Aımaqtar • 23 Sáýir, 2019

Ataqty jylqyshyǵa syıǵa tartylǵan úıge eskertkish taqta ornatyldy

526 retkórsetildi

Almaty shaharynda «Rýhanı jańǵyrý» memlekettik baǵdarlama­synyń aıasynda kezekti bir aıryqsha mádenı shara ótti. Buqar Jyraý men Ǵabıt Músirepov kósheleriniń qıylysyndaǵy kóp qabatty №16 úıdiń qabyrǵasyna Sosıalıstik Eńbek Eri, qoǵam qaıratkeri Nádir Jáqııauly Bıǵazıevke arnalǵan eskertkish taqta ornatyldy. Sáýirdiń sirkiregen jańbyry astynda tabı­ǵat minezin tipten de tosyrqamaǵan qaýym jasalǵan bul qur­­­­metke rızashylyqpen qol soqty. Sonymen Nádir Bıǵazıev kim?

Oǵan ıgilikti sharany ashyp, turǵyndardan aldymen súıinshi suraǵan Almaty qalasy ákiminiń keńesshisi Mamaı Ahettiń sóıle­gen sózinen jaýap izdep kóreıik. «Ǵylym men mádenıettiń, óner­diń ordasyna aınalǵan arý  Alma­tymyzda halqymyzǵa eńbegi siń­gen nebir tulǵalardyń esimderi qur­met­pen atalyp turatyn ıgi dástúr bar, – dedi belgili ǵalym-ke­ńesshi. – Búgingi saltanattyń bir ereksheligi sol – aýylda ósip, aýyl sharýashylyǵyn órken­­detip, aýyl­­dyń jaıyn kúıttegen arda azamatymyzǵa sol kezdegi astanamyz Almatyda nelikten sonshama qurmet kórsetildi eken deı­­­­­siz? Shyn­týaıtynda naǵyz eń­bek maıtalmandaryna keshe de, búginde de laıyqty kóńil bólinip ilıpat kórsetilgen, kór­setilip keledi de. Endeshe, kil óner men mádenıettiń, ǵylym­nyń mar­qas­qalary qat­a­ryn­da astanamyz Almatydan sol kezde aýyl adamyna úsh bólme­li pá­­­terdiń tegin berilýi tekten tek emes, uly­ eń­bek­tiń óteýi dep uǵy­­­­ný­myz ke­rek».

Quryǵy qutty jylqyshynyń uly, aýyl sharýashylyǵy ǵy­­­lym­­­da­rynyń doktory Nurǵa­lı Bı­ǵazıev qala ákimi keńesshi­siniń sa­lıqaly sózin bylaı sabaqtas­tyrdy.

– 80-jyldardyń basynda el­ aralaýǵa shyqqan Qazaq­stan bas­shysy Dinmuhamed Qo­naev ataqty «Lýgovoı» asyl tu­­qymdy jylqy zaýyty­na at ba­syn irkedi. Aýyl eńbek­shile­­rimen jyly shyraıly kez­­desý barysynda Dımekeń ákemizdiń eńbek kór­setkishine qat­ty súı­sinip bas shaı­qaǵany bar eken. Sonda, «Aı­nalaıyn Ná­dir, ór­keniń óssin, mań­daı teriń aq­tal­syn, óziń tur­masań da ósip kele jatqan shıetteı bala-shaǵań bar eken, kádeńe ja­ratarsyń», – dep Esen­­taı ózeniniń jaǵasynan osy úsh ból­meli úıdi syıǵa tartqan. Aǵaıyndy on balanyń deni osy úıde óstik-óndik. Igi iske tikeleı qoldaý kór­setip, qam­qor bolǵan qala bas­­shylyǵyna myń da bir rahmet. Búgin, mine, ákemizdiń rý­­hy,­ el qamyn jegen abyz aǵa­l­a­­ry­­myzdyń qurmeti úshin ja­sa­­­lyp jatqan úlken tarı­hı oqıǵaǵa barshańyz kýá bol­dy­ńyzdar.

– Elimiz etek-jeńin jınap, Táýel­sizdik týyn kótergen tus­­ta Nádir  aǵamyz bılik oryndaryna ótinish jasap aýylymyz­da alǵashqy meshitke oryn taýyp, onyń alǵash­qy tasyn óz qolymen qalap edi, – dedi Kók­dónen aýy­ly­nynyń ımamy Qaırat qa­jy. Aýylda da, Almatyda da aı­­shyq­­­ty izi saırap jatqan So­sıa­­­­lıstik Eńbek Eriniń, KSRO Kom­­partııasy HHVI seziniń  de­le­gaty dańqty jylqyshynyń el ıgiligi úshin etken eren eńbegi týraly saltanat barysynda Qa­zaqstan Respýblıkasynyń Má­denıet qaı­rat­keri Qydyraly Qoıtaı, ishki ister salasynyń ar­dageri, polkovnık Satymbek Rys­paev jáne basqa da azamattar qyzyqty estelik-oılaryn or­taǵa saldy. Belgili aıtys aqyny Se­rik Qalı jyrdan shýmaq shash­ty.

Tarıhqa baı myńjyldyq jasy bar Almatynyń muraǵaty búgin taǵy bir aıtarlyqtaı qun­dy derekpen, qujatpen, oqı­ǵamen tolyqty.

 

ALMATY

 

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

Uqsas jańalyqtar