Qoǵam • 29 Sáýir, 2019

Jeńildetilgen turǵyn úı baǵdarlamasy iske qosyldy

831 retkórsetildi

Premer-Mınıstrdiń orynbasary Gúlshara Ábdiqalyqovanyń basshylyǵymen Elbasynyń «Áleýmettik qamqorlyq» jańa áleýmettik bastamalarynyń negizgi baǵyttaryn túsindirý jónindegi úkimettik delegasııa 25 sáýirde Almatyǵa kelgen bolatyn.

Jumys tobynyń quramynda Eńbek jáne halyqty áleýmettik qorǵaý mınıstri B.Saparbaev, Bilim jáne ǵylym mınıstri K.Shámshıdınova, Densaýlyq saqtaý mınıstri E. Birtanov, Qury­lys jáne turǵyn úı-kom­­mýnaldyq sharýashylyq is­teri komıtetiniń tóraǵasy M.Jaıymbetov bar.

Delegasııa aldymen №2­ qa­­lalyq balalar klını­ka­lyq aýrýhanasynyń janyn­daǵy konsýltasııalyq-dıag­nos­­tıkalyq pedıatrııa ortaly­ǵyna bardy. Onda delegasııaǵa qabyldaý bólimi men hırýrgııa kesheniniń jumysy tanystyryldy. Ony bıznestiń áleýmettik jaýapkershiligi aıasynda Ásel Tasmaǵambetova basshylyq etetin «Sábı» qaıyrymdylyq qory qurǵan. Jobanyń jalpy quny – 2,5 mlrd teńge.

Qazaq onkologııa jáne radıologııa ǵylymı-zertteý ınstıtýtynda G.Ábdiqalyqova molekýlalyq-genetıkalyq zertteýler ortalyǵynyń jumy­symen tanysty. Medısı­nalyqmekeme zamanaýı jabdyqpen: kompıýterlik jáne magnıtti-rezonanstyq tomograftarmen, saraptamalyq klastaǵy ra­dıo­­grafıkalyq rentgen jáne ýltradybystyq júıeler­men, EKG-apparattarmen jabdyq­talǵan. Barlyq proses sıfrly formatta júzege asyrylady.

Sodan keıin Premer-Mı­nıstr­diń orynbasary «MEIIRIM» múmkindigi shekteýli balalar men jasóspirimderge arnalǵan ońaltý ortalyǵynda boldy. Ortalyqta 3-15 jas aralyǵyndaǵy múmkin­digi shekteýli balalar men jas­óspirimderdiń jan-jaqty damýy, áleýmettenýi men oqýy úshin bar­lyq qajetti jaǵdaı jasalǵan. Ortalyq ashylǵan kezden bastap (2018 jyldyń qarashasy) 200-ge jýyq bala ońaltý men áleý­met­tendirý sharalarynan ótti. 

Kelesi is-shara 2018 jyldyń maýsym aıynan beri jumys istep kele jatqan Belsendi uzaq ómir súrý ortalyǵynda ótti. Onda medı­sınalyq kabınet, ıoga zaly, kom­pıýterlik saýattylyqqa oqy­tý, qazaq jáne aǵylshyn til­derin úıretý kabınetteri, son­­daı-aq, eńbek terapııasyna arnalǵan kabınet bar. Osy ýaqyt aralyǵynda 900-ge jýyq zeınetker basseınder men fıtneske tegin baryp, 300-den astam qart adam «Suńqar» tálimbaǵyna, bıik taýdaǵy «Medeý» sport keshe­nine, Ortalyq memlekettik mýzeıge jáne t.b. jerlerge tegin eks­kýrsııa jasady.

Sondaı-aq Premer-Mınıstr­diń orynbasary men Eńbek jáne halyqty áleýmettik qorǵaý mı­nıstri Halyqty jumyspen qamtý or­talyǵynyń qyzmetine tekserý júrgizdi. Jyl basynan beri 3,4 myń adam jumysqa or­nalastyryldy, onyń 254-i az qam­tylǵan, kóp balaly otbasy­lardan shyqqandar. 717 adam áleýmettik jumys oryndarymen qamtamasyz etildi. 2,5 myń adam qoǵamdyq jumystarǵa tartyldy.

Sonymen birge G.Ábdiqa­lyqova azamattardy qabyldady. Atap aıtqanda, 4 balany tárbıe­lep otyrǵan kóp balaly ana Jan­na Toqtasynova jubaıyn ju­mysqa ornalastyrý jóninde ótinish bildirip kelgen bolatyn. Ataýly áleýmettik kómekti alý­ úshin jubaıy jumyspen qam­tylýy tıis. Máseleni sheshýge – Vıse-premer qala basshylyǵyna naq­ty tapsyrma berdi.
Birinshi jumys kúniniń so­ńynda Premer-Mınıstrdiń oryn­­basary «SmArt Point» kovorkıng ortalyǵynyń ala­ńyn­da jastarmen kezdesti. Kez­desýde Eńbek jáne halyqty áleý­mettik qorǵaý, Aqparat jáne qoǵamdyq damý, Bilim jáne ǵylym, Densaýlyq saqtaý mı­nıstr­­leri, Almaty qala­synyń áki­mi, qurylys jáne turǵyn úı-kommýnaldyq sharýashy­lyq isteri, sport jáne deneshynyq­tyrý komıtetteriniń tóraǵalary sóz sóıledi.

Kezdesýde «Inno Track» JShS-nyń bas dırektory Dar­han Qyzaıbaevtyń sózine erekshe nazar aýdaryldy. Onyń kásip­orny «Vollert» nemis tehnologııasy boıynsha temir-betondy shpaldar shyǵarady. Zaýyttyń jyldyq qýattylyǵy – 500 myń shpal, 100 adam jumys isteı­di. Ol talapty jastar úshin «múm­kindikter esigin» ashatyn zamanaýı ındýstrııalyq saıasat úshin memleketke alǵysyn bildirdi.

Sondaı-aq «Youth Art» jas sýretshiler uıymynyń basshysy Krıstına Bekmýrzaevanyń quttyqtaý sózi qyzyǵýshylyqpen tyńdaldy. Olar «Adamdarǵa arnalǵan qala» tujyrymdamasyn iske asyrýǵa belsene qatysyp, 10 joǵary deńgeıdegi shaǵyn sáýlettik pishindi ornatty.

Kezdesý qorytyndysy bo­ıyn­sha G.Ábdiqalyqova memle­kettik organdardyń basshylaryna birqatar naqty tapsyrma berdi.
Al erteńine Premer-Mı­nıstrdiń orynbasary G.Ábdiqa­lyqova, Eńbek jáne halyqty áleýmettik qorǵaý mınıstri B.Saparbaev, qala ákimi B.Baı­bek «Baqytty otbasy» jáne «Belsendi uzaq ómir» jol karta­larynyń iske asyrylýy jóninde keńes ótkizdi. 

Búginde qalada kóp balaly analar men qart adamdardy qol­daýǵa baǵyttalǵan «Baqytty otbasy» jáne «Belsendi uzaq ómir» jol kartalary iske asyrylýda. Bul baǵdarlamada 13 shara qarastyrylǵan. «Bir tereze» qaǵıdaty boıynsha qu­rylǵan «Baqytty otbasy» orta­lyǵynda zańgerler, psıhologtar, jattyqty­rýshylar jáne t.b. ju­mys isteıtin bolady. «Baqytty otbasy» qaıyrymdylyq qorynda mesenattar men jurtshylyqtyń kómegimen 131 mln teńgeden astam qarajat jınaldy. 1 myńnan astam otbasyna materıaldyq kómek kórsetildi. 

Almaty elimizde alǵashqylar­dyń biri bolyp «Baqytty ot­basy» jeńildetilgen turǵyn úı baǵdarlamasyn iske qosty. Mamyr aıynda 30 otbasyn bas­panamen qamtamasyz etý jos­parlanyp otyr. Qazirgi ýa­qytta áleýmettik tólemderdiń mól­sheri ósti. Atap aıtqanda, ómir­diń qıyn jaǵdaıyna tap bolǵan azamattarǵa beriletin bir jolǵy áleýmettik kómek 10 aılyq eseptik kórsetkishten (25 250 teńge) 20 aılyq eseptik kór­setkishke deıin (50 500 teńge) kóbeıdi. Bul kómekpen 10 myńnan astam otbasy qamtylady. 

Sodan keıin G. Ábdiqalyqova jáne B.Saparbaev aýdandar­dyń ákimderimen, iri kásiporyn­dardyń, bıznes-qurylymdar men kásipodaq uıymdarynyń basshylarymen kezdesý ótki­zip, áleýmettik áriptestik másele­lerin talqylady. 

2015 jyldan bastap bıznestiń áleýmettik jaýapkershiligi aıasynda 25,7 mlrd teńgege 40-tan astam joba iske asyrylyp kele­di. Búginde  21,6 mlrd teńge so­masyna 32 joba iske asyryldy. 7 balabaqsha, 1 emhana, feld­sherlik-akýsherlik pýnkt jáne t.b. salyndy. 

Kóp balaly analarmen kezdesý barysynda vıse-premer memleket azamattardyń az qam­tylǵan sanatyna áleýmettik qoldaý kórsetýge baǵyttalǵan sharalar­ qabyldap jatqanyn atap ót­ti. 1 sáýirden bastap ataý­ly áleý­mettik kómek kórsetý krıterııleri eń tómengi kúnkóris deńgeıiniń 70%-na deıin artyp, 20789 teńgeni qurady, mamyr aıynan bastap jalǵa beriletin turǵyn úı bóline bastaıdy, al 1 maýsymnan bastap bıýdjet salasynyń jalaqysy tómen qyz­­­metkerleriniń eńbekaqysy kó­beıedi. Bilim berý jáne den­saý­lyq saqtaý júıesindegi qyz­met­terdiń sapasyn arttyrý bo­ıynsha sharalar qabyldanatyn bolady. Sondaı-aq jumys toby­nyń músheleri jańa áleý­mettik saıasat aıasynda iske asyrylyp jatqan jańalyqtar týraly aqpa­rat ber­di.

S.D.Asfendııarov atyndaǵy Ulttyq medısına ýnıver­sıte­tiniń jataqhanasyn aralaý barysynda Premer-Mınıstrdiń orynbasary «Elbasynyń bes áleý­mettik bastamasyn» iske asyrý aıasyndaǵy  tapsyrmanyń oryndalý barysymen tanysty.

G.Ábdiqalyqova jumys sapa­rynyń sońynda joǵary oqý oryndarynyń rektorlarymen kezdesti. Kezdesýde stýdent jas­tardyń ómir súrý jaǵdaıyn jaq­sartý jónindegi úshinshi bas­tamanyń iske asyrylýy týraly aqparat tyńdaldy, joǵary bilim berýdegi ózekti máseleler talqylandy.

Joǵaryda atalǵan bastamany oryndaý úshin qalada stýdentter jataqhanalaryn salý jumysy jalǵasýda. 39 joǵary oqý orny jumys isteıdi, onda 149 myń adam bilim alady, onyń 92 myńnan astamy basqa qalalardan kelgen stýdentter. Barlyǵy 95 jataqhanada 30 myń (33%) stýdent turady. 

2018 jyly joǵary oqý oryn­­­­darynyń qarajaty esebinen 1200 orynǵa arnalǵan 3 jataqhana paı­dalanýǵa berildi. Bıyl da jeke  qarajat esebinen 2 340 oryn­ǵa arnalǵan 5 jataqhanany aıaq­taý josparlanýda. 

Kezdesýdiń qorytyndysy boıynsha Premer-Mınıstrdiń orynbasary G.Ábdiqalyqova jataqhanalardy ýaqtyly já­ne sapaly paıdalanýǵa be­rý­­di qamtamasyz etý, stýdent­terge qolaıly jaǵdaı jasaý úshin qa­jetti sharalar qabyl­daý jóninde joǵary oqý oryn­da­rynyń rektorlaryna, mem­lekettik organdardyń basshylaryna birqatar naqty tapsyrma berdi. 


ALMATY
Sońǵy jańalyqtar

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar