«Aýdanda múddeli adamdar bir birin qalqalaıdy, kinásin jaýyp otyrady. О́rtke kinálilerdi anyqtap, jazasyn berse, olar ekinshide qaıtalamas edi. Jumys júrmeıdi! Naýyrzym qoryǵy elimizdiń betke ustar tabıǵat baılyǵynyń biri. Jylda osylaı órtene berse, odan ne qalady?», dedi Arhımed Begejanuly.
Sonymen qatar baıandamasynda Naýyrzym qoryǵyndaǵy órt týraly bir aýyz sóz aıtpaǵan Oblystyq tótenshe jaǵdaılar departamentiniń bastyǵy Talǵan Kákimovty de synǵa aldy.
О́ńir basshysy jergilikti jerde órttiń aldyn alý, profılaktıkalyq, túsindirý jumystary júrý kerektigin aıtty. О́rtke kinálilerden ákimshilik jaýapkershilikke tartý da nashar, olarǵa salynǵan aıyppul da mardymsyz.
«4 gektar orman alqaby órtengen, sol úshin 19 adamdy ákimshilik jaýapkershilikke tartqanda 312 myń aıyppul salǵan. 4 gektar aǵashty jer, tutas toǵaı emes pe? 4 gektar úlken alqap, osynsha orman janǵanda 312 myń aıyppul degen nemene?», dedi Arhımed Begejanuly.
Keńeıtilgen májiliste oblys ákimi aýdandar ákimderine jáne tıisti oryndar basshylaryna orman alqabynyń órtten aman saqtaý jumystaryn qatań tapsyrdy.
