Bastama turmystyń qıyndyǵynan paıda boldy. Joldasy Arman ekeýi birneshe sıyr ustady, al sút ótkizetin oryn alys, oǵan barǵansha sút ashyp ketip júrdi, shyǵynǵa batqan kezi de boldy. Osy kezde Natalıaǵa «nege irimshik qaınatpaımyn?» degen oı keldi. Biraq olarda bul úshin qural da, qarjy da joq bolatyn. Tyǵyryqtan «Bıznes-Keńes» kýrsyna jazylý shyǵardy.
«Kásipkerler palatasynyń aýdandyq fılıalynda maǵan bilim berip ǵana qoıǵan joq, kásibimdi ashýǵa, bıznes-josparymdy jasaýǵa kómektesti. Sonyń arqasynda men 3 mıllıon teńge grant aldym. Qostanaı aýdanyndaǵy «Sadchıkov» JShS-de bolyp, irimshikti óndiristik daıyndaýdy kórdim», deıdi Natalıa.
Irimshikti daıyndaý naǵyz óner. Ol óziniń ashanasynda onyń barlyq syryn úırenýden ótti deýge bolar. Al ol Natalıanyń bolashaq kásibiniń kepili boldy. Onyń irimshigin aldymen aýyldastary satyp aldy, al qazir kórshi aýyldar men qalalardan da suranys jasaıdy. Irimshik jasaýǵa ashanasy tarlyq etkennen keıin Natalıa óziniń monshasyn qaıta jóndep, sehqa aınaldyrdy. Qazir Natalıanyń irimshigi jeńsik asqa aınaldy, eń bastysy, aýyldastary úshin artyq sútti qaıda tapsyrý máselesi de sheshildi.
Qostanaı
