Jeltaý jotasy men Shólqara qyratyna zertteý jumystaryn júrgizgen qazaqstandyq bıoalýandyqty saqtaý qaýymdastyǵy bul oryndar tabıǵı saıabaq jasaýǵa taptyrmas meken degen qorytyndyǵa kelgen. Oblys ákimi Nurlan Noǵaev Jylyoı aýdanyna jumys saparynda osy eki orynǵa arnaıy keldi.
Aýmaqtyń baı tabıǵaty biraz ýaqyttan beri mamandardyń nazaryn aýdaryp keledi. Osy mańda Ortataý qorymy, meshit sekildi el arasynda qasıetti sanalatyn oryndar da bar.
– Bul jerde tabıǵı saıabaq-qoryq jasaý – bastapqy qalpyn saqtap qalýǵa múmkindik beredi, – degen aımaq basshysy jobany maquldap, quzyrly organdarǵa bolashaq saıabaqtyń shekarasyn anyqtap, jer ıelerine qatysty máseleni sheshýdi tapsyrdy.
Eger Jylyoı jerinen tabıǵı saıabaq ashylsa, týrızmniń damýyna da serpin bolar edi. Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda qolǵa alynatyn jańa joba jemisti bolsa degen tilek bar.
ATYRAÝ
