Jylan jyly nemese 1905, 1917, 1929, 1941, 1953, 1989…
Seısenbi, 1 qańtar 2013 7:50
Adamnyń aıtqany bola ma álde Allanyń degeni bola ma?! Qudaıǵa shúkir, aqyrzaman bolmady, zamanaqyr kelgen joq. Mine, Jylan jyly da sýsyp kirip keldi. Al juldyznamashylar ne deıdi?
Astrologııalyq boljamdardyń túri kóp, biraq, olardyń ishinde úsh myń jyldan astam tarıhy bar Shyǵys kúntizbesi eń dál sanalatyndyqtan,solardyń sáýegeıligine súıenip kóreıik.
Seısenbi, 1 qańtar 2013 7:50
Adamnyń aıtqany bola ma álde Allanyń degeni bola ma?! Qudaıǵa shúkir, aqyrzaman bolmady, zamanaqyr kelgen joq. Mine, Jylan jyly da sýsyp kirip keldi. Al juldyznamashylar ne deıdi?
Astrologııalyq boljamdardyń túri kóp, biraq, olardyń ishinde úsh myń jyldan astam tarıhy bar Shyǵys kúntizbesi eń dál sanalatyndyqtan,solardyń sáýegeıligine súıenip kóreıik.
Áý degennen, árqaısysy sóıleıtin joǵarydaǵy jyldardy tizbektep jurtty shoshytýdan aýlaqpyz. Jylannyń da jylany bar. Esikten engen jyl Qara Sý Jylany ekenin eskersek, onda Sý Jylany jylynda ekinshi Dúnıejúzilik soǵystyń núktesi qoıyldy emes pe?! Al álemdi Sýdan bólek bılep turǵan taǵy tórt stıhııa – Jer, Ot, Aýa, Metall bar.
Sonaý 1905 jáne 1917 jyldardaǵy tóńkerister, 1929 jylǵy álemdik ekonomıkalyq daǵdarys, 1941 jyly Uly Otan soǵysynyń bastalýy, 1989 jyly KSRO kúıreýi, Eýropada Berlın qabyrǵasynyń qulaýy nemese sol jylǵy Qytaıdaǵy qandy oqıǵa, bolmasa 2011 jylǵy AQSh-ta egiz úılerdiń qulaýy temir, ıakı otty jylandardyń enshisinde.
Al munyń aldyndaǵy Sý jylany 1953 jylǵa dáp kelip, talaı jaqsylyqtardyń bastaýy bolǵan. Sý Jylany, ásirese, óner, shyǵarmashylyq adamdary úshin óte qolaıly sanalady. Mysaly, sol 1953 jyly Djeıms Bond, Merılın Monro sııaqty mega-juldyzdardyń dáýiri júrgenin aıtpaǵannyń ózinde, bul túrli-tústi teledıdar paıda bolǵan, alǵashqy Oskar syılyǵy berilgen, «Pleıboı» jýrnalynyń birinshi nómiri jaryq kórgen jyl.
Qazirgi zamanǵy fen-shýı iliminiń bilgiriniń biri, irgeli zertteýler júrgizip, astrologııalyq boljamdar jasaıtyn Reımond Lonyń leksııalary da nazar aýdarýǵa turarlyq.
Ol Qytaı kúntizbesi jaratylysymyzdaǵy bes elementtiń bir birimen ózara áreketine qurylatyndyǵyn aıta otyryp, 2013 jyl – ot pen sýdyń egesinen turatyndyǵyn naqty túsindiredi.
Reımond Lo myrzanyń zertteýlerin qysqasha dáıektegende bylaı, jańa bastalǵan jyl ekonomıka salasyna qaıta serpin bermek, О́ıtkeni, 2008 jylǵy daǵdarystan keıin Ot stıhııasy –Jylan birinshi ret oralyp tur.
Alaıda, ol Sý Jylany ekendigin, al ot pen sý shıeleniste bolatyndyǵyn esten shyǵarmaǵanymyz jón. Demek, jyly aýa aǵysy saldarynan bolǵan 1953 jylǵy Ońtústik Shyǵys Azııadaǵy myń adam ómirin qıyp ketken alapat quıyndy, osy jyly mamyr aıynda bolǵan Meksıkadaǵy jáne maýsym aıyndaǵy Mıchıgandaǵy tornadony eske alýǵa týra keledi.
Juldyznamashylardyń arasynda ot pen sý úılespeıtin jup bolǵandyqtan, 2013 jyl mazasyzdaý tabıǵı qaýip-qaterli bolýy múmkin deýshiler de bar. Olar saıahatqa shyqqanda, jol júrgende, ásirese, áýede jáne sý kólikterinde barynsha abaı bolýǵa shaqyrady. Ot pen sýdyń teketiresi sý tasqynyn, boran, quıyn, jer silkinisin týdyryp otyrýy tipti ǵajap emes.
Degenmen, joǵaryda atap ótkendeı 2008 jylǵy daǵdarystan keıin oralyp turǵan Ot stıhııasy ekonomıkanyń jandanýyna septespek. Sondyqtan da ekonomıkalyq órleýler endi bastalady. Eki jyl qataryna turatyn bul stıhııanyń qýatyn qulshynyp eńbek etkender jáne óz kúshine súıengender sózsiz sezinedi deıdi sáýegeıler. Qalaı desek te, Sý Otqa ústemdik quratyndyqtan, sýdaǵy ındýstrııa jaqsy qarqyn alatyny aıtylady. Oǵan qosa toqyma, qorshaǵan ortany qorǵaý, mass-medıa salasy ózin jaqsy sezinetin kórinedi. Elektronıka, aqparattyq tehnologııalar salasy sony jańalyqtary úshin súıinshi surap jatsa tańdanýǵa bolmaıtyn sııaqty.
Shyǵys joramaly boıynsha Jylan – danyshpandyqtyń, erik-jiger, kóregendiktiń nyshany. Túbegeıli reformalarǵa arnalǵan, kez kelgen máseleni beıbit jolmen sheshýge arnalǵan Jańa jylda saıası kósemdik pen kóshbasshylar burynǵydan da kóbirek kerektigi baıqalmaq.
Al Shyǵys kúntizbesi boıynsha Qara Sý Jylany 2013 jyldyń 10 aqpanynda kiredi de, 2014 jyldyń 31 qańtaryna deıin turady. Juldyzjoramalshylar osy aralyqta qıylǵan nekelerdiń ǵumyryn uzaq bolatyndyǵyn alǵa tarta otyryp, sezim máselesinde barynsha salmaqty bolýǵa, aıtylǵan sózdi, berilgen ýádeniń bárin bezbenge salyp, ushqary qadamdardan aýlaq bolýǵa shaqyrady.
Mansap máselesi mazalaıtyndarǵa kelsek, bıyl ǵylymmen aınalysatyndar men zertteýshiler úshin sátti jyl bolmaq. Sol sııaqty, artıster, jazýshylar, mýzykanttar men sýretshiler, tipti, osy salalardyń esigin endi ashqandar da aılary ońynan týyp turǵanyn sezinetin kórinedi.
Biraq, jylan tabysqa jetý jolynda belden basýdy tipti jaqtyrmaıtyn bolǵandyqtan, adamnyń basty qarýy jumsaq dıplomatııa, kóregendik pen azdaǵan aqyl-aıla bolýy qajet. Qysqasy, ıreleńdegen jylan jylynda kez kelgen jaǵdaıǵa ıkemdelgish jandardyń joly bolmaq.
Juzdyznamashylar saıasatta, áleýmettik máselelerdi sheshýde bolsyn bılik basyndaǵylarǵa ıkemdi bolyp, til tabysýshylyqqa beıim bolýǵa keńes beredi.
Aqshany ońdy-soldy jelge shaýdy jaqtyrmaıtyn, nesıe men qaryzdan aýlaq júretin «Jylan» mańdaıtermen kelgen tabysty ǵana eselemek.
Taǵy bir goroskop 2013 jyldyń jazy – aptap, qysy – aıazdy bolatyndyǵyn dáıektepti. Astrologtardyń kelesi toby bıyl júrek-qan tamyrlary, búırek aýrýlarynan abaı bolýǵa jáne kóz aýrýlarynan barynsha saq bolýǵa shaqyrady.
Eń bastysy mazasyz jylda barynsha sabyrly, jeti ret «ólshep» baryp, bir ret qana «kesetin» parasattan aıyrylmaǵan lázim.
Daıyndaǵan
Aınash ESALI,
«Egemen Qazaqstan».
ALMATY.
