Sport • 22 Sáýir, 2019

Dıdar Hamza men Rýslan Musaev dzıýdodan Azııa chempıonatynyń júldesinen qaǵyldy

671 ret

kórsetildi

1 mın

oqý úshin

Birikken Arab Ámirlikteriniń Fýdjeıra qalasynda dzıýdodan Azııa chempıonatynyń ekinshi jarys kúni aıaqtaldy. О́kinishke qaraı, Qazaqstan sportshylary qolda turǵan medaldan aıyrylyp qaldy dep jazady Olympic.kz.

Svetlana ǴALYMJANQYZY

Dıdar Hamza men Rýslan Musaev dzıýdodan Azııa chempıonatynyń júldesinen qaǵyldy

Búgin tatamıge erlerden 73, 81 kelidegi balýandar, qyzdardan 63 jáne 70 kelidegi sportshylar shyqqan bolatyn.

73 kelide baq synaǵan Serik Aqylbek týrnırdiń ekinshi aınalymynda súrindi.

81 kelide kúresken Dıdar Hamza men Rýslan Musaev birinshiliktiń jartylaı fınalynda utylyp, keıin qola medaldan da kóz jazyp qaldy.

Azııa oıyndarynyń jeńimpazy Dıdar Hamza irikteý aınalymynda Iran men Qytaı balýandarynan basym túsip, jartylaı fınalda ózbekstandyq Sharafýddın Baltabaevtan «altyn upaı» erejesi boıynsha utyldy. Qola medal úshin ótken beldesýde Dıdardyń japonııalyq Hıkaro Tomokıoǵa shamasy jetpedi.

Rýslan Musaev Taıland, Qytaılyq Taıpeı jáne Japonııa sportshylarynan basym túsken. Alaıda, jartylaı fınalda mońǵol, qola medal úshin kúreste Ońtústik Koreıa sportshysyna jol berdi.

Qyzdar arasyndaǵy synda Aqnıet Turdan men Iolanta Berdibekova (63 keli) jáne Móldir Narynova (70 keli) jubanysh beldesýinde jeńilis tapty.