Búginde qaladaǵy saýda qyzmetin retteý jónindegi amaldardyń ret-tártibi bekitilip, birqatar jumystar atqarylýda. Qala syrtynan qurylys materıaldaryn, kıim-keshek, azyq-túlik taýarlaryn saýdalaıtyn bazarlar úshin 50 gektar jer telimi belgilengen. Onyń ishinde, 17 gektar – Qyzylorda baǵytynan, 15 gektar – Kentaý baǵytynan, 18 gektar – Sháýildir baǵytynda.
Bul aımaqtardaǵy jer telimderin zańdastyryp retteý, Qyzylorda jáne Sháýildir baǵytyndaǵy jer telimderinde ornalasqan jer paıdalanýshylar tizimine sáıkes, memlekettik muqtajdyǵy úshin qaıtarý jumystary júrgizilýde. Al, Kentaý baǵytyndaǵy «Saýda keshenine» belgilengen alań tolyǵymen bos bolǵandyqtan, zamanaýı talapqa saı keletin saýda alańyn uıymdastyrý maqsatynda, «Túrkistan» ÁKK» aksıonerlik qoǵamyna «Saýda kesheni» qurylysy úshin 15 ga jer telimi turaqty paıdalanýǵa berilgen.
