Ákimdiktiń málimetinshe, úleskerlik qurylys máselesi qurylys salasymen baılanysty bolǵanymen, belgili bir erekshelikteri bar. Atap aıtqanda, úleskerlik qurylys máselesi quqyq qorǵaý organdary men salyq organdarynyń qatysýymen, sondaı-aq qarjylyq máseleler eskerile otyryp qaralady. Sondyqtan qala ákiminiń orynbasary Asqar Ámrın qurylysqa úlestik qatysý boıynsha vedomstvoaralyq komıssııanyń jumysyn úılestirýdi jalǵastyrady.
Aıta keteıik, Asqar Ámrın salyq, bıýdjettik jáne ekonomıkalyq saıasat, jumyldyrý daıyndyǵy, shuǵyl áreket, aýmaqtyq jáne azamattyq qorǵanys, azamattardy áskerı qyzmetke shaqyrý, quqyq buzýshylyqty boldyrmaý, sondaı-aq, úleskerlik qurylys máselelerine jaýapty.
