Qyzǵaldaqtyń Shymkent jáne onyń aınalasynan shyqqandyǵy týraly tarıhı derekterdi kórsetýge arnalǵan sharaǵa álemniń ár elinen keletin týrıster qatysady dep kútilýde.
Atalǵan is-shara barysynda festıvalge qatysýshylarynyń sherýi, «Qyzǵaldaq joly» teatr kórinisi, «Qyzǵaldaqtyń izimen» ınteraktıvti kitaby, florısterdiń kórmesi men konkýrsy, Tıýlp Art-zonasy, sýretshilerdiń týyndylarynyń kórmesi, sýretter keskindemesi, balalar sýretiniń baıqaýy, fotokórme, Fashion Tulip, qatarly qyzyqty baǵdarlamalarmen qatar konserttik kórsetilim qoıylmaq.
«Qyzǵaldaq joly» festıvali aldaǵy ýaqytta alanyń erekshe merekesi ataýyna ıe bolýy múmkin. Bul qaladaǵy oń ımıdjdi tek el ishinde ǵana emes, sonymen qatar shetelge shyǵarýǵa qosymsha serpin beredi. Nátıjesinde aıtýly shara týrıstik ınfraqurylymdy damytýǵa, týrıstik ónimder men qyzmetterdiń sapasyn arttyrýǵa, megapolıste týrızmdi alǵa jyljytýǵa múmkindik beredi», deıdi shara uıymdastyrýshylary.
Esterińizge salar bolsaq, Shymkent qalasyna 2018 jyldyń 12 aıynda qalaǵa kelýshiler sany 178 014 adamdy qurap, 2017 jyldyń sáıkes kezeńimen salystyrǵanda (137 980 adam) 29 paıyzdy qurady.
Ishki týrızm boıynsha kelýshiler sany 155 946 adam, ótken jylmen salystyrǵanda (121 076 adam) 28,8 paıyzǵa artyp otyr.
Búgingi tańda Shymkent qalasynda ınvestısııa kólemi 600,0 mln teńgeni quraıtyn «Ramada» qonaq úı jáne meıramhana kesheniniń iske qosylýy josparlanýda. Joba boıynsha 45 jańa jumys oryndarynyń ashylýy kútilýde.
