Aqtaýdan gastroldik saparmen kelgen N.Jantórın atyndaǵy Mańǵystaý oblystyq mýzykalyq drama teatry qala ákimdiginiń aqparattyq-kommýnıkasııalyq ortalyǵynda kezekti óner saparynyń josparymen bólisti.
2003 jyldyń 21 naýryzynda Ǵ.Músirepovtiń «Qyz Jibek» mýzykalyq dramasymen ashylǵan óner ujymyn bastap kelgen teatr dırektorynyń orynbasary Toqtamurat Tileý atalǵan mekeme týraly qysqasha tanystyryp ótti.
«Quramynda 200-ge jýyq qyzmetkeri bar shyǵarmashylyq ujym 16 jyldyń ishinde úsh halyqaralyq jáne bir respýblıkalyq teatr festıvaliniń Bas júldesin, birneshe ret ataýly nomınasııalady ıelengen. О́zimiz festıvaldi kóp uıymdastyramyz jáne baıqaýlarǵa kóp qatysamyz. Qur qol qaıtqan kezimiz joq. Aldaǵy josparlarymyz týraly aıtar bolsaq, zamanymyzdyń zańǵar jazýshysy, kemeńger qaıratkeri Á.Kekilbaevtyń 80 jyldyǵyna oraı TÚRKSOI uıymymen birlesip jáne QR Mádenıet mınıstrliginiń qoldaýymen «Ábish álemi» atty I Halyqaralyq teatr festıvalin ótkizýge daıyndalyp jatyrmyz. Osy retki saparymyzda 22-25 sáýir kúnderi shymkenttik kórermenderge «Shyńyraý» (drama), «Atyń óshsin,...!» (tragıfars), «Álıhannyń amanaty» (rekvıem), «Hanýma» (pop-art mýzykalyq komedııa) qoıylymdaryn usynbaqpyz», dedi Toqtamurat Tileý.
«Elimizdegi eń jas teatr bolsaq ta, akterlerimiz ózderin shyǵarmashylyq turǵydan únemi shyńdap keledi», deıdi qonaqtar. Onyń jarqyn dáleli retinde «Daryn» memlekettik jastar syılyǵynyń jáne «Eńlikgúl» kásibı syılyǵynyń ıegeri Medǵat О́mirálıevty aıtýǵa bolady. Munan bólek, teatr ártisteri otandyq serıaldar men fılmderge («Kúlásh», «Qyz joly», «Aqyldyń kilti», «Tar zaman», «Balýan Sholaq») túsip, ultymyzdyń kóptegen memleket jáne óner qaıratkerleriniń rólderin sátti somdap, respýblıka kórermenderiniń arasynda tanymaldyqqa ıe bolǵan.
Teatr ártisteri aldaǵy eki kúnde qala turǵyndary men qonaqtaryn Shymkent qalalyq orys drama teatryna óz ónerlerin tamashalaýǵa shaqyrdy.
