Aımaqtar • 22 Sáýir, 2019

Qyzylordada «Nur Otan» partııasynyń ókilderi sharýalarmen kezdesti

543 ret

kórsetildi

1 mın

oqý úshin

«Nur Otan» partııasy Qyzylorda oblystyq fılıaly tóraǵasynyń birinshi orynbasary Aqmaral Álnazarova oblystaǵy aýylsharýashylyǵy salasynyń ókilderimen kezdesý barysynda Qazaqstan Respýblıkasy Prezıdentiniń kezekten tys ótetin saılaýy jaıynda aqyldasty.

Baqtııar TAIJAN

Qyzylordada «Nur Otan» partııasynyń ókilderi sharýalarmen kezdesti

- Qyzylorda oblysy 2019 jyldyń 1 toqsanynyń qorytyndysy boıynsha qarqyndy damyp kele jatqan úzdik óńirlerdiń bestigine kirdi. «Birligi bekem eldiń berekesi mol bolmaq»,- degen. Jalpy aıta ketý kerek, aýyl sharýashylyǵy salasy boıynsha ónim óndirý 1,3 paıyzǵa artty. Bul jańa jobalardy júzege asyrýdaǵy syr agrarlarynyń eńbegi dep bilemin, - dedi Aqmaral Álnazarova.

Sondaı-aq, partııa fılıaly tóraǵasynyń birinshi orynbasary «Nur Otan» partııasynyń XVIII sezinde Partııa Tóraǵasy, Tuńǵysh Prezıdent Nursultan Ábishuly Nazarbaevtyń tikeleı tapsyrmasymen qolǵa alynǵan «Aýyl – el besigi» partııalyq jobasynyń aýyl sharýshylyǵyn damytýǵa oń áser etetinin de atap ótti.

Kezdesý barysynda sala mamandary elimizdegi saıası oqıǵanyń mańyzdylyǵy jan-jaqty talqylandy. Bul oraıda, aýyl sharýashylyǵy salasynyń ókilderi Memleket basshysy Qasym-Jomart Toqaevtyń kezekten tys Prezıdent saılaýyn ótkizý jónindegi sheshimin, qajet kezinde qabyldanyp otyrǵandyǵyn aıtty.