Qoǵam • 23 Sáýir, 2019

Halyq qyzmetshisin tańdaımyz

513 retkórsetildi

Qazaq eli tarıhtyń jańa bir syndarly kezeńinde tur. Alda – Prezıdent saılaýy! Alaıda biz saılaý ótkizý jaǵynan kelgende óte baı tájirıbe jınaqtaǵan elmiz. Budan burynǵy talaı Prezıdent saılaýynda qazaqstandyq saılaýshylardyń belsendiligine álemniń túrli elderinen kelgen sarapshylar men baqylaýshylardyń súısinip qaıtyp júrgenin de bilemiz.

О́z tańdaýyn jasap jáne de sol ózderiniń sol tańdaýly adamy Qazaqstan Respýblıkasy­nyń Tuńǵysh Prezıdenti – Elbasy Nursultan Nazarbaev úshin bir aýyzdan daýys berip kelgen qazaqstandyqtar Prezıdent saılaýy kezinde eshqashan jańylyp kórgen emes-ti. Saılaýda uıym­shyl­dyq kórsetýdiń nátıje­sin­de jáne Elbasynyń arqa­synda Qazaqstan turaqty damydy, álemniń abyroıly memle­ket­teriniń qataryna baryp turdy. Sol oıymyzdy kezinde «Nazar­baevy bar Qazaqstan senimmen turaqty damıtyn el! Nazarbaevy bar qoǵam alańsyz ómir súretin qoǵam!» dep aıtyp ta, jazǵan da bolatynbyz.
Qazir álem nazary – biz­diń eli­mizde. Bıliktiń óz erkimen aýysýy jáne odan qaldy aldaǵy saılaý bar, sonyń barlyǵy syn kózderdi kóbeıtip otyrǵany da anyq. Bul eldi endi kim bıler eken, bul eldiń jaǵdaıy endi qa­laı bolar eken, bul el qaı jolmen júrer eken, endi qalaı damıdy eken degen syńaıdaǵy baqylaýlar kóp qazir. Bul zańdy qubylys. 
Alaıda zańdy qubylys bol­ǵany­men, tutas eldikke syn. Osy oraıda ejelgi el birligi men el ty­­nysh­tyǵy árqaısymyzdyń usta­nar qaǵıdamyz bolǵany abzal. О́ıt­keni osy kúnderi álem­niń kez­ kelgen memleketterin birikti­rý­­shi kúsh pen nıetten góri, búl­dir­­gisi kelip júrgen kúshter­diń bel­­sen­­diligi artyp, shataq, qaq­tyǵys iz­dep janyǵyp júrgender kóbeıdi.
Turaqsyzdyqtyń ózinen paıda tabýǵa sheberlenip, mashyqtanyp alǵandar da tabylady. Dúnıeniń ana jerinen bir, myna jerinen bir ot qoıyp otyrǵan keıbireýlerge qazaq eliniń turaqtylyǵy men tynysh­tyǵynyń da unamaı­tyn­dyǵyn da bile otyraıyq. Mine, osy turǵydan kelgende qazir­gi syn saǵatta qazaqstandyq qoǵam­nyń meılinshe yntymaǵy men túsinistigi qajet. Qazirgi áńgi­me bul joly prezıdenttikke kim­di tańdaımyz, kimdi saılaı­myz bolyp tur. Endigi el taǵdy­ry sol ózimiz saılaıtyn óz Prezı­dentimizge baılanysty bolmaq­shy. Qazaqstandyqtar sol úshin alańdap otyrǵan syńaıly.
Qazaqstan Respýblıkasynyń Pre­zı­denti Qasym-Jomart Toqaev 2019 jyldyń 9 maýsymyn­da kezekten tys saılaý ótkizý jaıly úndeýinde Tuńǵysh Pre­zı­dent – Elbasy Nursultan Nazar­baev salyp bergen sara jolynan aınymaıtyndyǵyn málimdedi. Bul turaqtylyqtyń basty kepili. Jáne de Prezıdent óz málim­demesinde saılaýdyń ádil ótýine kepildik berdi. Bul da el birligin saqtap turýdyń altyn kilti.
El ortasynda júrgendikten óz basyńyz «bolashaqta kim Pre­zıdent bolǵanyn qalar edi­­ńiz?» dep surap jatqandar da bar. Pre­­zı­denttikten úmitkerler tirkel­gennen keıin aıtarmyn muny. Alaıda, ulttyq múddeni bári­nen de bıik qoıatyn, qoǵamda ádilet­tilik pen zań ústemdigin nyǵaıta ala­tyn, sybaılas jemqor­lyq­tyń betin qaıtara alatyn, jer­shil­dik pen rýshyldyqtan ada, kózboıaý­shylyqty, bos dańǵazalyq pen ysyrapshylyqty rettep, tyıa alatyn, eldiń jaıyn, halyq­tyń jaǵdaıyn jaqsartýǵa bar múm­kindikti iske qosa alatyn, el baı­lyǵyn jalpyǵa ortaq ıgi­lik ete alatyn prezıdenttikten úmit­ker úshin daýys berer edim. Jáne de endigi prezıdenttikten úmit­ker­lerdiń árqaısysy halyqtyń qyzmetshisi bolamyn degen oımen daýysqa túskenin qalar edim.

Jabal ERǴALIEV, 
jazýshy-dramatýrg, Qazaqstannyń eńbek sińirgen qaıratkeri, Kókshetaý qalasynyń qurmetti azamaty

KО́KShETAÝ

Sońǵy jańalyqtar

Gúlzada tikken betperde

Aımaqtar • Búgin, 07:12

Shtab quryldy

Aımaqtar • Búgin, 07:08

Elin órge súıreıtinder

Rýhanııat • Búgin, 07:06

«Bul – bizdiń azamattyq paryzymyz»

Aımaqtar • Búgin, 07:03

Bas qala áýejaıynyń kody ózgerdi

Qazaqstan • Búgin, 06:59

«Talıban» kelissózden bas tartty

Álem • Búgin, 06:48

Tórimizde turýy tıis

Abaı • Búgin, 06:46

Uly mura – ult muraty

Abaı • Búgin, 06:42

Azııanyń ahýaly qandaı bolmaq?

Álem • Búgin, 06:39

Tutqadaǵy tazalyq

Qoǵam • Búgin, 06:33

Tasqynǵa monıtorıng júrgizildi

Aımaqtar • Búgin, 06:31

Jaman indet janaza kezinde juqqan

Koronavırýs • Búgin, 06:27

Jumyssyzdar qoldaýǵa muqtaj

Parlament • Búgin, 06:25

Call-ortalyqtardyń jumysy qyzý

Qoǵam • Búgin, 06:19

Birlese bilgen el bárin jeńedi

Elbasy • Búgin, 06:04

Uqsas jańalyqtar