Aımaqtar • 23 Sáýir, 2019

Sıfrlandyrý – tolaıym tabys kózi

499 retkórsetildi

Agroónerkásip keshenine «aqyldy tehnologııalardy» engizý– búgingi kúnniń basty talaptarynyń biri. Ozyq elderdiń tájirıbeleri sıfrlandyrý ulttyq faktorǵa aınala bastaǵanyn aıqyn baıqatady.

Aýyl sharýashylyǵy mınıstrliginiń tikeleı bastamasymen Oqýshylar saraıynda isker oıyndar formaty úlgisinde  ótken semınarda agralyq sektordy ekonomıkanyń jańa  draıverine aınaldyrý, iri agrarlyq eksporttyq ónim óndirýshiler qataryna qosylý, shıkizat óndirisinen sapaly óńdelgen ónim shyǵarý satysyna kóterilý, mundaı ózekti máselelerdiń  ońtaıly sheshim tabýy, aınalyp kelgende,  ozyq ádis-tásilderdi jedeldilikpen meńgerýge, óndiriske engizýge tikeleı baılanysty ekeni atap kórsetildi. Atalmysh vedomostvoǵa qarasty memlekettik qyzmetti damytý jáne sıfrlandyrý departamenti dırektorynyń orynbasary Bernat Alpysbekov, oblystyq aýyl sharýashylyǵy basqarmasynyń basshysy  Erbolat Bekshenov, «Nurken-Agro» JShS-niń jetekshisi  Qanat Syzdyqov,  «Atameken-Agro-Shuqyrkól» agrofırmasynyń basshysy Arman Abaıdildın, M. Qozybaev atyndaǵy Soltústik Qazaqstan memlekettik ýnıversıteti aýyl sharýashylyq kafedrasynyń meńgerýshisi, professor Kúlbaram Baıazıtova, taǵy basqa sheshender óz sózderine jergilikti jerlerde qalyptasqan oń úrdisterdi, ornyqqan  tájirıbelerdi arqaý ete otyryp, óz oılaryn naqty mysaldarmen sabaqtady. AО́K salasynda  júzden astam qyzmettiń  sıfrlyq formatqa kóshirilýi  arqasynda  ótinimderdi qaraý merzimi  2,5 esege deıin qysqarǵan.  Jańashyldyqtardyń birine elektrondyq taýarlyq jáne  qarjylyq qolhattardyń, «blokcheın» tehnologııasyn, onlaın-tapsyrys berýdi, onlaın-treıdıng júıelerin jatqyzýǵa bolady. AО́K ónimderin qadaǵalaýdyń  «egistikten ústelge deıin» júıesin, elektrondyq saýdany  tolyq formatta engizý josparlanǵan.

Jıynda  «aqyldy fermalar», «dálme-dál eginshilik» júıeleri  az shyǵyn jumsap, mol ónim alýdyń tıimdi tásili bolatyny alǵa tarta otyryp, aýyl sharýashylyq jerlerin talapqa saı ıgerýdiń joldaryn ortaǵa saldy.  M.Qozybaev atyndaǵy SQMÝ-niń ǵalymdary  «Peterfeld-Agro», «Shaǵala-Agro» seriktestikterimen qoıan-qoltyq jumys istep, qýantarlyq nátıjege qol jetkizip keledi. Bul sharýashylyqtarda elektrondy topyraq kartalary, agrohımııalyq kartogrammalar keńinen qoldanylady. Eginshilik mádenıetin jetildirý, aýyspaly egis júıesin qatań saqtaý nátıjesinde janarmaı, mıneraldyq tyńaıtqyshtar shyǵyny áldeqaıda kemigen.

«SMART»  fermalar arqyly adam kúshin barynsha azaıtyp, saýylǵan sút mólsherin anyqtaý,  dári-dármekpen qamtý, jemdeý, elektrondy chıp taǵý sekildi  naqty mal sharýashylyǵy elementteri engizilgen.  «Qazeksportastyq» holdıngine qarasty sharýashylyqtardyń biri «Atamekende»  tabys 6,4 mıllıard teńgeden  20 mıllıard teńgege deıin artqan. Aqqaıyń aýdanynda  «Ivan Zenchenko» JShS-i quny 700 mıllıon bolatyn  632 basqa arnalǵan  «aqyldy»  sút  fermasyn iske qosqan.

Semınarǵa qatysýshylar sıfrlandyrý jemqorlyqty eńserýge,  sýbsıdııalaýdy jeńildetýge, avtomattandyrylǵan júıelerdi keńinen engizýge, tabıǵı resrýrstardy tıimdi paıdalanýǵa da qolaıly múmkindiktkr beretinin jan-jaqty sarapqa saldy.


 Soltústik Qazaqstan oblysy

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar