Taǵaıyndaý • 26 Sáýir, 2019

«Astana Musical» memlekettik teatrynyń kórkemdik jetekshisi taǵaıyndaldy

677 retkórsetildi

Belgili qazaqstandyq rejısser Eslám Nurtazın Mádenıet jáne sport mınıstrligi «Qazaqkonsert» memlekettik konserttik uıymyna qarasty «Astana Musical» memlekettik teatrynyń kórkemdik jetekshisi bolyp taǵaıyndaldy.

Eslám Nurtazın – Tuńǵysh Prezıdent – Elbasy qory syılyǵynyń ıegeri, fılosofııa ǵylymdarynyń doktory (PhD). T. Júrgenov atyndaǵy Qazaq ulttyq óner akademııasyn drama teatr rejısseri mamandyǵy boıynsha aıaqtaǵan. 2011-2013 jj. Nıý-Iork qalasyndaǵy Kolýmbııa ýnıversıtetinde jáne álemge tanymal Nıý-Iork Kıno akademııasynda (AQSh) bilim alǵan.

Eslám Serikulynyń shyǵarmashylyq qyzmeti teatr jáne kıno ónerimen tyǵyz baılanysty. Ol Ǵ.Músirepov atyndaǵy Qazaq memlekettik akademııalyq balalar men jasóspirimder teatrynda, M.Áýezov atyndaǵy Qazaq memlekettik akademııalyq drama teatrynda, B.Rımova atyndaǵy Almaty oblystyq teatrynda 15 jýyq mıýzıkl men spektakldi sahnalady.

Elimizdegi eń alǵashqy mıýzıkl janryndaǵy «Dostar serti» otandyq týyndysy Eslám Nurtazınniń rejısserligimen qoıylyp, «Astana Musical» teatrynyń shymyldyǵyn ashty. Sonymen qatar ol «Astana Musical» repertýaryndaǵy «Er Tóstik», «№13» syndy belgili qoıylymdardyń rejısseri bolyp tabylady.

Eslám Nurtazın kóptegen otandyq fılmder men teatr sahnalarynda akter retinde mol tájirıbe jınaǵan. Ol joǵary kásibıligin tek óz shyǵarmashylyǵynda ǵana kórsetpeı, shákirt tárbıelep, ózinen keıingi jas ári talantty ártister býynynyń qalyptasýyna zor úles qosýda. 

Belgili qazaqstandyq rejısser otandyq teatr ónerin birneshe ret halyqaralyq sahnalarda tanystyrdy. 2012 jyly Ońtústik Koreıa memleketinde ótken Halyqaralyq mıýzıklder festıvalinde Altyn kýbokty jeńip alǵan.

Mədenıet jəne ɵner salasyndaǵy joǵary jetistikteri úshin 2018 jyly Qazaqstan Respýblıkasy Tuńǵysh Prezıdenti - Elbasy qory syılyǵynyń laýreaty atandy.

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar