Rýhanııat • 26 Sáýir, 2019

«Astana Opera» teatrynda mamyr keshteri ótedi

792 retkórsetildi

Mamyr aıynda «Astana Opera» teatrynyń Kameralyq zalynda elorda turǵyndary men qonaqtarynyń nazaryna konserttik baǵdarlamalar usynylady dep habarlaıdy qala ákimdiginiń resmı saıty.

3 mamyrda saǵat 19:00-de «Sevılıadan Neapolge deıin» konsertinde ıspan, fransýz jáne ıtalıandyq sazgerlerdiń jalyndy týyndylary, sondaı-aq neopolıtandyq ánder shyrqalady. Kameralyq zal sahnasynda Qazaqstannyń eńbek sińirgen qaıratkerleri Bıbigúl Januzaq, Azamat Jyltyrkózov, «Qurmet» ordeniniń kavaleri Aızada Kaponova, halyqaralyq baıqaýlardyń laýreattary Saltanat Muratbekova, Erulan Kámel óner kórsetedi. Fortepıano partııasynda – halyqaralyq baıqaýlardyń dıplomanty Janar Ahmetova. 

5 mamyrda saǵat 18:00-de «Tango Project» konserti ótedi. Mýzyka, bı, vokal keremet úılesim tapqan biregeı mýzykalyq jobany «Art Contrast» aspaptyq ansambli usynady. Onyń quramynda: Áıgerim Mataeva (fortepıano, Fransııa), Marııa Orınınskaıa (skrıpka, Avstrııa), Tatıana Vısınskaıa (messo-soprano), Jibek Saparǵalıeva (fleıta), Jánibek Saparov (gıtara), Sapar Kúmisqalıev (baıan), Ádil Satybaldınov (kontrabas) bar. Bıshiler Ánel Marabaeva men Evgenıı Moıseevtiń juby keshtiń kórkin qyzdyra túspek. Argentınalyq «tango koroli» – uly Astor Pıassollanyń jalyndy týyndylary, sonyń ishinde Ave Maria, Fugata, №3 Etıýd, «Tango tarıhy. Café 1930», El penu’ltimo, Oblivion, «Marhabat», «Syǵan tangosy», «Sol bir qaıǵy», Escualo, Adios Nonino, La muerte del Angel, «Yo soy Maria…», sonymen qatar Hýan-Karlos Kobıannyń «Los Mareados», K.Gardel-D.Ýılıamstyń «Áıel ıisi» kınofılminen tango oryndalatyn bolady.  

Uly mereke – Jeńis kúni «Jeńistiń óshpes shyraǵy» atty merekelik konsertpen atalyp ótetin bolady. 9 mamyrda saǵat 15:00-de «Astana Opera» teatrynyń Kameralyq zalynda opera solısteri, hor jáne orkestr ártisteriniń oryndaýynda soǵys jyldaryndaǵy tanymal ánder men súıikti áýender, sonymen qatar qazaq, orys jáne batys eýropalyq klassıkanyń ozyq týyndylary shyrqalady. 

19 mamyrda saǵat 18:00-de kórermen nazaryna zamanaýı kameralyq mýzyka usynylatyn bolady. «Júrekke jol tapqan mýzyka» konsertine halyqaralyq baıqaýlardyń laýreattary Ulpan Ábdikárimova (soprano), Roza Soltyhanova (fleıta), Manarbek Abaev (klarnet), Dınara Qalabaeva (fortepıano) qatysady. Mýzykanttar amerıkalyq jáne eýropalyq kompozıtorlardyń týyndylaryn jańa úlgide usynady. Atap aıtqanda, E.Evaızenniń Fleıta men fortepıanoǵa arnalǵan №1 sonatasy, A.Dıýtııeniń Fleıta men fortepıanoǵa arnalǵan sonatınasy, F.Pýlenktiń Klarnet pen fortepıanoǵa arnalǵan sonatasy, K.Debıýssıdiń «Juldyzdy tún», «Keremet kesh», L.Shpordyń «Nemis ánderi» op.37, Dj.Manýkıannyń Fleıta, klarnet pen fortepıanoǵa arnalǵan trıosy syndy shyǵarmalary shyrqalady. 

23 mamyrda saǵat 19:00-de tyńdarmandar Venadaǵy mýzykalyq serýenge shaqyrylady. «Uly esimder: I.Gaıdn, V.A.Mosart» konsertine Qazaqstannyń eńbek sińirgen ártisi Jannat Baqtaı, Qazaqstannyń eńbek sińirgen qaıratkeri Saltanat Ahmetova, Talǵat Ǵaleev, P.I.Chaıkovskıı atyndaǵy H Halyqaralyq jasóspirimder baıqaýynyń laýreaty Aqbıke Alǵı (skrıpka), Ross Klark (trýba, Ýels, Ulybrıtanııa), «Astana Opera» teatrynyń balalar stýdııasy (jetekshisi – Altynǵanym Ahmetova), sonymen birge dırıjer Raqymjan Baspaevtyń jetekshiligimen «Astana Opera» teatrynyń Kameralyq orkestri qatysady. Mazmundy baǵdarlamaǵa I.Gaıdnnyń Orkestr men fortepıanoǵa arnalǵan konsert re major (1-bólim), №104 sımfonııa re major (1-bólim), V.A.Mosarttyń «Seraldan alyp qashý» operasynan ývertıýra jáne Konstansanyń arııasy, «Don Jýan» operasynan Serlına men Don Jýannyń dýeti, Orkestrmen skrıpkaǵa arnalǵan № 4 konsert re major (1-bólim), Orkestrmen fortepıanoǵa arnalǵan № 23 konsert lıa major (2-bólim), №40 sımfonııa (1- bólim) engen. 

25 mamyrda saǵat 18:00-de vıolonchelge arnalǵan mýzyka keshi ótedi. «Vıolonchel ún qatqan mamyr keshi» konsertine qazaqstandyq vıolonchelshi Sánııa Dúrkeeva men onyń ustazy – ataqty shveısarııalyq vıolonchelshi, Sıýrıh óner ýnıversıtetiniń professory Orfeo Mandossı, Qazaqstannyń eńbek sińirgen qaıratkeri maestro Abzal Muhıtdınovtiń jetekshiligindegi «Astana Opera» teatrynyń Kameralyq orkestri qatysady. «Qazaqstannyń 100 jańa esimi – 2017» jobasynyń jeńimpazy Sánııa Dúrkeeva jeke oryndaýshy-mýzykant retinde de, túrli kameralyq ansamblderdiń quramynda da Avstrııa, Fransııa, Shveısarııa, AQSh, Reseı men Qazaqstan zaldarynda tabysty óner kórsetýde. Orfeo Mandossı Nıkolaı Snaıder, Iýlıan Rahlın jáne Iýrıı Bashmet syndy tanymal mýzykanttarmen, áıgili dırıjerler Fabıo Lýızı, Krıstıan Iаrvı jáne Mıhaıl Iýrovskıımen shyǵarmashylyq yntymaqtastyqta, sondaı-aq Sıýrıh Joǵarǵy óner mektebi men Imola qalasyndaǵy Halyqaralyq pıanıno akademııasynda (Italııa) sabaq beredi. 

28 mamyrda saǵat 19:00-de Melodía de la pasión («Qushtarlyq áýeni») konsertinde orys, eýropalyq jáne latynamerıkalyq kompozıtorlardyń áserli de beıneli áýenderi shyrqalmaq. О́nersúıer qaýym nazaryna E.Granados – G.Kassadonyń «Goıeskı» operasynan Intermesso, K.Sen-Sanstyń Vıolonchel men fortepıanoǵa arnalǵan sıýıtasy, R.Shedrın – M. Pletnevtiń «Anna Karenına» baletinen Prolog jáne At jarys,  E.Vılla-Lobostyń Gıtaraǵa arnalǵan №11 etıýd mı mınor, «Brazılııalyq bahıana» №5. Arııa, J. Ma Rýerdiń «Meditacio», M.Andre-Blohtyń «Dennerıana», G.Kassadonyń «Estelikter» syndy tanymal kameralyq shyǵarmalary jańa qyrynan usynylmaq. Halyqaralyq baıqaýlardyń laýreattary Botagóz Qalıeva (vıolonchel), Almas Toqpanov (klarnet), Jánibek Saparov (gıtara), Elmıra Sultanǵazınanyń (fortepıano) óner kórsetýi tyńdarman kóńiline qýanysh uıalatpaq.



Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar