Djonatan Benks kásipqoı bokstaǵy karerasyn 2014 jyly aıaqtasa da, 2012 jyldan bastap boksshylardy jattyqtyryp keledi. Bapkerlik karerasyn ataqty jattyqtyrýshy Emanýel Stıýardtyń kómekshisi bolyp bastaǵan ol 2012 jyly ustazy qaıtys bolǵan soń, onyń ornyna aýyr salmaqtaǵy ýkraınalyq Vladımır Klıchkonyń negizgi bapkeri atandy.
36 jastaǵy Benks Golovkınnen úsh aıǵa kishi. Ol 2004-2014 jyldar aralyǵynda kásipqoı boksta 33 jekpe-jek ótkizip, onyń 29 kezdesýinde jeńiske jetken. 19 qarsylasyn nokaýtpen jeńse, úsh aıqasynda jeńilip qalǵan. Bir kezdesýinde teń túsken. Sondaı-aq Benks birinshi aýyr salmaqta IBO tujyrymy boıynsha álem chempıony atanǵan.
