Onyń ishinde, ónerkásip salasy boıynsha – 216 mlrd 710 mln teńge, aýylsharýashylyq salasynyń úlesi – 12 mlrd 513 mln teńgeni quraǵan.
Budan ózge, aýdan ekonomıkasyna 40 mlrd 880 mln teńge ınvestısııa tartyldy. Onyń ishinde, jergilikti bıýdjetten – 1 mlrd 843 mln teńge, kásiporyndardyń, uıymdardyń jáne halyqtyń óz qarjysy esebinen – 38 mlrd. 280 mln. teńge qaryz qarajaty kólemi – 127 mln teńge ınvestısııa tartylǵan.
Al aýyl sharýashylyǵy salasynda aýdan boıynsha 13 120 ga alqapqa egis egilip, onyń ishinde 5 505 ga sýarmaly jer ıgerilgen. Sondaı-aq, 1 ga alqapqa jylyjaı salynyp, aýdan kóleminde «Jasyl jelek» baǵdarlamasy negizinde 111 ga dekoratıvti baýǵa tamshylatyp sýarý ádisi endirildi.
Sonymen qatar, aýdan kóleminde kásipkerlik salasynda 2018 jyly 12 mlrd 991 mln teńgenin ónimi óndirilip, ótken 2017 jylmen salystyrǵanda 3,9 paıyzǵa ósken.
Aýdanǵa ınvestorlardy kóptep tartý jáne olardyń ınfraqurylym máselesin memlekettik deńgeıde sheshý maqsatynda aýdanda jalpy alańy 50 ga jer telimin quraıtyn ındýstrıaldy aımaq qurylǵan. Búgingi kúnge deıin jalpy quny 1 mlrd 197 mln teńge quraıtyn 5 joba iske qosylyp, jumys júrgizýde.
Aıta keterligi, aýdandaǵy ındýstrıaldy aımaqta aǵymdaǵy jyly jalpy quny 365 mln AQSh dollaryn quraıtyn 4 joba qolǵa alynady. Atap aıtqanda, jobalyq quny 50 mln. AQSh dollar quraıtyn «IýKSES-50» JShS-niń kún elektr stansasyn salý jobasy quny 15 mln AQSh dollar quraıtyn «Standart Ýgle Hım» JShS-niń Taskómirsaı keniniń kómirin qaıta óńdeý jobasy quny 200 mln AQSh dollar quraıtyn «Sozaq fosfat» JShS-niń fosfor óńdeý zaýytynyń jobasy jobalyq quny 100 mln AQSh dollar quraıtyn «Sozaq Kaýs» JShS-niń ótkir soda shyǵarý jobasyn iske asyrý josparlanýda.
