Úkimet basshysy qalanyń ákimshilik-iskerlik ortalyǵynda oblys ákimdigi, basqarmalar men departamentter ǵımarattary, Medıa ortalyq, Kongress-holl salynatyn qurylys alańdarynda boldy. Qala qurylysynyń basym baǵyty — áleýmettik mańyzdaǵy nysandardy: stadıon, Oqýshylar saraıyn, Halyqqa qyzmet kórsetý ortalyǵyn salý. Mýzyka mektebin, basseıni bar sport saraıyn, oblystyq ǵylymı-ámbebap kitaphana salý jobalary daıyndyq satysynda tur. Halyqtyń qolaıly ómir súrýin qamtamasyz etý maqsatynda óńirdi abattandyrý nysandaryn daıyndaý jumystary júrgizilýde, olar: Tuńǵysh Prezıdent parki, attraksıondary bar qala saıabaǵy, mýzykalyq fontan, amfıteatr, arbat. Barlyq qurylys jumystary kestege sáıkes júrgizilip jatyr jáne belgilengen merzimde aıaqtalady.
Premer-Mınıstr A. Mamın jumys sapary aıasynda oblys ortalyǵynyń kirý qaqpalarymen qalany baılanystyratyn B. Sattarhanov dańǵylynyń ýchaskesin tekserdi, ony rekonstrýksııalaý jumystary júrgin bólikti 18 metrge deıin keńeıtýge múmkindik beredi. Úkimet basshysy Túrkistan qalasynyń mańynda «jasyl beldeý» qurý, ırrıgasııalyq júıeni damytý boıynsha jumystardy tekserdi. «Arys – Túrkistan» kanalynyń rekonstrýksııasynyń jáne «Mashınnyı» kanaly qurylysynyń jospary qaraldy. Jobalardy iske asyrý sýaratyn sý tapshylyǵy máselesin tolyq sheship, aýyl sharýashylyǵy ónimderin óndirýdiń jyl saıynǵy kólemin arttyrýǵa múmkindik beredi. Indýstrııalyq aımaq aýmaǵyn keńeıtý jáne «TURKISTAN» AEA iske qosý jobalary tanystyryldy. Infraqurylymdy jolǵa qoıý jeke ınvestısııalar aǵymyn tartýǵa múmkindik beredi dep boljanǵan.
Qalanyń tarıhı-mádenı bóligin damytýǵa erekshe nazar aýdaryldy. Premer-Mınıstr Q. A. Iаssaýı mýzeıiniń, Týrıstik vızıt-ortalyqtyń, tarıhı sáýlet formasyndaǵy Shyǵys monshasynyń qurylysy júrip jatqan jerlerdi aralady. О́ńir ákimdigi «Áziret Sultan» mýzeı-qoryǵynyń aýmaǵyn abattandyrý jáne qalashyqtyń tarıhı nysandaryn restavrasııalaý jumystarynyń josparymen tanystyrdy.
Nysandardy aralaý qorytyndysy boıynsha Premer-Mınıstr Asqar Mamın Túrkistan qalasynyń 2019–2020 jyldarǵa arnalǵan keshendi qurylys jáne damytý josparyn iske asyrý máseleleri jóninde jumys keńesin ótkizdi.
Túrkistan oblysynyń ákimi О́. Shókeev qurylys, tarıhı- mádenı nysandardy rekonstrýksııalaý, turǵyn úı máselelerin sheshý, ınjenerlik-kommýnıkasııalyq ınfraqurylym júrgizý, joldardyń sapasyn arttyrý, týrızm, aýyl sharýashylyǵy salalaryn, arnaıy ekonomıkalyq aımaqty damytý qarqyndary týraly baıandady.
Osy jyldyń sońyna deıin Túrkistan qalasynyń ákimshilik-iskerlik ortalyǵynda 52 kóppáterli turǵyn úı paıdalanýǵa beriledi, bul — 2300-den astam páter, olardyń ishinde 1200 otbasy, sonyń ishinde 270 az qamtylǵan kóp balaly otbasy «Nurly jer» baǵdarlamasy boıynsha baspanamen qamtamasyz etiledi. Uzyndyǵy 82,5 shaqyrym bolatyn 69 kósheni jóndeý, uzyndyǵy 42,2 shaqyrymdyq 47 kósheni abattandyrý, sondaı-aq uzyndyǵy 12,8 shaqyrym bolatyn velosıped jolyn salý jumystary bastaldy. О́ńirdi gazdandyrý úshin 31,1 km magıstraldyq gaz qubyry salynady, 2020 jylǵa qaraı qalany tabıǵı gazǵa 100% qosý kózdelgen. Jalpy alǵanda, qurylys jumystaryna 400-den astam tehnıka jumyldyrylyp, 3500 adam jumysqa tartylǵan. Jazǵy kezeńde qosymsha 2500 adamdy jumyspen qamtý josparda bar.
Túrkistan qalasynyń aýmaǵyndaǵy jekelegen nysandardyń álemdik mańyzyn eskere otyryp, keńeske halyqaralyq sarapshylar tobynyń músheleri: Dúnıejúzilik mura obektilerin saqtaýdyń jaı-kúıin baǵalaý boıynsha Eskertkishter men obektiler jónindegi halyqaralyq keńestiń (ICOMOS) aǵa sarapshysy, professor Mıhael Iаnsen (Germanııa), CIPA mura qujattary jónindegi ǵylymı komıtetiniń ICOMOS sarapshysy, doktor Ona Vıleıkıs Tamaıo (Kanada) qatysty. QR mádenıet jáne sport mınıstri A. Muhamedıuly sarapshylarmen birlesip, Q. A. Iаssaýı eskertkishiniń jaǵdaıy, bekinis qabyrǵasyn qaıta qalpyna keltirý jáne restavrasııalaý jumystarynyń Keseneniń kórneki qabyldanýyna áseri zerdelenip jatqanyn málimdedi.
Indýstrııa jáne ınfraqurylymdyq damý birinshi vıse-mınıstri Q. О́skenbaev, energetıka vıse-mınıstri M. Myrzaǵalıev Túrkistan qalasynyń kólik, ınjenerlik-kommýnıkasııalyq ınfraqurylym, energııamen, gazben jáne jylýmen qamtý jelilerin damytý týraly baıandady. Túrkistan qalasyndaǵy nysandardy júzege asyrýǵa jaýapty Aqtóbe, Pavlodar, Batys Qazaqstan, Soltústik Qazaqstan oblystarynyń jáne Nur-Sultan, Almaty qalalary ákimderiniń orynbasarlarynyń esepteri tyńdaldy.«Kúsheıtilgen jumys tártibine kóshemiz», — dep Úkimet basshysy, «eki apta ishinde qurylys jumystaryn táýlik boıǵy rejımge kóshirýdi» tapsyrdy.
Nysandardy ýaqytyly paıdalanýǵa berý óńirdiń áleýmettik-ekonomıkalyq damýyn qamtamasyz etýge, qalanyń túrki dúnıesiniń asa damyǵan mádenı-rýhanı jáne týrıstik ortalyǵy retinde qalyptasýyna jol ashady.
