Aldymen, aýdan, qalalardyń balýandary óz óńirlerinde irikteý týrnırin ótkizdi. Eki kúnge sozylǵan oblystyq týrnırde balýandar segiz salmaq dárejesi boıynsha beldesti. «Túıe balýan» básekesine 20-dan asa tarta talapker jazyldy. Týrnırdiń aqtyq doasynda qazaq kúresinen sport sheberi Ǵabıt Balǵynbaev pen birneshe márte oblys chempıony Asylbek Ábdirov beldesti. Fınaldyq kezdesý tájirıbeli Balǵynbaevtyń paıdasyna sheshildi. Endi osy eki balýan oblys namysyn respýblıkalyq «Qazaqstan barysy» týrnırinde qorǵaıtyn bolady.
Úshinshi oryndy jas balýan Dáýlethan Qosmaǵambetov ıelendi. Ǵabıt Balǵynbaev osymen ekinshi ret «Qostanaı qyrany» ataǵyn ıelendi.
«Bul jolǵy jeńis qolǵa ońaılyqpen kelmedi. Qarsylastarymnyń bári myqty. Ásirese, Abylaıhan Qasymhan men Talǵat Jıentaevtyń daıyndyǵy jaqsy eken» dedi jarys jeńimpazy Ǵabıt Balǵynbaev.
