Onyń aıtýy boıynsha, ústimizdegi jyldyń 28 sáýirinde Ortalyq saılaý komıssııasyna «Halyq demografııasy» qoǵamdyq birlestigi Jumataı Álıevti Qazaqstan Respýblıkasynyń Prezıdenttigine kandıdat retinde usyný týraly qujattar tapsyrǵan. Saılaý týraly Konstıtýsııalyq zańnyń 54-babynyń 2-tarmaǵyna jáne 55-babyna sáıkes tıisti, ıaǵnı ony Qazaqstan Respýblıkasynyń Prezıdenttigine kandıdat retinde usyný týraly «Halyq demografııasy» qoǵamdyq birlestiginiń joǵary organy otyrysynyń hattamasynan úzindi, jeke kýáligi men joǵary oqý ornyn bitirgeni týraly dıplomynyń kóshirmesi, sondaı-aq ómirbaıandyq derekterin jáne memlekettik qyzmettegi nemese saılanbaly memlekettik laýazymdardaǵy jumys tájirıbesi týraly málimet pen Prezıdenttikke kandıdat bolyp túsýge kelisimi týraly ótinishi jáne Ortsaılaýkomnyń shotyna saılaý jarnasyn engizgenin kýálandyratyn qujaty usynyldy.
Prezıdenttikke kandıdattyń Konstıtýsııada jáne «Qazaqstan Respýblıkasyndaǵy saılaý týraly» Konstıtýsııalyq zańda belgilengen talaptarǵa sáıkestigin tekserýde járdemdesýi úshin ýákiletti memlekettik organdarǵa suraý salyp, tıisti málimetter alynǵan.Sóıtip keshe, ıaǵnı 2019 jylǵy 2 mamyrda Ortsaılaýkomda Jumataı Álıevtiń memlekettik tildi erkin meńgergendigin anyqtaý jónindegi lıngvıstıkalyq komıssııanyń otyrysy ótti.
О́tkizilgen emtıhannyń nátıjeleri boıynsha lıngvıstıkalyq komıssııa Qazaqstan Respýblıkasynyń Prezıdenttigine kandıdat Jumataı Álıevtiń memlekettik tildi erkin meńgermegendigi jóninde sheshim qabyldady. Jumataı Álıevtiń memlekettik tildi erkin meńgermegeni týraly emtıhan nátıjesin eskere otyryp, Konstıtýsııa men "QR Saılaý týraly" Konstıtýsııalyq zańda Prezıdenttikke kandıdatqa qoıylatyn talaptarǵa sáıkes emestigi týraly hattama qabyldandy. Osyǵan baılanysty Ortsaılaýkom qaýlysy qabyldandy.
Osy qaýlynyń 1-tarmaǵyna saı Qazaqstan Respýblıkasynyń Prezıdenttigine kandıdat Jumataı Álıevtiń Konstıtýsııanyń jáne «Qazaqstan Respýblıkasyndaǵy saılaý týraly» Konstıtýsııalyq zańynyń talaptaryna sáıkes emes ekeni anyqtaldy. Al Qaýlynyń 2-tarmaǵy Jumataı Álıevti Qazaqstan Respýblıkasynyń Prezıdenttigine kandıdat retinde tirkeýden bas tartýdy kózdeıdi.
