Halyqaralyq «Jeti jarǵy» jáne «Qojabergen jyraý» qaıyrymdylyq qory Túrkistan oblysy, Qazyǵurt aýdanynda Shymkent – Tashkent halyqaralyq kúre jolynyń boıyndaǵy «Babalar rýhyna taǵzym» keshenine ultymyzdyń Uly bıleri Tóle bı, Qazybek bı, Áıteke bılerge bıik tas tuǵyr ústindegi aıbyndy eskertkishterin ornatty. Eskertkish Mádenıet jáne sport mınıstrliginiń arnaıy komıssııasynyń sheshimine sáıkes, quzyrly organnyń buıryǵymen bekitildi.
Eskertkishtiń ashylýyna Túrkistan oblysynyń ákimi О́mirzaq Shúkeev, «Ardagerler uıymy» respýblıkalyq qoǵamdyq birlestiginiń ortalyq keńesiniń tóraǵasy, Májilis jáne Senat depýtattary, Memlekettik organdardyń ókilderi, qoǵam qaıratkerleri, zııaly qaýym ókilderi men oblys jurtshylyǵy qatysady. Respýblıkaǵa eńbegi sińgen tanymal ánshilerdiń konserttik baǵdarlamasymen, ulttyq sport oıyndarymen jalǵasyp, Uly bılerge arnalǵan as beriledi.
«Jastar saıabaǵyna» eskertkishti ornatý ıdeıasyn oılastyryp, tuǵyryna qondyrǵan – ultjandy azamat, zań ǵylymdarynyń doktory, professor Beket Turǵaraev. Byltyr osy «Babalar rýhyna taǵzym» keshenine Orbulaq shaıqasy jeńisiniń 375 jyldyq mereıtoıyna oraı uly jeńistiń qaharmandary Salqam Jáńgir han men Jalańtós Bahadúrge arnap, ekeýiniń at ústindegi aıbyndy eskertkishi ornatylǵan bolatyn.
