Qalalyq mádenıet saraıynda Semeı qalalyq ishki saıasat bóliminiń uıymdastyrýmen «Shyǵys Qazaqstan oblsytyq jastar jáne balalar uıymdarynyń qaýymdastyǵyna» qarasty Semeı qalalyq fılıalynyń uıymdastyrýymen «Úzdik jastar teatry – 2019» baıqaýy bolyp ótti.
- Baıqaýdyń maqsaty jastar arasyndaǵy nashaqorlyq deńgeıin tómendetý, dinı ekstremızm men terrorızmge qarsy kúres jáne jastar arasynda otbasy qundylyǵyn nasıhattaý bolyp tabylady,-dedi Semeı qalalyq Jastar resýrstyq Ortalyǵynyń dırektory Oljas Soǵymbaı,-baıqaýǵa qalamyzdyń joǵary jáne orta arnaýly oqý oryndarynan quralǵan 9 stýdent jastar teatry qatysty.
Sonymen baıqaýdyń nátıjesi boıynsha: 1 oryn – Bıznes jáne Servıs kolledjinen
«Aıbarys» jastar teatry, 2 oryn – M.O. Áýezov atyndaǵy pedagogıkalyq kolledjden
«Es-Aımaq» drama úıirmesine,
3 oryn – Qurylys kolledjiniń «Qazaq
jastary» drama teatryna berildi.
«Eń úzdik er adam róli» atalymyn – Másalim Yhlas M. Tólebaev atyndaǵy mýzykalyq ýchılıshesiniń «Es-Aımaq» stýdent jastar teatrynan ıelense, «Eń úzdik áıel adam róli» atalymyn Janna Qurmanǵazına «Jiger» stýdentter teatry, M. Tólebaev atyndaǵy mýzykalyq ýchılıshesinen ıelendi. Barlyq qatysýshylar arnaıy alǵys hattarmen, júldege ilikken qatysýshylar aqshalaı syılyqtarmen arnaıy dıplomdarmen marapattaldy.
Raýshan NUǴMANBEKOVA,
«Egemen Qazaqstan»
SEMEI
