Lıngvıstıkalyq komıssııanyń quramy Qazaqstan Respýblıkasy Ortalyq saılaý komıssııasynyń 2015 jylǵy 27 aqpandaǵy qaýlysyna ózgerister engizýmen jańartyldy.
Komıssııa músheleri Komıssııanyń jumysyna qatysty uıymdastyrý máselelerin, «Qazaqstan Respýblıkasynyń Prezıdenttigine kandıdattyń memlekettik tildi erkin meńgergendigin anyqtaý rásimi týraly» Ortsaılaýkomnyń 2005 jylǵy 31 tamyzdaǵy qaýlysymen aıqyndalatyn Qazaqstan Respýblıkasynyń Prezıdenttigine kandıdattyń memlekettik tildi erkin meńgergendigin anyqtaý rásimin talqylady.
Osy qaýlyǵa sáıkes memlekettik tildi erkin meńgergendigin anyqtaý úshin:
1) lıngvıstıkalyq komıssııa usynǵan taqyrypqa kólemi eki betten aspaıtyn jazbasha tapsyrma jazý;
2) lıngvıstıkalyq komıssııa usynǵan kólemi úsh betten aspaıtyn baspa mátinin oqý;
3) lıngvıstıkalyq komıssııa bergen taqyrypqa kópshilik aldynda sóz sóıleý keminde on bes mınýt.
Lıngvıstıkalyq komıssııanyń otyrysyna onyń músheleri men Qazaqstan Respýblıkasynyń Prezıdenttigine kandıdattan basqa, Qazaqstan Respýblıkasy Ortalyq saılaý komıssııasynyń músheleri baıqaýshylar retinde qatysýǵa quqyly.
Lıngvıstıkalyq komıssııanyń sheshimi komıssııa músheleri sanynyń kópshilik daýsymen ashyq daýys berý arqyly qabyldanady, otyrys hattamasymen resimdeledi jáne otyrysqa qatysyp otyrǵan Qazaqstan Respýblıkasy Ortalyq saılaý komıssııasynyń múshesine dereý beriledi.
Lıngvıstıkalyq komıssııa músheleri Komıssııanyń jumysy ashyq jáne jarııaly túrde júzege asyrylatynyn, al buqaralyq aqparat quraldary kandıdattardyń árqaısysy boıynsha sheshim qabyldaý prosesin baıqaýǵa múmkindik alatynyn atap ótti.
