T. Júrgenov atyndaǵy Akademııanyń izashary — Almaty Memlekettik teatr-kórkemóner ınstıtýty 1977 jyly qurylǵan. Onyń alǵashqy stýdentteri Qurmanǵazy atyndaǵy konservatorııanyń teatr fakýltetine 1975 jyly túsken túlekter edi. Akademııany osydan 40 jyl buryn tamamdaǵan alǵashqy qarlyǵashtar búginde qazaq ónerine eleýli eńbek sińirip júrgen maıtalmandar.
Olardyń qatarynda elimizge tanymal teatr jáne kıno salasynyń has sheberleri bar. Atap aıtqanda, kezinde Kókshetaý teatrynyń negizin qalaǵan, búginde sol teatrdyń dırektory Murat Ospanov, Nur-Sultan qalasyndaǵy Q. Qoıshybaev teatryn qurýshy Bolat Ibraev, M. Áýezov drama teatrynyń artısi Gúlnár Eralıeva, kezinde Atyraý oblystyq teatrynyń dırektory qyzmetin atqarǵan Tólegen Jangeldıev, búginde Júrgenov Akademııasynda qyzmet etip júrgen Aman Qulbaev, Gúlnár Amanjanova, Maıra Smaǵulova, Fatıgúl Ázimbaeva, Jambyl teatrynyń ónerpazy Gúlshat Qypshaqova, «Tamasha» teatrynyń irgesin qalaýshylardyń biri aqtóbelik Bahyt Aıtova, semeılikter Berik Qasymov, Saltanat Ázimbaeva, qyzylordalyq Jorabek Dosaev, sondaı-aq Rahılıa Mashýrova men Hadısha Bókeevanyń kýrsyn bitirgen uıǵyr bólimi túlekteri Rýslan Gaıtov, Alıanýr Iаkýpov, Mýqadas Qasymov, Malıka Imırova, Gýlzara Iаhıarova jáne t.b. bar.
«Kezdesýdiń negizgi maqsaty — urpaqtar sabaqtastyǵyn jalǵaý. Iаǵnı, aǵa býyn men jas býynnyń arasynda teatr óneriniń keshegisi men búgini, jalpy teatr jóninde áńgime órbip, stýdent jastar elimizdiń túkpir-túkpirinen jınalatyn óner sańlaqtarymen júzdesedi», deıdi oqý ordasynyń ujymy.
