Bilim berý jobasy óńirdiń áleýmettik ózekti máselelerin sheshýge baǵyttalǵan áleýmettik jobalardy júzege asyrýǵa, bıznes negizderin úırenýge, jeke bıznes ashyp, kásipkerlik daǵdylaryn damytýǵa jáne ınnovasııalyq ıdeıalardy iske asyrýǵa talpynǵan bolashaq kásipkerlerge praktıkalyq túrde kómek kórsetip, keńes berýdi maqsat etti.
Semınar barysynda qatysýshylar áleýmettik kásipkerliktiń negizi jáne qoǵamnyń osal toptaryn jumyspen qamtý jaıynda teorııalyq jáne praktıkalyq bilim aldy.
Semınar barysynda bolashaq áleýmettik kásipkerler
Qazaqstandaǵy áleýmettik kásipkerlikti qoldaıtyn Nur-Sultan jáne Qaraǵandy
qalalarynyń tájirıbeli áleýmettik kásipkerlerimen jáne uıymdarymen birge
plenarlyq tusaýkeserge, pikirtalastarǵa jáne netvorkıngke qatysty.
Semınar qatysýshylary ártúrli jastaǵy jáne áleýmettik toptaǵy qyryqqa jýyq
tyńdarman boldy. Irikteý onlaın-saýalnama arqyly júrgizildi. Irikteý barysynda
qatysýshylardyń qoǵamnyń ózekti máselelerin sheshý úshin áleýmettik joba qurý
múddesi negizge alyndy.
«Green TAL» áleýmettik sheberhanasynyń negizin qalaýshy jáne ST ÁKM treneri Emın Áskerov qatysýshylardyń ózderiniń áleýmettik jobalaryn bastaý úshin qajetti bilim alǵanyn atap ótti.
– Semınar barysynda olar kásipkerliktiń teorııalyq jáne praktıkalyq negizderin ótti, bıznes-josparlaý men óndiristik sheberhanalardy ashý boıynsha daıyndyqtan ótti. Bul joba azamattar úshin ıdeıalaryn biriktirýge jáne damytýǵa múmkindik berdi, – dedi E.Áskerov.
Úsh kúndik semınarda áleýmettik kásipkerlik salasyndaǵy mashyqtary men bilimderin jetildirgen bolashaq kásipkerler ózderiniń jeke áleýmettik uıymdaryn ashýǵa jáne olardy damytýǵa daıyn ekendikterin kórsetti.
Semınar qorytyndysy boıynsha qatysýshylarǵa arnaıy sertıfıkattar tapsyryldy.
Qaraǵandy oblysy
