Qazirgi tańda qaýymdastyqqa 5 myńnan astam adam múshe. Sońǵy eki jylda qaýymdastyq myńnan astam túrli sharalar uıymdastyrdy. Bul sharalar áıelder men jastar kásipkerligin qoldaýǵa baǵyttaldy. Sondaı-aq uıym tarapynan elimizdiń 25 myńnan astam turǵynyna kómek kórsetildi.
Memleket shaǵyn jáne orta bızneske barlyq jaǵdaı jasap otyr. «Bıznestiń jol kartasy-2020» baǵdarlamasy arqyly shaǵyn jáne orta bıznes salasyndaǵy áıelderdiń úlesi 44 paıyzdy qurady. «Jumyspen qamtýdyń jol kartasy-2020» baǵdarlamasy aıasynda áıelder eńbek naryǵynyń talabyna saı biliktilikterin jetildirýde.
Qazaqstan Dúnıejúzilik banktiń «Doing Business» reıtıngi boıynsha sońǵy 10 jylda 64-orynnan 36-orynǵa kóterildi.
Elimiz táýelsizdiktiń alǵashqy sátterinen bastap genderlik saıasatqa, áıelder men balalardy qoldaýǵa, otbasylyq qundylyqtardy nasıhattaýǵa basa nazar aýdaryp keledi. Qazaqstan genderlik teńgerim boıynsha 140 eldiń arasynda 44-orynda, al áıelderdiń ekonomıkalyq jaǵdaıy boıynsha 30-orynda tur.
Qazaqstannyń Tuńǵysh Prezıdenti – Elbasy Nursultan Nazarbaevtyń júrgizgen salıqaly saıasaty arqasynda táýelsiz elimiz myqty memleket bolyp qalyptasty. Bizdi álem moıyndady.
Biz, kásipker áıelder, barlyq otandastarymyzdy 2019 jyldyń 9 maýsymynda ótetin Qazaqstan Respýblıkasy Prezıdentiniń saılaýyna belsendi túrde qatysýǵa shaqyramyz.
«Qazaqstannyń isker áıelder qaýymdastyǵy» RQB
24 sáýir, 2019 jyl
