Tótenshe jaǵdaı qyzmetiniń jedel toby qaıǵyly oqıǵa oryn alǵan jerge tez jetkenimen, adamdardy ólim qushaǵynan qutqara almady. Aınalasy úsh mınýttyń ishinde qyzyl jalyn baspanany túgeldeı sharpyp, 1970, 1977 jáne 1980 jyldary týǵan eki er, bir áıel adamdy mert qylǵan.
Osy jyldyń qańtar aıynda úı ıelerine órt qaýipsizdigi jaıly saqtyq sharalary túsindirilgenimen, qorytyndy shyqpaǵanǵa uqsaıdy.
Aıyrtaý aýdany Lavrovka eldi mekeninde ornalasqan «Lavrovskoe» JShSniń aýmaǵynan órt shyǵyp, jumysshy-qyzmetkerlerdiń kúshimen sóndirilgen. Ǵımarat ishinen 1963 týǵan er adamnyń máıiti tabylǵan.
Qazir órttiń tutaný sebepteri men keltirilgen shyǵyn mólsheri anyqtalýda.
Soltústik Qazaqstan oblysy
