy, saýda-ekono­mıkalyq ózara is-qımyldy, týrızmdi damytý máseleleri talqy­landy. Qazaqstan Senaty­nyń basshysy osyǵan oraı «Ortalyq Azııa shengeni» óńirdiń týrıstik áleýetin keńeıtýge múmkindik beretinin atap ótti.

TúrkPA Bas hatshysy Altyn­bek Mamaıý­sýpovpen júzdesýde TúrkPA-nyń qazirgi kezdegi qyzmeti, Assambleıanyń kezekti jalpy otyrysyna daıyndyq máseleleri qozǵaldy, sondaı-aq túrkitildes memleketter par­lamentteri arasyndaǵy ózara is-qımyldy odan ári damytý jóninde pikir almasyldy. A.Mamaıýsýpov TúrkPA ju­­my­syndaǵy qazaqstandyq par­la­mentshilerdiń belsendi qyzmetine toqtaldy.

Armenııa Ulttyq Jınaly­synyń Tóraǵasy Ararat Mırzoıan­men ekijaq­ty yn­ty­­maq­tastyqty nyǵaıtý máse­leleri tal­qy­lan­dy. Senat basshysy saýda-eko­no­mı­kalyq árip­te­s­tikti keńeıtý úshin úkimetaralyq komıs­sııa qurýdy usyndy.  Taraptar zań shyǵarý qyzmetinde tájirıbe almasý úshin parlamenttik dostyq toptary­nyń áleýetin belsendi paıdalaný qajettigi týraly ortaq pikirge keldi. 

Senat basshysy júzdesýshilerdi eli­mizdegi mańyzdy ishki saıası oqıǵalar týraly habardar etip, Qazaqstannyń qazirgi zamanǵy saıa­sı júıesi bıliktiń, memlekettiń saıası jáne ekonomıkalyq damýy­nyń tolyq sabaqtastyǵyn qamta­masyz etetinin atap ótti. Qazaqstan Prezıdentiniń aldaǵy kezekten tys saılaýy týraly aıta kelip, D.Nazarbaeva «parlamentshiler zań shyǵarý­shy bılik ókil­deri retinde saılaý aldyndaǵy naýqandy zańnyń rýhy men árpine tolyq sáıkes ótkizýge, sondaı-aq saılaýdyń ádil­digi men ashyqtyǵyn qamtamasyz etýge nıettenip otyr», – dedi. 

Senat Tóraǵasy TMD Parla­mentara­lyq Assambleıa­synyń jalpy otyrysyna qatysty. 

Parlamentshiler TMD PAA turaqty komıssııalary daıyn­daǵan 11 úlgi zańnamalyq aktiler men usynymdardyń jobalaryn qarady. Onda Quqyqtyq máseleler jónindegi komıssııa («Ipoteka týraly», «Muragerlik quqyǵy týraly», «Advokatýra jáne advokat­tyq qyzmet týraly», «Sot-saraptama qyz­meti týraly», Qorǵanys jáne qaýipsizdik máse­leleri jónindegi komıssııa («Azamattyq qorǵaý týraly»), Ekonomıka jáne qarjy jó­nindegi komıssııa («Baǵa belgileý týraly» úlgi zań­dar­dy, TMD-ǵa qatysýshy memleket­ter úshin ishki sý kóliginiń úlgi kodeksin); Bilim jáne ǵylym jónindegi komıssııa «Ǵyly­mı-tehnıkalyq aqparat týraly» úlgi zań­nyń jańa mátini men «Nanotehnologııalar etıkasy týraly» usynystardy ázirlegen bolatyn. 

Sharaǵa TMD PAA-daǵy par­la­ment­tik delegasııalardyń basshylary, Dostastyq elderiniń zań shyǵarý organdarynyń ókil­­deri, TMD PAA turaqty komıs­sııalarynyń músheleri, Dos­tastyqtyń salalyq organ­dary­nyń, ulttyq atqarýshy bılik organ­­dary­nyń ókilderi, ǵalymdar men sarapshylar qatysty.
Sońǵy jańalyqtar

Ǵasyr zulmaty

Qoǵam • Búgin, 22:15

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar