Aımaqtar • 24 Sáýir, 2019

Elordada Qoǵamdyq densaýlyq saqtaý basqarmasynyń jańa basshysy taǵaıyndaldy

702 retkórsetildi

Elorda ákiminiń ókimimen Nur-Sultan qalasynyń Qoǵamdyq densaýlyq saqtaý basqarmasynyń basshysy bolyp Marat Shoranov taǵaıyndaldy dep habarlaıdy qalalyq ákimdiktiń resmı saıty.

Búgin ákimdikte ótken kezekti otyrysta Baqyt Sultanov Qoǵamdyq densaýlyq saqtaý basqarmasynyń jańa basshysy Marat Shoranovty tanystyrdy. 

Marat Shoranov 1975 jyly 24 tamyzda Almaty qalasynda dúnıege kelgen. Akademık B.Ý.Jarbosynov atyndaǵy Qazaq memlekettik medısına ýnıversıtetin, Ýrologııa ǵylymı ortalyǵynyń aspırantýrasyn bitirdi.; Rollins School of Public Health (Emory University) magıstri, qoǵamdyq densaýlyq saqtaý magıstri, medısına ǵylymdarynyń kandıdaty. Akademık B.Ý. Jarbosynov atyndaǵy Ýrologııa ǵylymı ortalyǵynda (Almaty), radıasııalyq medısına jáne ekologııa QazǴZI (Semeı), QR Densaýlyq saqtaý mınıstrliginde jumys istedi. 2008–2009 jyldary – QR Densaýlyq saqtaý mınıstrligi «Densaýlyq saqtaýdy damytý ınstıtýty» RMK dırektory (Almaty). 2009–2011 jyldary – Emory ýnıversıtetiniń Klınıka jobalary boıynsha menedjeri (Emory University, Rollins School of Public Health, Atlanta, AQSh). 2012 jyl – QR Densaýlyq saqtaý mınıstrligi «Densaýlyq saqtaýdy damytý respýblıkalyq ortalyǵy» RMK ekologııalyq zertteýler ortalyǵynyń basshysy (Astana qalasy). 2012–2013 jyldary – QR Densaýlyq saqtaý mınıstrliginiń «Densaýlyq saqtaýdy damytý respýblıkalyq ortalyǵy» RMK bas dırektorynyń medısınalyq ǵylym jáne bilim jónindegi orynbasary. 2013–2014 jyldary – QR Densaýlyq saqtaý mınıstrligi Strategııalyq damý departamentiniń dırektory. 2014–2015 jyldary – QR Densaýlyq saqtaý jáne áleýmettik damý mınıstrligi Medısınalyq qyzmetterdi standarttaý departamentiniń dırektory. 2015 jyly – «Ulttyq medısınalyq holdıng» AQ transformasııa departamentiniń dırektory. 2016–2017 jyldary – «University Medical Center» korporatıvtik qorynyń basqarýshy dırektory. 

Sońǵy atqarǵan qyzmeti: 2017 jyldan bastap Shyǵys Qazaqstan oblysy Densaýlyq saqtaý basqarmasynyń basshysy. Qala ákimi Marat Shoranovtyń jańa qyzmetine sáttilik tiledi.  

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar