Úkimet basshysy úlkender, balalar jáne ońaltý bólimin, ambýlatorlyq hırýrgııa, qalpyna keltirip emdeý jáne medısınalyq ońaltý ortalyqtaryn tekserdi, onda pılottyq rejımde densaýlyq saqtaý salasyndaǵy sońǵy sıfrlyq sheshimder engizilgen. Bul pasıentterdiń aǵymyn retteý jáne shuǵyl medısınalyq kómekti birinshi kezekte kórsetý, dári-dármekpen qamtamasyz etýdiń kiriktirilgen aqparattyq júıesi, qaǵazsyz medısınalyq qujattar, onyń ishinde elektrondy densaýlyq pasporttary boıynsha Triage-júıesi. Turǵyndarmen keri baılanys ornatý úshin dárigerlerdiń jumys sapasyn baǵalaıtyn mobıldi qosymsha iske qosylǵan. Emhananyń bas dárigeri G. Alpysbekova aıtqandaı, sıfrlandyrýdy engizý nátıjesinde kezekke turý 60%-ǵa azaıdy.
Emhanany kórip bitken soń Premer-Mınıstr A. Mamınge alǵashqy medısınalyq-sanıtarlyq kómek kórsetetin medısınalyq uıymdar jelisin qurý jobasy tanystyryldy. Jalpy, shetkeri aımaqtardaǵy turǵyndar úshin medısınalyq kómektiń jyldam qoljetimdiligin qamtamasyz etý maqsatynda bıyl Nur-Sultan qalasynda 11 qosymsha medısınalyq uıym ashý kózdelgen.
О́z kezeginde, Densaýlyq saqtaý mınıstri E. Birtanov Elbasynyń «Áleýmettik qamqorlyq» áleýmettik sharalaryn iske asyrý aıasynda bıylǵy 1 maýsymnan bastap ýchaskelik dárigerlerdiń jalaqysy 224 myń teńgege deıin, ortasha medısınalyq personaldyń jalaqysy 163 myń teńgege deıin ulǵaıatynyn jetkizdi.
