Qasym-Jomart Toqaev zor senim artqany úshin Nursultan Nazarbaevqa jáne partııalastaryna alǵys aıta otyryp, elimizdiń odan ári qarqyndy damýy jolynda Tuńǵysh Prezıdent – Elbasynyń strategııalyq baǵdaryn jalǵastyryp, sabaqtastyqty qamtamasyz etýdi óziniń eń basty mindeti dep sanaıtynyn jetkizdi.
– Táýelsizdik jyldary ishinde Qazaqstan Elbasynyń kóregen basshylyǵynyń arqasynda kedeılik pen alasapyrandy eńserip, turaqtylyq pen gúldenýge qaraı buryn-sońdy tarıhta bolmaǵan teńdessiz qadam jasady. Tuńǵysh Prezıdent, Partııamyzdyń kóshbasshysy beıbitshilik pen tynyshtyqtyń, ulttyq birlik pen qoǵamdyq kelisimniń myzǵymas negizin qalady. Elbasynyń aıryqsha kúsh-jigeri men kóshbasshylyǵynyń arqasynda biz jańa memleket quryp, elimizdiń bas qalasynyń negizin qalaýshysy ári bas sáýletshisi Nursultan Nazarbaevtyń esimimen atalýǵa laıyqty jańa elordamyzdy saldyq. Eń bastysy, Tuńǵysh Prezıdentimiz tutas memlekettiń jańǵyrýy jolynda tabysqa umtylǵan sapalyq turǵydan jańa ulttyń negizin qalyptastyrdy, – dedi Qasym-Jomart Toqaev.
