Mysaly, Tereńkól aýdanyndaǵy «Astyq-PV» JShS-da sút fermasy jumys jasaıdy. Sýarmaly alqaptary iske qosylyp, sý munarasy salynǵan.
Sharýashylyq «Agrarlyq nesıe korporasııasy» AQ arqyly nesıe alypty. Memleket tarapynan sýbsıdııa da qarastyrylǵan.
Árbir bas sıyr úshin 225 myń teńge kóleminde kómek qarjysy beriledi. Osylaısha, sút fermasyna Chehııa elinen sımmental tuqymdas 700 bas sıyr ákelgen.
Sharýashylyq basshysy Abaı Orazymbetovtiń aıtýynsha, jobanyń jalpy quny - 1,2 mlrd teńge. Taýarly sút fermasynyń jumysy avtomattandyrylǵan. Mal turatyn oryndarda aýa avtomatty júıe arqyly rettelip otyrady. Aýa tazartý qurylǵylary da ornatylǵan.
Qazirgi kezde sharýashylyq sút tasymaldaýshy jáne sútti salqyndatatyn qurylǵylardy iske qosýda. Endi kún saıyn saýylatyn sútti esepteýdiń elektrondy júıesi engizilmek.
Sút fermasy ornalasqan Jańabet aýylynda 1 myńǵa jýyq turǵyn bar.
Aýylda 22 aýyl sharýashylyq seriktestikteri jumys isteıdi. Turǵyndar túgel osy sharýashylyqtarda eńbek etýde.
