«Bogema» – syrǵa toly drama oryn alatyn lırıkalyq opera. О́tken aptada elorda tórin ónerdiń ǵajaıyp meıramyna aınaldyrǵan aıtýly shyǵarma operanyń altyn qoryna «Madam Batterflıaı», «Týrandot» syndy teńdessiz týyndylar salǵan ıtalııalyq kompozıtordyń kezekti klassıkasy. Mýzykatanýshylardyń sózinshe, «Bogemanyń» mýzykasy sazdy ári eliktiretin áýenge qanyq. Orkestrlik partııalardyń áserli san alýandyǵy, ekpindi qarqyny án salý mánerliligin aıqyndaı túsedi eken. Sondyqtan bolsa kerek, kezekti premeraǵa «Astana Operanyń» eń úzdik solısteri iriktelip alyndy. Qos quramda óner kórsetken ártister sahnada kásibıliktiń úzdik úlgisin pash etti. Mımı partııasy – Marııa Mýdrıak pen Maıra Muhamedqyzynyń saraptaýynda sahnaǵa shyqsa, Rýdolf – Medet Shotabaev, Jan Tapın, Marsel – Súndet Baıǵojın, Talǵat Musabaev, Kollen – Taıyr Tájiǵulov, Bolat Esimhanov, Shonar – Andreı Borısenko, Erjan Saıpov, Mıýzetta – Saltanat Ahmetova, Alfııa Karımova, Alsındor – Armın Babaıan, Taıyr Tájiǵulov, Benýa – Talǵat Ǵaleev, Maǵjan Amanjolov, Parpınol – Beıimbet Tańaryqov, Ramzat Balakıshıev, Serjant – Samat Jarylqasynov, Baqtııar Omarovtyń oryndaýynda kórermenin qýantty.
– Jaqynda ǵana ózim bas partııalardyń birin somdaǵan Dj.Rossınıdiń «Jibek saty» operasy premerasynyń ótýine baılanysty, «Bogemany» óte qysqa merzimde sińirip, saraptaýǵa týra keldi. «Jibek saty» men «Bogema» tusaýkeserleriniń arasy 10 kúnnen sál asady eken. Soǵan qaramastan, qarqyndy jumys istedik. Qıyn bolsa da, maǵan bul prosess óte qatty unady. Ásirese klassıkanyń ánshiniń kemeldenip, kásibı shyńdalýyna berer paıdasy mol. Osy turǵydan kelgende, Italııadan arnaıy shaqyrylǵan rejısser Andrea Bernard myrzamen jumys isteý biz úshin úlken mektep boldy desek, artyq aıtqandyq emes. Ol ártisterden neni talap etýdi biletin jaqsy rejısser, bilikti maman», – dep Marsel partııasynda jarqyraı kóringen Súndet Baıǵojın premeraldy daıyndyq jumystarymen jan-jaqty tanystyryp ótse, operadaǵy basty partııa Mımı rólin óziniń baı shyǵarmashylyq tájirıbesinde alǵash ret sahna tórine shyǵarǵan Qazaqstannyń eńbek sińirgen qaıratkeri Maıra Muhamedqyzy óz áserin bylaısha jetkizdi:
– Operada berilgen Parıjdiń atmosferasy meniń janyma óte jaqyn, sebebi bul keremet shaharda ómirimniń 7 jylyn ótkerdim. Dámhana, temir jol beketi men fabrıka – munyń barlyǵy meni Fransııanyń qaq ortasynda júrgendeı ǵajaıyp sezimge bóledi. Bir qyzyǵy, Parıj opera teatrynda Mıýzetta partııasyn birneshe márte oryndadym, biraq únemi Mımı bolyp sahnaǵa shyqqym keletin. Joǵary sopranoda daýystardyń jyl saıyn tómendeı túsetin ereksheligi bar, sondyqtan ol kezde bul partııa meniń daýysyma saı kelmedi. Araǵa birneshe jyl salyp, aqyry mine daýysym da daıyn boldy. Mımı buǵan deıin sahna kórgen qoıylymdarda álsiz, naýqas qyz retinde kórsetiletin. Biraq bizdiń oryndaýymyzda burynǵylardan ózgerek bolmaq. Ol óziniń jastyq jalyn, jigerimen erekshelenedi. Tipti dúnıeden ozar sátinde de sol ómir súıgishtiginen aınymaıdy. Mımı kóz jumar aldynda jigit oǵan: – Sen atqan tańdaı ajarlysyń, – deıdi. Sonda boıjetken: – Joq, batqan kúndeı, – dep jaýap beredi. Operadaǵy dál osy sózder meniń janymdy erekshe tebirentti. О́mir qysqa, bárimiz de o dúnıege attanamyz, alaıda jer betinde ǵasyr ǵumyr keship te naǵyz mahabbattyń ne ekenin uǵyna almaı ótken adam qanshama?! «Bogema» arqyly tyńdarmanymyzǵa ómirdiń osy bir pálsapasyn uǵyndyrǵymyz keldi, deıdi ánshi.
Qazaq-ıtalıan talanttarynyń tamasha shyǵarmashylyq tandeminen týǵan qoıylym shyn máninde kórermeniniń kóńil túkpirinen oryn alǵany sózsiz. Qoıýshy dırıjer – Djýzeppe Akýavıva, qoıýshy rejısser – Andrea Bernard, ssenograf – Esıo Frıdjerıo, kostıýmder boıynsha sýretshi «Oskar» syılyǵynyń ıegeri – Franka Skýarchapıno, bas hormeıster – Qazaqstannyń eńbek sińirgen qaıratkeri Erjan Dáýitov bastaǵan óz isiniń sheberleri jahan halqy jaqsy biletin operany jańashyl baǵytta baptap, qoıylymǵa buǵan deıingi saraptaýlarǵa múldem uqsamaıtyn ózgeshe sahnalyq ǵumyr syılady. Álemdi ádemi áýenimen áldılegen Dj.Pýchchını murasy osylaısha bas shahar kórermenderiniń ortasyna kóktemniń shýaqty kúnimen birge qaıtyp oralyp, mahabbat pen meıirimge shólirkegen júrekterge qaıtalanbas jylylyq nuryn syılady.
