Jergilikti turǵyndar jas qyzdyń jardan sýǵa sekirgeli turǵanyn kórip, kezekshi bólimge habar beredi. Muny estigen Shymkent qalasy jáne Túrkistan oblysynyń mamandandyrylǵan kúzet qyzmeti basqarmasynyń erekshe tapsyrma boıynsha aǵa ınspektory Keńes Erimbetov pen áriptesi Ábdirashıt Serjan Shardara sý qoımasynda qyzdyń aǵyp bara jatqanyn kórip, dereý sýǵa qoıyp ketken. Bul týraly Shymkent qalalyq polısııa departamentiniń baspasóz qyzmeti habarlaıdy.
«Sý qoımasyna júgirip baryp, áriptesim ekeýmiz sýǵa túsip, qyzdy jaǵaǵa alyp shyqtyq. Sol kezde bekettegi polısııa qyzmetkerleri shaqyrǵan medısına qyzmetkerleri men qutqarýshylar da keldi. Ol mamandar qyzǵa alǵashqy kómek kórsetti», deıdi polısııa kapıtany Keńes Erimbetov.
Jas qyz Shardara aýdanynyń turǵyny bolyp shyqty. Qazirgi tańda tártip saqshylary ómirden kúder úzgen janǵa psıhologııalyq qoldaý kórsetip, ómirge qushtar bolýǵa yntalandyrǵan.
