Kelisimge 2017 jylǵy 9 qarashada Chelıabınsk qalasynda qol qoıylǵan bolatyn jáne ol M.V. Lomonosov atyndaǵy Máskeý memlekettik ýnıversıtetiniń Qazaqstandyq fılıalynyń jumys isteý sharttaryn bekitedi.
Zań jobasyn qabyldaý Reseı Federasııasy Bilim mınıstrligi men Qazaqstan Respýblıkasy Bilim jáne ǵylym mınıstrliginiń fılıaldy qurý jáne onyń jumys isteýi týraly kelisilgen sheshim sharttarynyń jáne Qazaqstan tarapynyń Qazaqstanda fılıaldyń bilim berý qyzmeti úshin jaǵdaılardy qamtamasyz etý salasyndaǵy ózine alǵan mindettemeleriniń oryndalýy úshin quqyqtyq negiz jasaıdy.
Fılıal óteýsiz paıdalanýǵa berilgen Eýrazııa ýnıversıtetiniń múliktik bazasynda jumys isteıdi, múlik alyp qoıýǵa jáne úshinshi tulǵalarǵa berýge jatpaıdy.
Kelisimde mynalar kózdeledi:
- fılıalda Qazaqstan tarıhy men qazaq tili mindetti túrde oqytylyp, daıarlyqtyń «matematıka», «qoldanbaly matematıka jáne aqparattaný», «fılologııa», «ekologııa jáne tabıǵatty paıdalaný», «ekonomıka» baǵyttary boıynsha oqytý;
- fılıalda oqytý kúndizgi jáne kúndizgi-syrttaı oqytý nysandary boıynsha júzege asyrylady jáne orys tilinde júrgiziledi;
- Qazaqstan Respýblıkasynyń memlekettik bilim berý tapsyrysynyń negizinde fılıalda oqýdy támamdaǵan Máskeý ýnıversıtetiniń túlekteri Qazaqstan Respýblıkasynyń zańnamasyna sáıkes jumys istep óteýi mindetti;
- fılıaldyń bilim berý jáne qarjylyq-sharýashylyq qyzmetine Kelisimniń maqsattary men mindetterin iske asyrý jáne Qazaqstan tarapyna bekitilip berilgen múlikti fılıaldyń paıdalanýy turǵysynan birlesken tekserýdi júzege asyrý úshin vedomstvoaralyq komıssııa qurý;
- fılıaldyń qyzmetin qarjylandyrý Qazaqstan Respýblıkasynyń respýblıkalyq bıýdjetinen memlekettik bilim berý tapsyrysy aıasynda joǵary jáne joǵary oqý ornynan keıingi bilimi bar mamandar daıarlaýǵa bólingen qarajat esebinen, sondaı-aq Qazaqstan Respýblıkasynyń zańnamasynda tyıym salynbaǵan ózge de kózder esebinen júzege asyrylady;
- Qazaqstan Respýblıkasynyń zańnamasynda kózdelgen talaptarǵa sáıkes Qazaqstan tarapynyń qarajaty esebinen júzege asyrylatyn qyzmetti júrgizý úshin fılıaldy materıaldyq-tehnıkalyq bazamen qamtamasyz etý.
Zań jobasy Palatanyń qaraýyna jiberildi.
