Atalǵan turǵyn úı memlekettik «Nurly jer» baǵdarlamasy boıynsha ótken jyly salyndy. Merdiger «Bınom» jaýapkershiligi shekteýli seriktestigi. «Báıterek» aýdanyndaǵy bul kópqabatty turǵyn úı áleýmettik jaǵynan qorǵalatyn toptardyń azamattaryna jekeshelendirý quqyǵynsyz berilip otyr. Sonymen qatar, arendalyq aılyq tólem kórsetkishi 5500-6000 teńge kóleminde eseptelgen. Páter alýshylar qatarynda 12 jetim bala, áleýmettik jaǵynan qorǵalatyn 31 adam, memlekettik jáne bıýdjettik uıym qyzmetkerlerinen 17 adam bar. Turǵyn úıdiń kólemi 3 bólmeli 71, 2 bólmeli 58, 1 bólmeli páterler 40 sharshy metrdi quraıdy. Jalpy páterlerdiń quny 8-11 mıllıon teńge kóleminde. Paıdalanýǵa berilgen 60 páterlik úı ishinde 3 bólmeli 30, 2 bólmeli 15, al 1 bólmeli 15 páter bar.
