Jıynǵa Túrkistan oblysynyń ákimi О́mirzaq Shókeev, QR Aýyl sharýashylyǵy mınıstrliginiń ókilderi, Jambyl, Qyzylorda jáne Shymkent qalasynyń aýyl sharýashylyǵy salasynyń basshylary men taýar óndirýshileri, «Agrarlyq nesıe korporasııasy» AQ, «Aýyl sharýashylyǵyn qarjylaı qoldaý qory» AQ, «KazAgroQarjy» AQ tóraǵalary, ekinshi deńgeıli bank basshylary, agroónerkásiptik keshen salasyndaǵy ǵalymdar, aýdan, qala ákimderi men oblystyń aýyl sharýashylyǵy taýar óndirýshileri qatysty.
Sharýalarǵa arnalǵan jıynda «Agrarlyq nesıe korporasııasy» AQ basqarma tóraǵasy Narmuhan Sarybaev pen «Aýyl sharýashylyǵyn qarjylaı qoldaý qory» AQ basqarma tóraǵasy Jandar Omarov – agroónerkásip keshenine jeńildetilgen nesıeler týraly, «QazAgroQarjy» AQ basqarma tóraǵasynyń orynbasary Almas Jaýbaev – agroónerkásip keshenine jeńildetilgen nesıeleri, nesıeleý joldary men sharttary jaıynda, Túrkistan oblysy aýyl sharýashylyǵy basqarmasynyń basshysy Nurbek Badyraqov – azyq-túlik beldeýin qalyptastyrý, aýyl sharýashylyǵy salasynda aldyńǵy qatarly tehnologııalardy qoldana otyryp jáne halyqty jumyspen qamtý maqsatynda júzege asyratyn jobalary haqynda, Túlkibas aýdanynyń ákimi Nurbol Turashbekov – aýdanda júzege asyrylǵan jáne asyrylatyn jobalary týraly, «Qaskeleń Agroparkiniń» ǵylymı jetekshisi Abaı Saǵıtov – agroónerkásip kesheniniń máseleleri týraly, «Dala Fruit» JShS dırektory Bolatbek Najmetdınuly – qarqyndy baý sharýashylyǵyndaǵy jetistikteri men jeńildikteri týraly, M.Áýezov atyndaǵy OQMÝ ǵalymy Qalymbetov Berdııar – bir jylda 2-3 ónim alýdyń tıimdiligi týraly baıandama jasady.
Semınarda aýyl sharýashylyǵy salasyndaǵy ınnovasııalyq tehnologııalardy qoldanyp, jylyna 2-3 ret ónim alý, sonymen qatar bıznesti jolǵa qoıyp, mol tabys taýyp otyrǵan aýyl sharýashylyǵy kásiporyndary óz tájirıbelerimen bólisti.
Jıynda Túrkistan oblysynyń ákimi О́mirzaq Shókeev aýyl sharýashylyǵy salasynda damyǵan memleketterden qalyp qoımas úshin ǵalymdarmen birlese zertteý jumystaryn keńinen júrgizip, álemdik talaptarǵa saı keletin ónim óndirýge umtylǵan jón ekendigin aıtty. Ári ónim naryqtyq ekonomıkaǵa saı, básekege qabiletti bolýy kerektigin jetkizdi.
«Búgingi tańda Túrkistan qalasynyń aýmaǵyn damytý, halqyn turaqty jumys oryndarymen qamtamasyz etý maqsatynda 480 joba anyqtalyp otyr. Bul jobalar oblystyń ár aýdanynyń basym baǵyttaryn damytyp, oblys halqyn azyq-túlik ónimderimen qamtamasyz etý maqsatynda tańdap alyndy. Aýyl sharýashylyǵynda aldaǵy ýaqytta aldyńǵy qatarly tehnologııalardy qoldana otyryp, jańa aýyl sharýashylyǵyn qalyptastyrýymyz kerek. Aldaǵy ýaqytta talap ózgeredi. Ár aýdan tabıǵı jaǵdaıǵa baılanysty jumys isteýi tıis», – dedi oblys ákimi О́mirzaq Estaıuly.
Sonymen qatar, aımaq basshysy óńirde jalpy aýyl sharýashylyǵyna jaramdy jer kólemi, elimizdiń basqa óńirlerine qaraǵanda az ekendigin aıtyp, alǵa qoıylǵan tapsyrmalardy tek zaman talabyna saı ǵylymı jetistikterdi utymdy paıdalanýdyń nátıjesinde oryndaýǵa bolatyndyǵyn jetkizdi. Sondaı-aq, aýyl sharýashylyǵynda alynǵan kez kelgen ónimdi tıimdi óńdep, eksportty ulǵaıtý kerektigin sóz etti.
Semınar keńesti ótkizýge muryndyq bolǵan óńir basshysy О́mirzaq Shókeev joǵaryda atalǵan tapsyrmalar men 480 jobanyń iske asyrylýyna aýdan, qala ákimderi tikeleı jaýapty ekendigin eskertti.
Semınar sońynda qarjy uıymdary men bank dırektorlary jáne ákimdik arasynda Memorandýmǵa qol qoıý rásimi ótti. Ondaǵy maqsat – Túrkistan oblysynda aýyl sharýashylyǵy salasynda aldyńǵy qatarly tehnologııalardy qoldana otyryp, halyqty jumyspen qamtý maqsatynda iske asyrylatyn jobalardy júzege asyrý jónindegi ózara yntymaqtastyq arttyrý.
Budan soń semınar Kentaý qalasy, Shaǵa aýyldyq okrýginde jalǵasty. Sondaı-aq, sharýalarǵa arnalǵan semınar Saıram aýdanynda jalǵasatyn bolady.
