JAŃA ÁKIMDI JARQYN ISTER KÚTÝDE

Respýblıka Prezıdenti N.Nazarbaevtyń Jarlyǵymen Aqmola oblysynyń  ákimi A.Raý basqa jumysqa aýysýyna baılanysty qyzmetinen bosatyldy. Respýblıka Úkimetiniń basshysy K.Másimov oblys aktıviniń jınalysynda jurtshylyqqa Elbasy Jarlyǵyn tanystyryp, ony oblystyq máslıhattyń depýtattary qoldaǵanyn atap kórsetti. – Albert Pavlovıch Raý astanalyq oblysty basqarǵan eki jyldyń ózinde óńirge zamanalyq turǵydaǵy jańa tynys alyp ke­lýi­men erekshelendi, – dedi Premer-Mınıstr Kárim Mási­mov. – Elbasy tapsyrmasy boıyn­sha oblys Astananyń azyq-túlik beldeýin qalyptastyrýda jetekshi oryn alady. Osyǵan sáıkes, aýyl sharýashylyǵy óndirisinde qýatty qaıta óńdeý kásiporyndary paıda boldy. Sońǵy jyldary respýb­lı­kalyq mańyzdaǵy ınnova­sııa­lyq jobalar júzege assa, bıyl­dyń ózinde naqty qaıtarym bere­tin 8 joba qolǵa alynyp, qar­jy­lan­dyryldy. Býrabaıdaǵy ar­naıy ekonomıkalyq aımaqtyń qu­rylýynda, týrıstik klasterdiń nazar salarlyq qadamdarynda, óńirdegi áleýmettik keshendi tap­syrmalardyń sheshimin tabýynda A.Raýdyń uıymdastyrýshylyq qabileti men iskerligi tanyldy. Biz osy úshin Albert Pavlovıchke rızalyǵymyzdy bildiremiz. Odan keıin Úkimet basshysy oblystyń jańa ákimi bolyp ta­ǵaıyndalǵan S.A.Dıachenkony tanystyrdy. Sergeı Aleksan­dro­vıch — osy óńirdiń týmasy. Kók­she­taý qalasynyń komsomol, partııa uıymdaryna basshylyq jasap, respýblıkamyzdyń atqarýshy jáne bılik organdarynda tájirı­be qalyptastyrǵan azamat. Ol buǵan deıin Parlament Májilisi Tóraǵasynyń orynbasary qyzme­tin atqaryp, el damýyna serpin bergen zańnamalardyń qabyl­danýyna uıytqy boldy. Premer-Mınıstr K.Másimov Albert Raýdyń jańadan quryl­ǵan Indýstrııa jáne jańa tehno­lo­gııalar mınıstriniń orynbasa­ry bolyp taǵaıyndalǵanyn habar­lap, ǵylym doktorynyń jańa qyz­metinde tabysty bolýyna ti­lektestik qosty. О́z sózinde A.Raý Elbasy senimin abyroımen aqtaıtynyn bildirdi. Jańa ákimniń aldyna oblys turǵyndarynyń ómir tirshiligin jaqsartýǵa baǵyttalǵan mańyzdy mindetter qoıyldy. О́ńir bas­shy­lyǵy Elbasy Joldaýynda alǵa qoıylǵan tapsyrmalardyń ta­bys­ty oryndalýyn qamtamasyz etýge tıis­ti. Munda, eń aldymen, memle­kettiń ındýstrııalyq-ınno­vasııalyq baǵdarlamasyn oryn­daý, tájirıbede úlken qaıtarym ber­gen “Jol kar­ta­sy” baǵdarla­ma­syn júıeli jal­ǵas­tyrý, “Bız­nestiń jol kartasy-2020” baǵdar­lamasynyń serpini, bas­qa da ómirlik mańyzdy bastama­lar­dyń saltanaty suralatyn bolady. Aktıv jınalysyna Prezıdent Ákimshiliginiń Basshysy A.Mýsın qatysty. Baqbergen AMALBEK, Aqmola oblysy.