- Jer jánnaty Jetisý óńiri tarıhı tulǵalar mekeni. Qabanbaı, Qarasaı, Raıymbek batyr bastaǵan el qorǵaǵan erler men Ilııastaı aqyn týǵan mekenge elmen etene aralasyp, turǵyndardyń pikirin estýge keldim, - dedi Qasym-Jomart Toqaev kezdesýde.
Memleket basshysy aldynda oblystyq ardagerler keńesiniń tóraǵasy Ermek Kelemseıit, aımaqtaǵy isker áıelder qaýymdastyǵynyń tóraıymy Rımma Salyqova, jeke kásipker, «Mádına» tigin sehynyń ıesi Aıman Bıǵalıeva jáne basqalar sóz alyp, óńirde atqarylyp jatqan ister jaıynda áńgimeledi.
El damýyna erekshe úles qosyp otyrǵan Jetisý ólkesinde eńbek kórigi qyzyp tur. Jyl basynan beri aımaqtaǵy ónerkásip óndirisiniń naqty kórsetkishi 103,7 prosentti qurap, 185,6 mlrd teńgeniń ónimi óndirilgen. Onyń ishinde taý-ken óndirisi 72,5 prosentke, jeńil ónerkásip 19,1 prosentke kóbeıgen.
Prezıdent Almaty oblysyna sapary aıasynda Taldyqorǵan qalasyndaǵy áleýmettik, demalys nysandaryn aralap, Qaratal aýdanyndaǵy «Ashyq ákimdik» jobasymen tanysty.
