Negizinde, «Qarapaıym zattar ekonomıkasy» salalaryn damytý boıynsha baǵdarlama ázirlenip, baǵdarlamanyń iske asyrylýyna járdemdesý maqsatynda Kásipkerler palatasy janynda Jobalyq keńse qurylǵan.
Jobalyq keńse quramyna Kásipkerler palatasy, oblystyq kásipkerlik jáne týrızm, ındýstrııalyq-ınnovasııalyq damý, aýyl sharýashylyǵy basqarmalary, «Damý» kásipkerlikti damytý qory, ekinshi deńgeıli bank fılıaldarynyń basshylary engen.
«Búgingi kúni jobalyq keńse músheleri kásipkerler arasynda keń kólemdi aqparattandyrý jumystaryn júrgizýde. «Damý» qorymen birlesip, Palatanyń alańynda osy baǵdarlamanyń iske asyrylýyna tikeleı jaýapty qalalyq jáne aýdandyq kásipkerlik bólimderi, Palatanyń fılıal basshylary, ekinshi deńgeıli bank ókilderine arnaıy semınar uıymdastyryldy. Baǵdarlamada basymdyq berilgen jobalar azyq-túlik, jıhaz, jeńil ónerkásipteri jáne qurylys taýarlaryn shyǵarýdy qamtyǵandyqtan, osy salalardyń 200-ge jýyq kásipkeriniń qatysýymen tórt kezdesý ótkizildi», - deıdi Ǵalymbek Jaqsylyqov.
Palata dırektory májiliste óńirlik Jobalyq keńseniń jumysynda jalpy quny 8,3 mlrd.teńgeni quraıtyn 90 joba bar ekendigin, onyń ishinde qazirdiń ózinde 2 joba maquldanǵandyǵyn jetkizdi.
Munan ózge, búginde 5 joba banktiń qaraýynda, 21 jobanyń qujattary jınaqtalyp, 58 joba boıynsha kelisimder júrgizilýde.
«Qarapaıym zattar ekonomıkasyn» damytý sheńberinde jeńildikpen nesıeleý baǵdarlamasyn oblysta iske asyrýǵa «Halyq bank», «Sberbank», «ATF Bank», «ForteBank», «SentrKredıtBanki», «Sesnabank» jáne «Eýrazııalyq Banktiń» fılıaldary qatysyp jatyr.
